Oqaasiliortut 2025-4

OQAA – 28032025

OQAASILIORTUT ATAATSIMIINNERAT (2025-4)

– tallimanngorneq 28/03-2025, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Abia Abelsen, Dorthe Kielsen & Ono Fleischer (ilaasortat)

Oqaasileriffimmit

• Helle Hammeken-Holm (allatsi) & Minik Jeremiassen (atorfilik)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (11/02-2025) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   
   1. Kisitsisissatut siunnersuutit
      
      1. Kalaallit Nunaani pisortatigoortumik kisitsisissatut siunnersuutit 25/02-2025-mi Oqaasiliortunit aalajangiifigisassanngorlugit Oqaasilerifimmut nassiunneqartut.
   2. Taaguusersuuserineq
      
      1. Naalakkersuisut siulittaasoqarfianit Pisortaqarfiit Akimorlugit Digitalimik Aaqqissuussinerup immikkoortortaanit taaguutinik datanut tunngasunik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (11/02-2025) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      • Ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Niviarsiaqqat atiattut akuerineqarpoq
     • Kera (12.03.2025)
5. Suliat aalajangiiffigisassat suliarineqarnerat
   
   1. Kisitsisissatut siunnersuutit
      
      1. Kalaallit Nunaanni pisortatigoortumik kisitsisissatut siunnersuutit Oqaasiliortunit eqqartorneqarput. Siunnersuutigineqartut akuerineqanngillat, ima tunngavilersorneqaramik: Kisitsisit isumaliutersuutigineqartut inuiaqatigiinni atuutsinniarneqalissappata oqaluinnarnitsinni kisitsisit taaguutaat nutaat qanoq tiguneqarsinnaanersut-/atorusunneqarsinnaanersut piffissami sivisuumi siammarterneqaqattaareerpata misiligarneqareerpatalu aatsaat allanngortikkiartuaarneqarsinnaassasut.  Taamaattumik Oqaasiliortut aalajangiusimavaat kisitsisit oqaasersiatut attatiinnassagivut.
   2. Taaguusersuuserineq
      
      1. Naalakkersuisut siulittaasoqarfianit Pisortaqarfiit Akimorlugit Digitalimik Aaqqissuussinerup immikkoortortaanit taaguutinik datanut tunngasunik aalajangersaaneq.
         • Taaguusersuutit aalajangersakkat:

6. Ilaasortanit siunnersuutinik suliaqarneq
   
   1. Allattaatsip sumiorpaluutinut naleqqussartarnera.
      • Tamatuminnga Oqaasiliortut eqqartuinissaannik siunnersuuteqartup maluginiarsimavaa atuakkiat ilaanni allattaaserput malinneqarneq ajortoq, soorlu Tunumiutut oqalutsitsinerni. Taamaattumik siunissami taama allattarneq ileqquliunneqassanngippat Oqaasiliortunut oqallisigisassanngortippaa.
      • Oqaasiliortut aalajangiuppaat allattaaseq kalaallit tamarmik atugassaata sumiorpaluutini tamani atorneqarsinnaaqqullugu ilitsersuusiornissamut periarfissanik misissuisoqassasoq, assersuutigalugu fonemit sorliit naqinnernut sorlernut atorneqartarnerannik atorneqartarnissaannillu misissuinikkut.
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Tusaatissatut tiguneqarput.
8. Avammut nalunaarutissat
   • Taaguutit datanut tunngasut akuerisat Naalakkersuisut siulittaasoqarfiani Pisortaqarfiit Akimorlugit Digitalimik Aaqqissuussinerup immikkoortortaanut nassiunneqassapput kingornalu avammut nalunaarutigineqarlutik.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 30/04-2025, nal. 13-16, Oqaasileriffimmi.
10. Tamalaat
    • Canadamut angalanissaq pillugu paasiniaasoqassaaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Abia Abelsen (ilaasortaq)
• Ono Fleischer (ilaasortaq)
• Dorthe Kielsen (ilaasortaq)