Oqaasiliortut 2023-16

OQAA – 221123

OQAASILIORTUT ATAATSIMIINNERAT

– pingasunngorneq 22/11-2023, nal. 13-16, Oqaasileriffimmi

PEQATAASUT

Oqaasiliortunit

• Mariia Simonsen (siulittasoq), Karen Ramsøe (siulittaasup tullia), Dorthe Kielsen, Ono Fleischer & Abia Abelsen (ilaasortat)

Oqaasileriffimmit

• Beatrine Heilmann (allatsi) & Nukaraq Eugenius (Attaveqaqatigiinnermut siunnersorti)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (16/11-2023) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   
   1. Avammut tusagassiisarneq pillugu periusissiaq
   2. Taaguusersuuserineq
      
      1. Tusagassiutilerinermi taaguusersuutinik aalajangersaaneq
6. Ilaasortanit siunnersuutinik suliaqarneq
   
   1. Taaguutit peqqinneq aamma peqqissuseq pillugit nassuiaatit
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
8. Avammut nalunaarutit
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (16/11-2023) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutia
   
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Siulittaasumit ilisimatitsissutit tusaatissatut tiguneqarput.
4. Kalaallit aqqinik siulequtaasunik akuereqquneqartunik suliaqarneq
   • Niviarsiaqqanut nukappiaqqanullu atissatut akuerineqartoq:
     • Nunnunnguaq (22/11-2023).
5. Suliat aalajangiiffigisassat suliarineqarnerat
   
   1. Avammut tusagassiisarneq pillugu periusissiaq
      • Avammut tusagassiisarneq pillugu Oqaasiliortut Oqaasileriffiullu periusissiassaanni ilanngunneqassapput kalaallisut oqaatsit pillugit oqallitsitsinerni periusissat ilanngunneqareerpatalu periusissiaq Oqaasiliortunut akuerisassanngortinneqassaaq.
   2. Taaguusersuuserineq
      
      1. Tusagassiutilerinermi taaguusersuutinik aalajangersaaneq.
         • Tusagassiutilerinermi taaguutit aalajangersarneqartut tulliuttuni takusassiarineqarput.

1. Ilaasortanit siunnersuutinik suliaqarneq
   
   1. Taaguutit peqqinneq aamma peqqissuseq pillugit nassuiaatit
      • Oqaasiliortunit allakkiassaq taaguutinut peqqinnermut peqqissutsimullu tunngasoq Oqaasileriffimmit piareersarneqassaaq taaguutinillu atuisunut ilisimatitsissutitut nassiusuunneqassalluni. Tamatumunnga atatillugu eqqartorneqarpoq Namminersorlutik Oqartussani naalakkersuisoqarfiit ataasiakkaat taaguutaat siornatigut Oqaasiliortunit akuerineqarsimasut qanoq ililluni naalakkersuisoqarfinnik allanngortoqartillugu allanngortinnaveersaarneqarsinnaanersut. Oqaasiliortut aalajangerput Oqaasileriffiup Naalakkersuisut Siulittaasoqarfiat attavigalugu tamatumunnga periusissamik isumaqatiginninniassasoq.
2. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
3. Avammut nalunaarutit
   • Avammut nalunaarutissanik soqanngilaq.
4. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngornermi 10/01-2024-mi, nal. 13-16, Oqaasileriffimmi.
5. Tamalaat
   • Oqaasiliortut kissaatigaat Kultureqarnermut Naalakkersuisup 2024-mi januaarip ingerlanerani naapeqatiginissaa. Oqaasileriffik tamanna pillugu Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfimmut saaffiginnissaaq.

Ataatsimiinnermi peqataasut:

• Mariia Simonsen (siulittaasoq) 
• Karen Ramsøe (siulittaasup tullia)
• Abia Abelsen (ilaasortaq)
• Dorthe Kielsen (ilaasortaq)
• Ono Fleischer (ilaasortaq)