Nunat Aqqinik Aalajangiisartut 2024 – 1

20/06/2024

NAA – 20.06.24

NUNAT AQQINIK AALAJANGIISARTUT ATAATSIMIINNERAT

Sisamanngorneq 20/06-2024, nal. 13-15

PEQATAASUT

Nunat Aqqinik Aalajangiisartunit: Aviâja Rosing Jakobsen, Kelly Berthelsen & Emma Kristensen

Oqaasileriffimmit: Arnaq B. Johansen & Arnamineq Clasen

OQALUUSERISASSAT

Oqaluuserisassat akuerineqarnerat
Kingullermik ataatsimiinnermit (14/12-2023) imaqarniliap akuerineqarnera
Siulittaasumit Oqaasileriffimmit ilisimatitsissutit
Ilaasortanit siunnersuutinik suliaqarneq
1. Sumiissusersioriaatsit pillugit isiginnaagassiaaqqap takutinnera (tunu)
Aalajangiiffigisassanik allanik suliaqarneq
1. Nuup eqqaa
  1. Kuanninnguit nunap assingani marluuneri pillugit
  2. Aqqitsoq
  3. Itillinnguaq
  4. Qassinnguit
  5. Isortunnguaq
  6. Isortunnguup Qalia
  7. Qajartoriarsuaq
  8. Qajartoriarujussuaq
  9. Qullugissat Nuuat
  10. Sinigissut
  11. Eqaluit
  12. Qeqertaasaq
  13. Igannannguaq
  14. Ikkanneq
  15. Qeqertaasap Ipiutaa
  16. Qaqqarluk
  17. Nuugaaqqissunnguaq
  18. Aputitooq
  19. Iliverlak
  20. Oqaatsut Qooruat
  21. Nattoralinnguit
  22. Eqaluit Paarliit
  23. Naajarluttoq
  24. Naajarluttoq Qiterleq
  25. Naajarluttoq Avannarleq
  26. Qeqertannguaq
  27. Qorlortoq
  28. Itinnera Kangilleq
  29. Talorsuit Alannguat
  30. Ujaraa
  31. Qinnguata Saqqaa
  32. Qinnguata ilua
  33. Ersaa
  34. Tipittup Nunaa
  35. Qunnersuaq
  36. Ikkalinikasia
  37. Kissumiariannguaq
  38. Ujarak Qaqortoq
  39. Narsarsuaq
2. Ukiumoortumik nalunaarusiap akuerineqarnera
Suliat allat pillugit paasissutissiineq
1. Aatsitassanut Aqutsisoqarfimmit tusarniaanerit
2. Nunat aqqi sumiorpaluutaanik allanneqassappat?
Tulliani ataatsimiinnissamik ulluliineq
Tamalaat

OQALUUSERINEQARTUT

1. Oqaluuserisassat akuerineqarnerat

Oqaluuserisassat akuerineqarput.

2. Kingullermik ataatsimiinnermit (14/12-2023) imaqarniliap akuerineqarnera

Imaqarniliaq akuerineqarpoq.

3. Siulittaasumit Oqaasileriffimmit ilisimatitsissutit

Ilisimatitsissutit tusaatissatut tiguneqarput.

4. Ilaasortanit siunnersuutinik suliaqarneq

a. Sumiissusersioriaatsit pillugit isiginnaagassiaaqqap takutinnera (tunu)

NAA ataatsimiinnermi kingullermi aalajangerput nunap immikkoortuata Tunup taaguutaa pillugu Oqaasileriffik innuttaasunut paasisitsiniaassasoq. Tamanna pillugu isiginnaagassialiaaraq takutinneqarpoq, nassuiaatigineqarlunilu immikkoortuni marluusussani siulliusoq. Immikkoortup aappaani sumiissusersioriaatsit “saava” aamma “tunua” sammineqassapput, tassanilu ilaatigut “tunu”-p ippigineqartarnera nassuiaatigineqarumaartoq NAA-nit kissaatigineqarpoq.

Isiginnaagassiaaraq ajunngeqaaq siunnersuutigineqartulli Oqaasileriffimmit misiligarneqassasut eqqaaneqarput. Naggataani Oqaasileriffimmit sorleq pitsaaneq avammut saqqummiunneqarumaartoq aalajangerput. Misiligarneqartussat ukuupput:

kitaamioq tunumiorlu oqaluutsinneqarsinnaasut
isiginnaagassiaaraq naalisinneqassaaq
isiginnaagassiaaqqami oqaatsit atorneqartut “allamiut atugaat atuleripput?” apeqquserneqarput, isummertoqarluni kitaamiut sumiissusersioriaasiat atorneqartoq.

5. Aalajangiiffigisassanik allanik suliaqarneq

a. Nuup eqqaa

Nuup eqqaani nunat aqqi saaffiginnissutigineqakulasut pillugit Oqaasileriffimmi nalunaarsuisitsineq ingerlanneqarpoq ulloq 05.06.2024. Peqataasut pingasuupput nunat aqqinik ilisimasallit angalasarsimasut sulilu piniarlutik angalasartut. Kingorna nunat aqqi nalornissuteqarfiit ilaat pillugit ilisimannittumik ataatsimik nunat aqqinik qulakkeerinnittumik suleqateqarneq ingerlanneqarpoq.

NAA ataatsimiinnerannit imaqarniliami 29.11.2019 immikkoortoq 5a-mi ima allassimasoq malillugu akuersineq ingerlanneqarpoq: “Nunat Aqqinik Aalajangiisartut aalajanginnginnerminni kissaatigaat allattoqarfimmit misissuiffigeqqinneqassasoq siunnersuillutillu misissuinermi sapinngisamik inuit arlallit paasiniaaffigineqartassasut”.

NAA akuersinerminni peqataasut angalajuarnermikkut angalasarsimanermikkullu nunat aqqinik ilisimasaqassusaat naapertorlugu tutsuiginassuseqarmata pisortatigoortumik akuerineqartut ilaallu misissoqqitassatut aalajangiunneqartut matuma ataani takuneqarsinnaapput:

Nunat aqqi pisortatigoortumik akuerineqartut taamaaginnartussallu:

5.a.1 Kuanninnguit Nuup eqqaaniittut marluummata immikkoortinnissaat pingaaruteqarpoq isumannaallisaaneq eqqarsaatigalugu imalu NAA-nit aalajangiunneqarput: Kuanninnguit killiit Nuummut qaninneq, Kuanninnguit Kangilliit Nuummut ungasinneq (Ilaliussaq 1 takuuk).
5.a.2 Aqqitsoq akuerineqarpoq (Ilaliussaq 2 takuuk).
5.a.3 Itillinnguaq taamaaginnarpoq (ilaliussaq 3 takuuk).
5.a.4 Qassinnguit akuerineqarpoq (ilaliussaq 3 takuuk).
5.a.5 Isortunnguaq akuerineqarpoq (ilaliussaq 4 takuuk).
5.a.6 Isortunnguup Qalia akuerineqarpoq (ilaliussaq 4 takuuk).
5.a.7 Qajartoriarsuaq akuerineqarpoq (ilaliussaq 4 takuuk).
5.a.8 Qajartoriarujussuaq akuerineqarpoq (ilaliussaq 4 takuuk).
5.a.9 Qullugissat Nuuat akuerineqarpoq (ilaliussaq 4 takuuk).
5.a.10 Sinigissut akuerineqarpoq (ilaliussaq 4 takuuk).
5.a.11 Eqaluit akuerineqarpoq (ilaliussaq 4 takuuk).
5.a.12 Qeqertaasaq akuerineqarpoq (ilaliussaq 4 takuuk).
5.a.13 Igannannguaq akuerineqarpoq (ilaliussaq 4 takuuk).
5.a.14 Ikkanneq akuerineqarpoq (ilaliussaq 4 takuuk).
5.a.15 Qeqertaasap Ipiutaa akuerineqarpoq (ilaliussaq 4 takuuk).
5.a.16 Qaqqarluk akuerineqarpoq (ilaliussaq 4 takuuk).
5.a.17 Nuugaaqqissunnguaq akuerineqarpoq (ilaliussaq 4 takuuk).
5.a.18 Aputitooq akuerineqarpoq (ilaliussaq 4 takuuk).
5.a.21 Nattoralinnguit akuerineqarpoq (Ilaliussaq 5 takuuk).
5.a.23 Naajarluttoq akuerineqarpoq (Ilaliussaq 6 takuuk).
5.a.24 Naajarluttoq Qiterleq akuerineqarpoq (Ilaliussaq 6 takuuk).
5.a.25 Naajarluttoq Avannarleq akuerineqarpoq (Ilaliussaq 6 takuuk).
5.a.26 Qeqertannguaq akuerineqarpoq (Ilaliussaq 7 takuuk).
5.a.27 Qorlortoq akuerineqarpoq (Ilaliussaq 7 takuuk).
5.a.28 Itinnera Kangilleq akuerineqarpoq (Ilaliussaq 8 takuuk).
5.a.29 Talorsuit Alannguat akuerineqarpoq (Ilaliussaq 8 takuuk).
5.a.31 Qinnguata Saqqaa akuerineqarpoq (Ilaliussaq 8 takuuk).
5.a.32 Qinnguata ilua akuerineqarpoq (Ilaliussaq 8 takuuk).
5.a.33 Ersaa akuerineqarpoq (Ilaliussaq 8 takuuk).
5.a.38 Ujarak Qaqortoq akuerineqarpoq (Ilaliussaq 10 takuuk).

Nunat aqqi pisortatigoortumik akuerisaareersut titartarneri sumiiffiilu aaqqitassat:

5.a.19 Iliverlak sumiiffia allamut nuunneqassaaq (ilaliussaq 4 takuuk).
5.a.20 Oqaatsut Qooruat sumiiffia allamut nuunneqarpoq (ilaliussaq 4 takuuk).
5.a.22 Eqaluit Paarliit nunataa ilanngullugu titartarneqassaaq (Ilaliussaq 5 takuuk).
5.a.30 Ujaraa sumiiffia allamut nuunneqassaaq (Ilaliussaq 8 takuuk).
5.a.39 Narsarsuaq titartarnerata allisinneqarnissaa akuerineqarpoq (Ilaliussaq 10 takuuk).

Nunat aqqi pisortatigoortumik akuerineqannginnerini misissoqqitassat:

5.a.34 Tipittup Nunaa misissoqqissaaq (Ilaliussaq 9 takuuk).
5.a.35 Qunnersuaq misissoqqissaaq (Ilaliussaq 9 takuuk).
5.a.36 Ikkalinikasia misissoqqissaaq (Ilaliussaq 9 takuuk).
5.a.37 Kissumiariannguaq misissoqqissaaq (Ilaliussaq 9 takuuk).

b. Ukiumoortumik nalunaarusiap akuerineqarnera

Ukiumoortumik nalunaarusiaq akuerineqarpoq.

6. Suliat allat pillugit paasissutissiineq

a. Aatsitassanut Aqutsisoqarfimmit tusarniaanerit

Ilisimatitsissutit tusaatissatut tiguneqarput.

b. Nunat aqqi sumiorpaluutaanik allanneqassappat?

Nittartakkap nunataqqi.gl saqqummernerata kingorna saaffiginnittut amerlipput, ilaatigut nunap aqqa kukkusoq, nunap aqqata sumiiffia kukkusoq aamma nunap aqqata angissusaa kukkusoq ilisimatitsissutigineqarlutik. Saaffiginnittut akornanniippoq savaateqarfik grunddataregisterimi ima allassimasoq: Uummannartuuaraq. Inuisa savaateqarfik ima taasarpaat: Uummannartiivaraq.

Nunat aqqi sumiorpaluutitallit paatsoorneqarsinnaaneri qaqinneqarpoq assersuutigalugu Aasiaat Radiomut kalerrisaarinermi Uummannartiivaraq atorlugu saaffiginnittoqarpat ujaasisup ujaasiffimmini nassaarisinnaangilaa.

NAA aalajangerput oqallisissaq siammasinnerusariaqarmat kingusinnerusukkut isummerfigalugulu eqqartorneqarumaartoq.

7. Tulliani ataatsimiinnissamik ulluliineq

Oqaasileriffimmit siulittaasoq peqatigalugu ulluliineq piumaarpoq.

8. Tamalaat

Savaateqarfinni nunat aqqi sumut killissimanersoq ilaasortamit apeqqutigineqarpoq siunnersuusiortoqarlunilu savaateqarfikkuutaarligit nunaqarfeeqqallu nunat assinginik nunat aqqinik immersuititsisoqassasoq. Suliaq grunddata pillugu unikaallassimasoq kiisalu savaatillit festivaleqarneranni suleqateqarniarneq iluatsinnikuunngitsoq ilisimatitsissutigineqarpoq.