Nunat Aqqinik Aalajangiisartut 2022 – 3

NAA – 09.06.22

 

NUNAT AQQINIK AALAJANGIISARTUT ATAATSIMIINNERAT

Sisamanngorneq 09.06.2022, nal. 13-15 Oqaasileriffimmi

 

PEQATAASUT

Nunat Aqqinik Aalajangiisartut: Aviâja Rosing Jakobsen & Emma Kristensen

Digitalimik peqataasut: Kelly Berthelsen & Niels Lorentzen

Oqaasileriffimmit: Beatrine Heilmann (pisortaq) & Arnaq B. Johansen (allatsi)

 

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (21.04.2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
4. Ilaasortanit siunnersuutinik suliaqarneq
5. Aalajangiiffigisassanik allanik suliaqarneq
   1. Siunnersuutigineqartoq: Sermeq Konrad Steffen
6. Suliat allat pillugit paasissutissiineq
7. Tulliani ataatsimiinnissamik ulluliineq
8. Tamalaat

Ilaliussaq 1: Oqaasileriffimmit ilisimatitsissutit

Ilaliussaq 2: Forslag om at navngive en gletsjer efter en glaciolog, som i læbet af sin levetid leverede ekstraordinær bidrag til den grønlandske videnskab og samfund (sendt 29.04.22)

Ilaliussaq 3: Tre grønlandske gletsjere har fået navn efter afdøde glaciologer – Tusagassiutinut nalunaarusiassamut missingiut (sendt 08.06.22)

 

1. Oqaluuserisassat akuerineqarnerat

Oqaluuserisassat akuerineqarput.

 

2. Kingullermik ataatsimiinnermit (21.04.2022) imaqarniliap akuerineqarnera

Imaqarniliaq akuerineqarpoq.

 

3. Siulittaasumit Oqaasileriffimmillu ilisimatitsissutit

Ilisimatitsissutit tusaatissatut tiguneqarput.

 

4. Ilaasortanit siunnersuutinik suliaqarneq

Soqanngilaq.

 

5. Aalajangiiffigisassanik allanik suliaqarneq
   1. Siunnersuutigineqartoq: Sermeq Konrad Steffen

Sermersiooq Konrad Steffen sermimut uukkartartumut atsiunneqarnissaa pillugu siunnersuusiat pingajussaat misissuisitsinerillu tallimassaat eqqartorneqarpoq.

Siunnersuusiortut Nunatta avannaarsuaniittoq sermeq uukkartartoq pisortatigoortumik kalaallisut ateqarneranik takussutissaqartinngisartik siunnersuusiorfigaat ima atserneqassasoq: Sermeq Konrad Steffen.

Sermeq uukkartartoq sumiissusersiuserlugu uani inissisimavoq: WGS-84 atorlugu allorniusani sanimukartuni 81.272°N kiisalu allorniusani tukimukartuni 57.145°W takuneqarsinnaavoq, tamanna kangerluup Newman Bugt-ip qinnguaniippoq.

Nunat Aqqinik Aalajangiisartut atsiinissamut siunnersuut imatut isikkoqatillugu aalajangiuppaat: Sermeq Konrad Steffen

Misissuinerit takutimmassuk uukkartartoq kalaallisut ateqanngitsoq kiisalu Nunat Aqqinik Aalajangiisartut sulinerminni toqqammavimminni maanna atuuttumi (03.03.2022-mi akuerisartik) allassimasut malillugit siunnersuut eqqartugartik akuerinnginnissaanut tunngavissaqanngimmat akueralugu aalajangerput.

 

Toqqammavimminni atuuttumi aalajangiinerminnut atugaat tassaapput:

• Inuit qimagutereersut Kalaallit Nunaanni sunniuteqarluarsimasut immikkut pissutissaqarluni aatsaat atsiunneqarsinnaapput
• Inuit aqqi atorlugit atsiisoqassappat piginnittorsiutitaqanngitsumik atsiisoqassaaq
• Inuit atsiunneqassappata Kalaallit Nunaanni sunniuteqarluarsimanerat inunnit ilisimannittunit (arnat 5, angutit 5) uppernarsarneqassaaq
• Qinnuteqaatit siunnersuutit WGS-84, UTM 24N imaluunniit siunnersuusiap sumiiffiata UTM Zonea atorlugu sumiinnersut nalunaarlugit nassiunneqassapput. Sumiinnerinik nalunaarsuinermi koordinatit imaluunniit nunat assingi atorneqassapput

 

6. Suliat allat pillugit paasissutissiineq

Soqanngilaq.

 

7. Tulliani ataatsimiinnissamik ulluliineq

Saaffiginnissutinik aalajangiiffigisassanik takkuttoqarnikuunngimmat ataatsimiinnissap tullia ullulerneqanngilaq.

 

8. Tamalaat

Soqanngilaq.

 

Nunat Aqqinik Aalajangiisartut

• Aviâja Rosing Jakobsen (siulittaasoq)
• Kelly Berthelsen (siulittaasup tullia)
• Niels Lorentzen (ilaasortaq)
• Josephine Munch (ilaasortaq)
• Emma Kristensen (ilaasortaq)