Oqaasiliortut 2021 – 11

OQAA – 051121

OQAASILIORTUT ATAATSIMIINNERAT

tallimanngorneq 05/11-2021, nal. 13-16, Oqaasileriffimmi

PEQATAASUT

Oqaasiliortut:

Karen Ramsøe (siulittaasup tullia), Knud Møller, Abia Abelsen aamma Else Kleist

Peqataanngitsoq:

Mariia Simonsen (siulittaasoq)

Oqaasileriffimmit:

Minik Jeremiassen (allatsi) aamma Beatrine Heilmann (pisortaq)

Ilinniartitaanermut Aqutsisoqarfimmit:

Evi Kreutzmann aamma Nauja Karlsen

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (14/10-2021) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
4. Suliat allat pillugit ilisimatitsineq
   
   1. Inuit aqqi pillugit saaffiginnissutit
5. Kalaallisut taaguusigassat
   
   1. Matematikkimi taaguusersuutit
6. Ataatsimiinnissap tulliata ullulerneqarnera
7. Tamalaat

1. Oqaluuserisassat akuerineqarnerat

Oqaasiliortut siulittaasut Mariia Simonsen ataatsimiinnermut peqataanngimmat siulittaasup tullia Karen Ramsøe aqutsisuussaaq.

Ilinniartitaanermut Aqutsisoqarfimmit peqataasut aniaartussaanerat peqqutigalugu matematikkimi taaguusersuutit immikkoortut tallimaannit pingajuannut nuunneqarput.

Oqaasileriffiup pisortaata Beatrine Heilmannip taaguutit ataatsimiinnerni kingullerni angumerineqartartut ikittuinnaasarmata kaammattuutigaa Oqaasiliortut ataatsimiikkaangata taaguusersuuserineq sivisunerusalissasoq.

2. Kingullermik ataatsimiinnermit (14/10-2021) imaqarniliap akuerineqarnera

Oktobarip ulluisa 14-ianni ataatsimiinnermit imaqarniliaq akuerineqarpoq.

3. Kalaallisut taaguusigassat
   
   1. Matematikkimi taaguusersuutit

Taaguusersuuserineq aallarnerlugu taaguutit ataatsimiinnerup matuma siuliini akuerineqarsimagaluartut naqqinneqarput:

Naqqitassat naqqinneqareermata taaguusersuuserineq nangillugu taaguusigassaq kalaallisut taaguusersorneqarput:

Taaguutit sisamat uku ataatsimiinnermi qaangiinnarneqarallarput ataatsimeeqqinnissamullu isumaliutigisassanngortinneqarlutik:

isometrisk papir
isometrisk tegning
kommutativ lov
kurtage

4. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      1. Oqaasiliortut Oqaasileriffillu Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamit aggersarneqarput tallimanngorneq 19.11.21-mi, nal. 11.15-12.45, Inatsisartoqarfimmi
      2. Ilisimatusarfimmi Oqaatsinik ilisimatusarfittaap (Sprogforskningscenter) ammaanersiorneqarnerani (sisamanngorneq 28.10.21, nal. 13.00, Auditoriami Pikialaarfimmi) Oqaasileriffimmi atorfillit pingasut saqqummiipput, uku:
         a. Oqaasileriffimmi oqaaserpassualerineq – Beatrine Heilmann
         b. Oqaasileriffimmi allagaatinik katersuineq – Minik Jeremiassen
         c. Oqaasileriffimmi nunat aqqi pillugit suliaqarneq – Arnaq B. Johansen
      3. Meeqqat atuarfianni 10. klassimi atuartoq Oqaasileriffimmisuliffimmik misiliivoq sap. ak. 43-44. Sapaatip-akunnera siulleq allagaatinik katersuinermi suleqataavoq, sapaatip-akunnerani kingullermi Oqaasileriffimmi suliaqarfiit assigiinngitsut misilittarpai.
      4. Oqaasileriffimmi atorfillit sisamat Arctic Hubip ilisimasanik nittarsaassinermut tunngatillugu pikkorissartitsinissaani 2.-3. novembarimi peqataapput.
      5. 05.11.21-mi Arnaq B. Johansen aamma Beatrine Heilmann nunat aqqinik suliaqarnermi Grunddataregisterimut ikaarsaarnissaq pillugu workshopimut peqataapput.
      6. 09.11.21-mi Oqaasileriffimmi atorfillit Oqaasileriffimmi isumasioqatigiissapput Oqaasileriffimmi suliaqarfinni ataasiakkaani, kiisalu Oqaasileriffik ataatsimut isigalugu naleqartitat, pilersaarutit anguniakkallu pillugit.
5. Suliat allat pillugit ilisimatitsineq
   
   1. Inuit aqqi pillugit saaffiginnissutit
      Oqaasiliortut kingullermik ataatsimiinnerannit ullumimut aqqit akuerineqarsimasut pingasuupput: Maatu niviarsiaqqat aqqattut, Qajannguaq nukappiaqqat aqqattut aamma Qilaappali niviarsiaqqat aqqattut.
6. Ataatsimiinnissap tulliata ullulerneqarnera

Oqaasiliortut aalajangerput novembarip ulluisa 26-anni 2021 nal. 13:00-16:00 Oqaasileriffimmi ataatsimiissallutik.

7. Tamalaat

Abiap kissaatigaa inuit aqqinik akuersisarneq pillugu Oqaasileriffimmit Oqaasiliortunut ilisimatitsisoqassasoq, taamaaliornikkut Oqaasiliortunut ilaasortanngortut kingulliit inuit aqqinik akuersiniarnermi najoqqutassanik nalornisoorutigineqartarnissaat pinngitsoortinneqassammat.

Ataatsimiinnermi peqataasut:

Mariia Simonsen (siulittaasoq)
Karen Ramsøe (siulittaasup tullia)
Else Kleist (ilaasortaq)
Abia Abelsen (ilaasortaq)
Knud Møller (ilaasortaq)