Oqaasiliortut 2023-1

OQAA – 180123

OQAASILIORTUT ATAATSIMIINNERAT

– pingasunngorneq 18/01-2023, nal. 13-16, Oqaasileriffimmi

PEQATAASUT

Oqaasiliortunit

• Mariia Simonsen (siulittasoq), Karen Ramsøe (siulittaasup tullia), Dorthe Kielsen, Ono Fleischer aamma Abia Abelsen

Oqaasileriffimmit

• Beatrine Heilmann (allatsi)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (20/12-2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Ilaasortanit siunnersuutinik suliaqarneq
6. Suliat allat pillugit ilisimatitsineq
   
   1. Inuit aqqi pillugit saaffiginnissutit
7. Suliat aalajangiiffigisassat suliarineqarnerat
   
   1. Oqaasiliortut Oqaasileriffik peqatigalugu periusissiaannik nalilersuineq

Oqaasiliortut Oqaasileriffik peqatigalugu periusissiaannik iliuusissatullu pilersaarutaannik nalilersuineq nutarterinerlu

1. 2. Taaguusersuuserineq

Arsaannermik taaguusersuutinik aalajangersaaneq

8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat

Oqaluuserisassat allanngornagit akuerineqarput

2. Kingullermik ataatsimiinnermit (20/12-2022) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

1. 2. Siulittaasumit ilisimatitsissutit

Soqanngilaq.

4. Kalaallit aqqinik siulequtaasunik akuereqquneqartunik suliaqarneq

Nukappiaqqanut atertut akuerineqartoq:

• • Niilu (06/01-2023)

5. Ilaasortanit siunnersuutinik suliaqarneq

Soqanngilaq.

6. Suliat allat pillugit ilisimatitsineq
   
   1. Inuit aqqi pillugit saaffiginnissutit

Inuit aqqi pillugit saaffiginnissutit tusaatissatut tiguneqarput.

7. Suliat aalajangiiffigisassat suliarineqarnerat
   
   1. Oqaasiliortut Oqaasileriffik peqatigalugu periusissiaannik nalilersuineq

Oqaasiliortut Oqaasileriffik peqatigalugu periusissiaannik iliuusissatullu pilersaarutaannik nalilersuineq pivoq.

Periusissiami allannguutissat makkuupput:

• • • Ukioq manna (2023-mi) allattaatsimut tunngasut Oqaasiliortunit aalajangersagassat tassaassapput: uniffiup atuuffissai, kisitsisinik uiguusiinissami naaniliinissamilu periusissaq, oqaasersiat allannissaannik, taakkuninngalu uiguusiinissamik naaniliinissamillu periusissaq, naqinnerit aallaqqaatit (akronymit) atorlugit taaguusikkat qanoq uiguuserneqartarnissaannik naanilerneqartarnissaannillu periusissaq, kiisalu naalisaatit nutarterneqarnissaat.
    • Taaguusersuutit suliarineqartussat aalajangersarneqartussallu tulleriissaarneri allannguuteqassapput.

Taaguusersuutit 2023-mi aalajangersarneqartussat tassaassapput:

• • • Tusagassiornermi taaguusersuutit
    • Pinngortitalerinermi taaguusersuutit
    • Sarfamut sakkortuumut taaguusersuutit
    • Nunatta Atuagaateqarfiani taaguusersuutit
    • Aningaasaqarnermut taaguusersuutit
    • Inatsisilernermut taaguusersuutit
    • Inatsimmi tunngaviusumi taaguusersuutit

Taaguusersuutit 2024-mi ukiullu tulliini aalajangersarneqartussat tassaassapput:

• • • Socialpædagogikkimi taaguusersuutit (socialpædagogiske termer)
    • Tarnimikkut nappaatilinnut qitiusumik (psykiatrisk område) immikkoortortaqarfimmi taaguusersuutit
    • Kinguaassiuutitigut atornerluinermut tunngasuni taaguusersuutit
    • Allaffissornermi taaguusersuutit
    • Isiginnaartitsinermi taaguusersuutit
    • Aatsitassarsiornermi taaguusersuutit

Periusissiamik nalilersueqqinnermi aalajangiussat periusissiap oqaasertaanik nutarterinissami aallaavigineqassapput.

1. 2. Taaguusersuuserineq

Arsaannermi taaguusersuutinik aalajangersaaneq

Arsaannermi taaguusersuutinik aalajangersaanermi taaguutit Oqaasiliortunit siornatigut akuerineqarsimasut ataatsimiinnermili atorunnaarsinneqartut siulliupput. Tulliupput taaguutit 18/01-2023-mi akuerineqartut.

ARSAANNERMI TAAGUUSERSUUTIT ATORUNNAARSINNEQARTUT

ARSAANNERMIK TAAGUUSERSUUTIT AKUERISAT

8. Ataatsimiinnissap tulliata ullulerneqarnera

Ataatsimiinnerup tullia pissaaq tallimanngorneq 03/02-2023, nal. 13-16, Oqaasileriffimmi.

9. Tamalaat

Soqanngilaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Dorthe Kielsen (ilaasortaq)
• Ono Fleischer (ilaasortaq)
• Abia Abelsen (ilaasortaq)