OQAASILIORTUT ATAATSIMIINNERAT
– tallimanngorneq 25/11-2022, nal. 13-16, Oqaasileriffimmi
PEQATAASUT
Oqaasiliortunit
- Karen Ramsøe (siulittaasup tullia), Dorthe Kielsen, Ono Fleischer aamma Abia Abelsen
Oqaasileriffimmit
- Minik Jeremiassen (allatsi)
PEQATAANNGITSOQ
- Mariia Simonsen (siulittaasoq)
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (16/11-2022) imaqarniliap akuerineqarnera
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Siulittaasumit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Ilaasortanit siunnersuutinik suliaqarneq
- Suliat allat pillugit ilisimatitsineq
- Inuit aqqi pillugit saaffiginnissutit
- Suliat aalajangiiffigisassat suliarineqarnerat
- Taaguusersuuserineq
Arsaannermik taaguusersuutinik aalajangersaaneq
- Ataatsimiinnissap tulliata ullulerneqarnera
- Tamalaat
IMAQARNILIAQ
- Oqaluuserisassat akuerineqarnerat
Oqaluuserisassat allanngornagit akuerineqarput.
- Kingullermik ataatsimiinnermit (16/11-2022) imaqarniliap akuerineqarnera
Kingullermik ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
Oqaasileriffimmit ilisimatitsissutit ilisimatitsissutigineqarput.
- Siulittaasumit ilisimatitsissutit
Siulittaasoq ataatsimiinnermut peqataanngimmat oqaluuserisassaq qaangerneqarpoq.
- Kalaallit aqqinik siulequtaasunik akuereqquneqartunik suliaqarneq
Inuit aqqinik ataatsimiinnermi eqqartugassaasunik qinnuteqartoqanngimmat oqaluuserisassaq qaangerneqarpoq.
- Ilaasortanit siunnersuutinik suliaqarneq
Soqanngilaq.
- Suliat allat pillugit ilisimatitsineq
Suliat allat pillugit ilisimatitsisoqanngilaq.
- Suliat aalajangiiffigisassat suliarineqarnerat
- Taaguusersuuserineq
Taaguusersuutit timersornermut arsaannermullu tunngasut nutaat aqqaneq-marluk akuerineqarput, marluk nutaamik taaguuserneqarlutik qulingiluallu akuereqqinneqarlutik.
| niveaudeling | pikkorissuseq malillugu immikkoortiterineq | |
| fodboldforstand | arsaannermik paasisimasaqarneq | Akuerineqareersoq ulloq 07.01.2021 |
| boldforståelse | arsap ingerlaarneranik paasinnissinnaassuseq | Una atorunnaarsinneqarpoq: arsarnermik paasisimasaqassuseq (11.06.2020) |
| spilforståelse | arsaannermik paasinnissinnaassuseq | |
| forsvarsmekanisme | illersorluni qisuariaat | Akuerineqareersoq ulloq 14.04.2021 |
| forudseenhed | naatsorsuisinnaassuseq | Akuerineqareersoq ulloq 14.04.2021 |
| færdighed | pisinnaassuseq | Akuerineqareersoq ulloq 14.04.2021 |
| individuel færdighed | arsaattartup pisinnaassusia | Akuerineqareersoq ulloq 22.06.2021 |
| teknisk færdighed | arsalerillaqqissuseq | Una atorunnaarsinneqarpoq: periataarsinnaanermik piginnaasaq (14.05.2020) |
| åben færdighed | tamatigoortumik periataallaqqissusilik | |
| værdigrundlag | pingaartitaq | |
| hviledag | ulloq qasuerserfik | Akuerineqareersoq ulloq 22.06.2021 |
| spilintelligens | arsaannermi silassorissuseq | |
| maksimal intensitet | tamakkersorneq | |
| kampdag | ulloq unammiffik | |
| kompetence | piginnaasaq | Akuerineqareersoq ulloq 22.06.2021 |
| kondital | qasujaassutsimut takussutissaq | Akuerineqareersoq ulloq 22.06.2021 |
| kondition | qasujaassuseq | Akuerineqareersoq ulloq 22.06.2021 |
| koordination | timip pisunut tulluarsarsinnaanera | |
| kreativitet | nutaaliorsinnaaneq | |
| kundskab | ilisimasaq | |
| kvalifikation | piukkunnaat | |
| visuel læring | isigisatigut ilikkarneq |
- Ataatsimiinnissap tulliata ullulerneqarnera
Ataatsimiinnerup tullia pissaaq marlunngornermi 20/12-2022-mi, nal. 13-imit Oqaasileriffimmi.
- Tamalaat
Soqanngilaq.
Ataatsimiinnermi peqataasut:
- Karen Ramsøe (siulittaasup tullia)
- Abia Abelsen (ilaasortaq)
- Dorthe Kielsen (ilaasortaq)
- Ono Fleischer (ilaasortaq)
Imaqarniliaq atuarsimallugu uppernarsarpaa:
- Mariia Simonsen (siulittaasoq)