Ujarlerit

Oqaasiliortut 2020 – 4 (gl)

OQAA – 110620 (gl)

Oqaasiliortut juunip 11-anni 2020 ataatsimiinnerannit imaqarniliaq

Peqataasut:

Oqaasiliortut: Mariia Simonsen, Karen Ramsøe, Juaaka Lyberth, Knud Møller & Hans Kristian Olsen
Oqaasileriffimmit: Lisathe Møller & Katti Frederiksen

 

1. Oqaluuserisassat akuerineqarnerat
Oqaluuserisassani 4a-p 5a-llu tulleriinneri paarlaanneqarput.

2. Kingullermik ataatsimiinnermit imaqarniliap akuerineqarnera
Maajip 28-anni 2020-mi ataatsimiinnermit imaqarniliaq allannguuteqalaarluni akuerineqarpoq.

3. Siulittaasumit Oqaasileriffimmillu ilisimatitsissutit
Oqaasileriffimmit ilisimatitsissutit allassimasut tusaatissatut tiguneqarput.

Strategiip Oqaasiliortut aallartissimasaata nanginneqarnissaa eqqartorneqarpoq. Oqaasileriffiup nangissavaa allaqqinneqarneralu naammassippat Oqaasiliortunut oqaluuserisassanngortinneqarumaarpoq.

4. Suliat allat pillugit ilisimatitsineq

    1. Inuit aqqi pillugit saaffiginnissutit tusaatissatut tiguneqarput.

5. Aalajangiivigisassat:

    1. Isikkamik arsarnermi/arsaannermi taaguusersuutit akuerineqarnerat

Taaguutit makku akuerineqarput:

angrebsåbning saassussinermi periarfissaqalerneq/saassussinermi periarfissaalersoq
banens dybde unammiffiup takissussaa
benskinne kanaarnaveeqqut
blindside isiginngisaq
bold arsaq
boldbane arsartarfik
boldbesiddelse arsamik tigumiaqarneq
bolderobring arsaarineq
boldforståelse arsarnermik paasisimasaqassuseq
boldførende spiller arsamik ingerlatsisoq
boldholder arsamik tigumiaqartoq
boldklub arsartartut peqatigiiffiat
boldovertagelse arsamik tigusineq
boldspil arsarneq
boldøje arsallaqqissuseq
bortvise anisippaa
bortvisning anisitsineq
bronzemedalje saqqarmiu bronziusoq
bundkamp angusalunnerpaat unamminerat
byhold illoqarfiup holdia
børnefodbold meeqqat arsaannerat
centerforsvar kinguarsimasuni qiterliit (qass.)
central forsvarsspiller kinguarsimasuni qiterleq
central midtbanespiller qeqqani qiterleq
centrering qeqqanoorineq
centrere qeqqanoorpaa
chipspark arsamik ataatigut isimmitsineq

6. Ataatsimiinnissap tulliata ullulerneqarnera

Ullulerneqanngikkallarpoq.

7. Tamalaat

 

Ataatsimiinnermi peqataasut:

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Juaaka Lyberth, ilaasortaq

Knud Møller, ilaasortaq