Ujarlerit

Oqaasiliortut 2020 – 3 (gl)

OQAA – 280520 (gl)

Oqaasiliortut ataatsimiinnerat sisamanngornermi 28.05.2020 nal. 10.00-13.00.

Peqataasut:
Oqaasiliortut: Mariia Simonsen, Juaaka Lyberth, Karen Ramsøe & Hans Kristian Olsen

Oqaasileriffimmit: Lisathe Møller & Katti Frederiksen

Peqataanngitsoq:
Knud Møller

 

Oqaluuserisassat:

1. Oqaluuserisassat akuerineqarnerat.
2. Kingullermik ataatsimiinnermit imaqarniliap akuerineqarnera.
3. Siulittaasumit Oqaasileriffimmillu ilisimatitsissutit.
4. Kalaallisut taaguusigassat:
       a. delfin
       b. isikkamik arsarnermi taaguusersuutit akuerineqarnissaat
5. Suliat allat pillugit ilisimatitsineq
a. Inuit aqqi pillugit saaffiginnissutit
6. Ataatsimiinnissap tulliata ullulerneqarnera.
7. Tamalaat.

 

Imaqarniliaq

1. Oqaluuserisassat akuerineqarnerat.
Oqaluuserisassat akuerineqarput imm. 4 a 4 b-lu paarlaallugit.

2. Kingullermik ataatsimiinnermit imaqarniliap akuerineqarnera
Maajip 14-ianni 2020-mi ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit
Oqaasileriffimmit oqaasiinnakkut ilisimatitsissutit tusaatissatut tiguneqarput.
Siulittaasup ilisimatitsissutigaa coronap/covid 19-ip atuunnerani taaguutit Oqaasileriffimmit nakorsaaneqarfimmut innersuussutaasimasut malinneqannginnerat malunnarmat Oqaasileriffiup Facebookianut ikkunneqarsimallutillu Namminersorlutik Oqartussat nutserisoqarfianut ilisimatitsissutigineqarsimasut. Siulittaasoq isumaqarpoq taaguutit akuerisat atorneqarnerisa/atorneqannginnerisa ulluinnarni nakkutiginissaat qisuariarfiginissaallu pingaartinneqartariaqartoq.

4. Aalajangiivigisassat:

a. Delfin
Pinngortitaleriffimmut KNAPK-mullu tusarniaanermit akissutit tunngavigalugit
Oqaasiliortut aalajangerput taaguutit uku akuerineqassasut:
– hvidskæving (lagenorhynchus) (aarluarsunnut tamanut overbegrebi) aarluarsuk
hvidnæse (Lagenorhynchus albirostris) aarluarsuk qaqortumik siggulik
hvidskæving (lagenorhynchus acutus) aarluarsuk

b. Isikkamik arsarnermi/arsaannermi taaguusersuutit akuerineqarnerat
Isikkamik arsarnermi taaguutit makku akuerineqarput:

akkumulerede frispark       unioqqutitsinerit kisinneqartut
akkumuleret frispark       unioqqutitsineq kisinneqartunut ilanngunneqartoq
albuetackling ikusimmiineq
alvorligt skadet  ajoquserujussuartoq
analyse       misissueqqissaarneq
anden halvleg       unamminerup affaa kingulleq
anfører      siulersorti
angreb  saassussineq
angrebsåbning saassussinermi periarfissaqalerneq/ saassussinermi periarfissaalersoq
angrebsspil  saassussineq
angribe  saassussivoq
angribende hold  saassussisut
angriber saassussisartoq
angrebsspiller  siukkaq
årets fighter  akiuulluarnerpaaq
årets hold  pitsaanersiukkat
årets spiller  arsallammak
årets tekniker  arsalerillammak
årets topscorer  isertitsinerpaaq
assist isertitsissutaasumik tunniussineq
assisterende dommer  dommerip ikiortaa
back  backi
baglinje arsaaffiup isua
bandespil tunioraakkasuarneq
bane unammisarfik
banehalvdel unammisarfiup affaa
banelængde unammisarfiup takissusia
banens bredde       unammisarfiup silissusia

 

5. Suliat allat pillugit ilisimatitsineq

a. Inuit aqqi pillugit saaffiginnissutit tusaatissatut tiguneqarput. Qalipaasersorlugit immikkoortiterneqarnerat iluarineqarpoq, ullutalersorneqassasulli isumaqatigiissutigineqarpoq.

6. Ataatsimiinnissap tulliata ullulerneqarnera.
Juni 11-at 2020 nal. 9.30-14.00 tulliani ataatsimiiffiussaaq.

7. Tamalaat.

 

Ataatsimiinnermi peqataasut:

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Juaaka Lyberth, ilaasortaq

 

Ataatsimeeqataanngitsup imaqarniliaq atuarsimallugu uppernarsarpaa:

Knud Møller, ilaasortaq