NUNAT AQQINIK AALAJANGIISARTUT IMMIKKUT ITTUMIK ATAATSIMIINNERAT
Tallimanngorneq 09/06-2023, nal. 13-14 Oqaasileriffimmi
PEQATAASUT
Nunat Aqqinik Aalajangiisartunit:
- Aviâja Rosing Jakobsen, Niels Lorentzen, Kelly Berthelsen & Emma Kristensen. Josephine D. Munch peqquteqarluni peqataanngilaq.
Oqaasileriffimmit: Beatrine Heilmann (ataatsimiinnermi allattaasoq)
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (01.06.2023) imaqarniliap akuerineqarnera
- Siulittaasumit Oqaasileriffimmit ilisimatitsissutit
- Ilaasortanit siunnersuutinik suliaqarneq
- Aalajangiiffigisassanik allanik suliaqarneq
- Uummannap Kangerluani qaqqat ulorianartutut nalilerneqarnikut nalaanni nunat aqqinik misissuinermit paasisat
- Suliat allat pillugit paasissutissiineq
- Tulliani ataatsimiinnissamik ulluliineq
- Tamalaat
IMAQARNILIAQ
1. Oqaluuserisassat akuerineqarnerat
Oqaluuserisassat akuerineqarput.
2. Kingullermik ataatsimiinnermit (01/06-2023) imaqarniliap akuerineqarnera
Imaqarniliaq akuerineqarpoq.
3. Siulittaasumit Oqaasileriffimmit ilisimatitsissutit
Ilisimatitsissutit tusaatissatut tiguneqarput.
4. Ilaasortanit siunnersuutinik suliaqarneq
Soqanngilaq.
5. Aalajangiiffigisassanik allanik suliaqarneq
a. Uummannap Kangerluani qaqqat ulorianartutut nalilerneqarnikut nalaanni nunat aqqinik misissuinermit paasisat
Nunat Aqqinik Aalajangiisartut 01/06-2023-mi ataatsimiinnerminni aalajangiussatik Karrat 1, Karrat 2 aamma Karrat 3 nalileqqikkusullugit immikkut ittumik ataatsimiipput. Ataatsimiinnermi aalajangerneqarpoq qaqqat ulorianartutut nalilerneqarnikut sumiiffianni nuna pisortatigoortumik atiusoq aallaavigineqassasoq, tassa: Umiammakku.
Ilaasortap Kelly Berthelsenip siunnersuutigaa pineqartut ima taaneqassasut: Umiammakku nakkaasua avannarleq (Karrat 3), Umiammakku nakkaasua qiterleq (Karrat 1) aamma Umiammakku nakkaasua kujalleq (Karrat 3), amerlanerussuteqartulli aalajangernerat malillugu qaqqanik nakkaariaannarnik nalunaarsueqqaarnermi kisitsisit atorneqartut maannalu amerlanernit sungiusimaneqalereersut malillugit nalunaarsuisoqassasoq aalajangiunneqarpoq.
Tamanna pillugu aalajangiussat tassaalerput: Umiammakku 1 (Karrat 1-itut sungiusimaneqartoq), Umiammakku 2 (Karrat 2-tut sungiusimaneqartoq) aamma Umiammakku 3 (Karrat 3-tut sungiusimaneqartoq).
6. Suliat allat pillugit paasissutissiineq
Soqanngilaq.
7. Tulliani ataatsimiinnissamik ulluliineq
Saaffiginnissutinik aalajangiiffigisassartalinnik takkuttoqarpat ulluliisoqarumaarpoq.
8. Tamalaat
Soqanngilaq.
Nunat Aqqinik Aalajangiisartut
- Aviâja Rosing Jakobsen (siulittaasoq)
- Kelly Berthelsen (siulittaasup tullia)
- Niels Lorentzen (ilaasortaq)
- Josephine Munch (ilaasortaq)
- Emma Kristensen (ilaasortaq)