Oqaasiliortut 2024-1

OQAA – 10012024

OQAASILIORTUT ATAATSIMIINNERAT (2024-1)

– pingasunngorneq 10/01-2024, nal. 13-16, Oqaasileriffimmi

PEQATAASUT

Oqaasiliortunit:

• Mariia Simonsen (siulittaasoq), Karen Ramsøe (siulittaasup tullia), Abia Abelsen, aamma Dorthe Kielsen (ilaasortat)

Oqaasileriffimmit:

• Helle Hammeken-Holm (allatsi) & Beatrine Heilmann (pisortaq)

Peqquteqarluni peqataanngilaq:

• Ono Fleischer

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (22/11-2023) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat 
   
   1. Taaguusersuuserineq
      
      1. Taaguutit saaffiginnissutit aalajangersaaffigineqarnerat.
         
         1. Kunstig intelligens, kalaallisut taaguutissaanik aalajangersaaneq.
         2. Passiv redskaber, kalaallisut taaguutissaanik aalajangersaaneq.
      2. Tusagassiutilerinermi taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
8. Avammut nalunaarutit
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaaluuserisassat allanngornagit akuerineqarput.
2. Kingullermik ataatsimiinnermit (22/11-2023) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Siulittaasumit ilisimatitsissutit tusaatissatut tiguneqarput.
4. Kalaallit aqqinik siulequtaasunik akuereqquneqartunik suliaqarneq
   
   1. Niviarsiaqqat aqqatut akuerineqartut
      • Nunnunnguaq (22.11.23)
      • Suusaa (01.12.23)
5. Suliat aalajangiiffigisassat suliarineqarnerat
   
   1. Taaguusersuuserineq
      
      1. Kalaallisut taaguutissanik aalajangersaaneq 
         
         1. Qallunaatut taaguut kunstig intelligens aalajangersaaffigineqarpoq ima kalaallisut taaguuteqalersillugu: silassorissuusiaq. Taamatut aalajangersaasoqarnera peqqutigitinneqarpoq, qarasaasiaq atorlugu piginnaasaligaanera pillugu, soorlu ima siulequtserlugu paasiuminarsarneqarsinnaammat; inuusaq silassorissuusiaq imaluunniit nutserut silassorissuusiaq il.il., kisianni aamma taaguutip silassorissuusiaq kisimiisillugu atorluarneqarsinnaavoq intelligensip (silaqassutsimut) aamma kunstigimut (inuup suliaanut) oqaatsit taamaasilllugit ataatsimoortinnerini pilersinneqarmat.
         2. Qallunaatut taaguutip passive redskaber aalajangiiffigineqarnissaa tulliani ataatsimiinnissamut nuunneqarpoq. 
      2. Tusagassiutilerinermi taaguusersuutit aalajangersaaffigineqarnerat
         • Tusagassiutilerinermi taaguutit aalajangersarneqartut tulliuttuni takusassiarineqarput.

6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Tusaatissatut tiguneqarput.
8. Avammut nalunaarutit
   
   1. Qallunaatut taaguut kunstig intelligens kalaallisut Oqaasiliortunit taaguusigaq: silassorissuusiaq avammut nalunaarutigalugu nittarsaanneqassaaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 31/01-2024, nal. 12-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Dorthe Kielsen (ilaasortaq)
• Abia Abelsen (ilaasortaq)

Imaqarniliaq atuarsimallugu uppernarsarpara:

• Ono Fleischer  (ilaasortaq)