Oqaasiliortut 14/04-2021 ataatsimiinnerannit imaqarniliaq
Peqataasut:
Oqaasiliortut: Mariia Simonsen (siulittaasoq), Karen Ramsøe (siulittaasup tullia)& Hans Kristian Olsen
Oqaasileriffimmit: Lisathe Møller (allatsi) & Beatrine Heilmann (pisortaagallartoq)
Peqataanngitsoq: Knud Møller
Oqaluuserisassat:
- Oqaluuserisassat akuerineqarnerat.
- Kingullermik ataatsimiinnermit imaqarniliap akuerineqarnera.
- Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit - Suliat allat pillugit ilisimatitsineq
a. Inuit aqqi pillugit saaffiginnissutit - Suliat allat:
a. Naggueqatitsinnik suleqateqarsinnaanermut periarfissat
b. Oqaasiliortut periusissiaat (strategi) - Kalaallisut taaguusigassat:
a. Isikkamik-arsarnermi taaguusersuutit akuerineqarnissaat - Ataatsimiinnissap tulliata ullulerneqarnera.
- Tamalaat
Imaqarniliaq
- Oqaluuserisassat akuerineqarnerat
Oqaluuserisassat tulleriinneri allannguuteqartinneqalaarlutik akuerineqarput. - Kingullermik ataatsimiinnermit imaqarniliap akuerineqarnera.
17/3-2021 ataatsimiinnermit imaqarniliaq akuerineqarpoq. - Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit tusaatissatut tiguneqarput.
- Suliat allat pillugit ilisimatitsineq
a. Inuit aqqi pillugit saaffiginnissutit tusaatissatut tiguneqarput.
Oqaasiliortut ataatsimiinnerup kingulliup kingorna inuit aqqinik akuersissuteqanngillat.
- Suliat allat:
a. Naggueqatitsinnik suleqateqarsinnaanermut periarfissatTaaguusersuinermik suliaqarnermi naggueqatitsinnik suleqatiginnissinnaanermik periarfissaqarnersoq Karen Ramsøep ujartorpaa. Oqaasileriffik sukkut tamaana, aalajangersimasuunngitsumilli, Nunavummi oqaasiliortunit saaffigineqartarput siornaanngorporlu tikeraartoqarlutik. Oqaasiliortut iluatigaat Akilinermi taaguutinik isumassarsiorfeqarsinnaaneq, taamaattumillu aalajangerput Nunavummi oqaasiliortut saaffigineqassasut taaguutilerinermut tunngatillugu suleqatigiittoqarsinnaanersoq.b. Oqaasiliortut periusissiaat (strategi)
Oqaasiliortut periusissiassaattut Oqaasileriffimmit suliaagallartoq pillugu Oqaasiliortut eqqartuipput. Oqaasiliortut allannguutissaalunnguanik aalajangiussaqarput, taakkulu Oqaasileriffimi allaffissornikkut suliarineqareerpata periusissiaq tulliani ataatsimiinnissami akuerineqarsinnaanngussaaq.
- Kalaallisut taaguusigassat:
a. Isikkamik-arsarnermi/arsaannermi taaguusersuutit akuerineqarnerat
Isikkamik-arsarnermi/arsaannermi taaguutit makku akuerineqarput:
| fodboldpublikum | isikkamik-arsartunik isiginnaartut, arsaattunik isiginnaartut (17.03.21 iluarsineqartoq) |
| fodboldstævne | isikkamik-arsarluni unammiuaaqatigiinneq, arsaalluni unammiuaaqatigiinneq (17.03.21 iluarsineqartoq) |
| forsvarende hold | iligiit illersortut |
| forsvarer/ forsvarsspiller | kinguarsimasoq |
| forsvarslinje | kinguarsimanerpaaffik |
| forsvarsmekanisme | illersorluni qisuariaat |
| forsvarsspil | ajuutsitsinaveersaarneq |
| forsvarsstilling | kinguarsimasut inissisimanerat |
| forudseenhed | naatsorsuisinnaassuseq |
| frekvenstræning | isigassullaqqissiumalluni sungiusarneq |
| frispark | frisparki |
| frisparksmål | frisparkerluni isertitsineq |
| futsal | futsali |
| fysisk træning | timikkut sungiusarneq |
| færdighed | pisinnaassuseq |
| følgestraf | kinguneqartitsineq |
| første berøring | attuineq siulleq |
| første halvleg/1. halvleg | immikkoortoq siulleq |
| gennembrud | qaangiineq |
| gribetrekant | akorsinermi inussat inissisimanerat |
| gruppekamp | eqimattaqatigiit unamminerat |
| gruppetræning | eqimattakkuutaarluni sungiusarneq |
| grænselinje | titarneq killiliussaq |
| anden halvleg | unamminerup affaa kingulleq (28.05.2020-mi akuerisaq atorunnaarpoq), immikkoortoq kingulleq |
- Ataatsimiinnissap tulliata ullulerneqarnera.
Sisamanngorneq 6/5-2021, nal. 13-16.
- Tamalaat.
Oqaasileriffik allamik nittartagartaarpoq, taannalu Oqaasileriffimmit Oqaasiliortunut paasissutissiissutigineqarpoq.
Ataatsimiinnermi peqataasut:
Mariia Simonsen, siulittaasoq
Karen Ramsøe, siulittaasup tullia
Hans Kristian Olsen, ilaasortaq
Imaqarniliaq atuarsimallugu uppernarsarpaa:
Knud Møller, ilaasortaq