OQAASILIORTUT ATAATSIMIINNERAT
– tallimanngorneq 19/04-2023, nal. 13-16, Oqaasileriffimmi
PEQATAASUT
Oqaasiliortunit
- Mariia Simonsen (siulittasoq), Karen Ramsøe (siulittaasup tullia), Dorthe Kielsen (internetsikkut peqataavoq), Ono Fleischer aamma Abia Abelsen
Oqaasileriffimmit
- Beatrine Heilmann (allatsi)
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (24/03-2023) imaqarniliap akuerineqarnera
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Siulittaasumit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Ilaasortanit siunnersuutinik suliaqarneq
- Suliat allat pillugit ilisimatitsineq
- Inuit aqqi pillugit saaffiginnissutit
- Suliat aalajangiiffigisassat suliarineqarnerat
- Ukiup tulliani suliassat aallunneqartussat pillugit pilersaarusioqatigiinneq
- Allattaasitaap ukiuni 50-ini atuussimanerata malunnartinnissaanik pilersaarusioqatigiinneq
- Taaguusersuuserineq
- Nunatta Atuagaateqarfiani oqaatsit ujartugassat aalajangersaaffigineqarnerat
- Ataatsimiinnissap tulliata ullulerneqarnera
- Tamalaat
IMAQARNILIAQ
- Oqaluuserisassat akuerineqarnerat
Oqaluuserisassat allanngornagit akuerineqarput.
- Kingullermik ataatsimiinnermit (24/03-2023) imaqarniliap akuerineqarnera
Kingullermik ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
Oqaasileriffimmit ilisimatitsissutit tusaatissatut tiguneqarput.
- Siulittaasumit ilisimatitsissutit
Siulittaasumit ilisimatitsissutit tusaatissatut tiguneqarput.
- Kalaallit aqqinik siulequtaasunik akuereqquneqartunik suliaqarneq
Nukappiaqqanut atertut akuerineqartoq:
- Ezekiâraĸ (27/03-2023)
- Ilaasortanit siunnersuutinik suliaqarneq
Ilaasortanit siunnersuutinik soqanngilaq.
- Suliat allat pillugit ilisimatitsineq
- Inuit aqqi pillugit saaffiginnissutit
Inuit aqqi pillugit saaffiginnissutit tusaatissatut tiguneqarput.
- Suliat aalajangiiffigisassat suliarineqarnerat
- Ukiup tulliani suliassat aallunneqartussat pillugit pilersaarusioqatigiinneq
Ukiup tulliani suliassat aallunneqartussat pillugit pilersaarusioqatigiinnermi Oqaasiliortut aalajangerput aningaasanut inatsisissamut 2023-mut atatillugu Oqaasileriffimmi atorfiit marlunnik ilaneqartussanngorlugit Oqaasileriffimmut aningaasaliissutit qaffanneqarnissaat Oqaasileriffiup qinnutigissagai. Tamatuma saniatigut kalaallisut retskrivningsordbogissamik saqqummersitsinissamut aningaasat atugassat aamma qinnutigineqassapput.
- Allattaasitaap ukiuni 50-ini atuussimanerata malunnartinnissaanik pilersaarusioqatigiinneq
Allattaasitaap ukiuni 50-ini atuussimanerata malunnartinnissaanik pilersaarusioqatigiinnermi Oqaasiliortut Oqaasileriffiup pilersaarutai makku akuersissutigaat:
- Oqaasileriffiup nittartagaani malunnartitsillutik aaqqissuussinissamik kajumissaatit allattaatsimut tunngasunik paasissutissanik imalik suliarineqassasoq.
- Allattaasitaap atuutsinneqalernerata nalaani eqqaamasalersaarutinik immiussisoqassasoq nittartagaq aqqutigalugu tusarnaarneqarsinnaasunik.
Allataasitaap ukiuni 50-ini atuussimanerata malunnartinneqarnissaanut atatillugu eqqartuinermi Oqaasiliortut kissaateqarput allataasitoqqap suli maannamut pisortatigoortumik allattaatsitut atorunnaarsinneqarsimanngitsup atorunnaarsinneqarsinnaanera pillugu suliniuteqassagunik qanoq iliortoqartoqarnissaa pillugu Oqaasileriffik paasiniaallunilu misissuissasoq.
- Taaguusersuuserineq
Nunatta Atuagaateqarfiani oqaatsit ujartugassat aalajangersaaffigineqarneranni oqaatsitut ujartugassatut Oqaasiliortunit akuerisat tabelimi tulliuttumi nalunaarsorsimapput.
| Qallunaatut oqaaseq ujartugassaq | Kalaallisut oqaaseq ujartugassaq |
| arktisk natur | Issittumi pinngortitaq |
| arktiske folk | Issittormiut |
| artikler | allaatigisat |
| av-fortegnelse | tusarnaagassianik takusassianillu allattuiffik |
| bankkunder | aningaserivimmik atuisut |
| bankvæsen | aningaaseriveqarneq |
| barndomserindringer | meeraanilersaarutit |
| barnløshed | meerartaarsinnaannginneq |
| befolkningsundersøgelser | innuttaasunik misissuinerit |
| behandling | katsorsaaneq |
| beskyttede boliger | nakkutigisamik angerlarsimaffiit (manna 10/10-2007-imi akuerisaq atorunnaarsinneqarpoq: inissiat isumannaallisakkat) |
| beskyttede værksteder | nakkutigisamik sulliviit (manna 10/10-2007-imi akuerisaq atorunnaarsinneqarpoq: sulliviit isumannaallisakkat) |
| betænkninger | isumaliutissiissutit |
| bevaringsværdige bygninger | illutoqqat eriagisariallit |
| bibelfortolkninger | biibilimut nassuiaatit |
| bibelhistorier | oqaluttuat biibilimik tunngavillit (Oqaasersiuummiittut uku atorunnaarsinneqarput: upperisarsiorneq; religioni) |
| bibliografiske databaser | qarasaasiakkut atuakkanik nalunaarsuutit |
| biblioteksafgift | Atuagaateqarfimmiittuuteqarnersiat (Oqaasersiuummiittoq manna atorunnaarsinneqarpoq: atuagaateqarfimmiittuuteqarnersiutit) |
| biblioteksbetjening | atuagaateqarfinni kiffartuussineq |
| bibliotekskataloger | atuagaateqarfinni ujarlerfissiat |
| biodiversitet | uumassusillit assigiinngisitaarnerat |
| biografier | inuit oqaluttuassartaat |
| biografiske noveller | inuit oqaluttuassartaannik naatsukullaliat |
| biografiske romaner | inuit oqaluttuassartaannik takisuuliat |
| blandet ægteskab | naggueqatigiinngitsut aappariinnerat |
| Blå Kors | Sanningasoq Tungujortoq |
| bogfortegnelse | atuakkat nalunaarsorneqarfii |
| boligforhold | ineqarnermi atukkat (manna 10/10-2007-imi akuerisaq atorunnaarsinneqarpoq: inissialiornermi pissutsit) |
| boligklagenævn | ineqarneq pillugu maalaaruteqartarfik |
| boligpolitik | inissaqartitsinermut politikki (manna 29/10-2009-mi akuerisaq atorunnaarsinneqarpoq: inissaqartitsineq pillugu politikki) |
| branding | ilisarnaammik nittarsaassineq |
| brandvæsen | qatserisartoqarneq (Oqaasersiuummiittoq manna atorunnaarsinneqarpoq: qatserisartoqarfik) |
| brevromaner | allagarsiatut allallugit takisuuliat |
| bryggerier | immiorfiit |
| brødre | qatanngutigiit angutit |
| bureaukrati | allaffissornerujussuaq |
| busselskaber | bussiutileqatigiiffiit |
| byggemoduler | sanaartukkat katiteriaannaat |
| byggeri | sanaartorneq |
| byggeteknik | sanaartornerup teknikkia |
| bygningsbevaring | sanaartukkanik eriaginninneq |
| bygningsfredning | sanaartukkanik allanngutsaaliuineq |
| byliv | illoqarfimmi inuuneq |
| byudvikling | illoqarfiup ineriartornera (Oqaasersiuummiittoq manna atorunnaarsinneqarpoq: illoqarfiup inerikkiartornera) |
| byvandringer | illoqarfinni angalaarnerit |
| bærplukning | nunianneq |
| børnebiblioteker | meeqqanut atuagaateqarfiit |
| børneforsorg | meeqqanik isumaginninneq |
| børnemusik | nipilersukkat meerarsiutit |
| børns rettigheder | meeqqat pisinnaatitaaffii |
| CD-ROM | CD-ROM-i |
| coaching | coaching (Nunatta Atuagaateqarfiani oqaatsitut ujarliutitut Oqaasiliortut 2006-imi akuerisaat coaching oqaasersiaatillugu atuinnarneqassasoq aalajangerneqarpoq) |
| collagekunst | katitikkanit eqqumiitsuliat |
| coronakrisen | coronap ajornartoortitsinera |
| dansk fotografi | qallunaat assilisaat |
| dansk kunst | qallunaat eqqumiitsuliaat |
| dansk litteratur | qallunaat atuakkiaat |
| dansk-grønlandsk | qallunaatut-kalaallisut |
| danskundervisning | qallunaatut ilinniartitsineq |
| datakabler | qarasaasianut kabelit |
| datanet | qarasaasiakkut attaviit |
| De Europæiske Fællesskaber | EF |
| demografi | innuttaasut agguataarnerat (Oqaasersiuummiittoq manna atorunnaarsinneqarpoq: inuiaqatigiit allaatigisaanerat) |
| det gode liv | inuunerinneq |
| digital dannelse | digitalikkut pissuserinneq |
| digital forvaltning | digitalikkut ingerlatsineq |
- Ataatsimiinnissap tulliata ullulerneqarnera
Ataatsimiinnerup tullia pissaaq pingasunngorneq 10/05-2023-mi, nal. 13-16, Oqaasileriffimmi.
- Tamalaat
Soqanngilaq.
Ataatsimiinnermi peqataasut:
- Mariia Simonsen (siulittaasoq)
- Karen Ramsøe (siulittaasup tullia)
- Dorthe Kielsen (ilaasortaq)
- Ono Fleischer (ilaasortaq)
- Abia Abelsen (ilaasortaq)