Oqaasiliortut 2025-2

OQAA – 22012025

OQAASILIORTUT ATAATSIMIINNERAT (2025-2)

– pingasunngorneq 22/01-2025, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Abia Abelsen, Ono Fleischer & Dorthe Kielsen (ilaasortat)

Oqaasileriffimmit

• Helle Hammeken-Holm (allatsi) & Beatrine Heilmann (pisortaq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (08/01-2025) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   
   1. Killiffilersuutit.
   2. Taaguusersuuserineq
      
      1. Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit Silap pissusianut piujuartitsinermullu taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (08/01-2025) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      • Soqanngilaq.
   2. Siulittaasumit ilisimatitsissutit
      • Soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Nukappiaqqat atiattut akuerineqartoq:
     • Bentinnguaq (10/01-2025)
5. Suliat aalajangiiffigisassat suliarineqarnerat
   
   1. Killiffilersuutit.
      
      1. Ungaluutit pillugit aalajangersakkat
         
         1. Titarnertaamut nuunnermi oqaatsimik avitsineq ungaluutinik atuisimatilluni pissappat kittoraateeraq inissinneqassaaq ungaluutip aallartissutaasup siornani imaluunniit ungaluutip naggasiutaasup kingornani.
            • Assersuutit:(ta)-

              manna

              qallunaa-

              (ju)voq

      2. Kittoraateeraq pillugu aalajangersakkat
         
         1. Kittoraateeraq atorneqarsinnaavoq oqaatsit marluk arlallilluunniit assigiimmik naaneqartut naanerat ataasiaannarlugu taaniarlugu aamma oqaatsit katitat marluk arlallilluunniit oqaatsimik assigiissuteqartut assigiissutaat ataasiaannarlugu taaniarlugu.
         2. Kittoraateeraq atorneqassaaq oqaatsini katitani naqinnerinnarmik naqinnerinnartullu taaneqartussamik ilaqartuni, ass. D-vitamin.
      3. Kittoraat pillugu aalajangersakkat
         
         1. Oqaatsit takisuut kisitsisillu oqaatigisaat takisuujutillugit kittoraatip kittoraateeqqamut taarsiullugu atorneqarsinnaanera atorunnaarsinneqarpoq.
      4. Isaasat pillugit aalajangersakkat
         
         1. Oqaatsit oqaaseqatigiilluunniit nalorninaateqartutut pissuseqartut oqaatsimik taavaa-mik nagguilimmik (ass. taaneqartartoq, taasaq, taallugu il.il.) ilaqartillugit allassimagaanni isaasat atorneqassanngillat.
      5. Inangiisoq pillugu aalajangersakkat
         
         1. Inangiisoq ulluliinerni atorneqarsinnaajunnaarsinneqarpoq.
   2. Taaguusersuuserineq
      • Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit silap pissusianut piujuartitsinermullu taaguusersuutinik aalajangersaaneq.
      • Taaguut tarneq (psyke) siornatigut Oqaasiliortunit akuerisap allanngortinneqarnissaa siunniunneqarpoq. Taamaasilluni taaguutit tarnermut (psykekkunnut) tunngasut Oqaasileriffimmit ataatsimoortinneqareerpata misissorluarneqareerpatalu siunnersuutit nutaat Oqaasiliortunut aalajangersagassanngortinneqassapput.
      • Taaguusersuutit aalajangersakkat:

6. Ilaasortanit siunnersuutinik suliaqarneq
   • Soqanngilaq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
8. Avammut nalunaarutissat
   • Soqanngilaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq marlunngorneq 11/02-2025, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Ono Fleischer (ilaasortaq)
• Abia Abelsen (ilaasortaq)
• Dorthe Kielsen (ilaasortaq)