Oqaasiliortut 2012 – 6

OQAA – 300412(gl)

Oqaasiliortut ataatsimiinnerat ataasinngorneq, apriilip 30-anni  2012, nal. 10.00
Oqaasileriffiup ataatsimiittarfiani.

 

Peqataasut: Carl Chr. Olsen, Eva Møller Thomassen, Stephen Heilmann aamma Katti Frederiksen.

Allatsi: Katti Frederiksen

Lotte peqquteqarluni pisinnaanngimmat sinniisoq Johannes Jerimiassen aggersarneqaraluarpoq peqataananili.

Oqaluuserisat:

1. Tikilluaqqusineq aamma ilisimatitsissutit
   Siulittaasoq tikilluaqquseriarluni ilisimatitsivoq oqaatsinut politikkip ilassaa ukiamut kinguartinneqartoq. Aasap ingerlanerani kultureqarnermut Naalakkersuisoq oqaatsit pillugit isumasioqatigiittoqarnissaanik pilersaarnera aamma ilisimatitsissutigaa, tassungalu atatillugu Vigdis Finnbogadóttir Islandimiit aggersarneqarnissaa pilersaarutaavoq. Taanna Islandip præsidenterisimavaa UNESCO-miillu ambassadøritut toqqagaasimalluni.
2. Kingullermik ataatsimiinnermit imaqarniliap akuerineqarnera.
   Naqinnerliukkat naqqiutigineqartut aaqqinneqarput. Imaqarniliamiittut aalisakkat aqqi pillugit aalisartut paasiniaavigineqaqqaarlutik aalajangiiffigivinnissaat isumaqatigiissutigineqarpoq. Ilanngullugu aamma anstalt inissiisarfimmik, detentionilu isertitsivimmik taaguuteqarnerat Rosa Reimarimit saaffiginnissutaasut ilassutigineqarput.
3. Aalisakkat taaguutaat aamma siunnersuutit Ilinniusiorfimmit.
   Naak taaguutinik Oqaasiliortut siunnersuuteqaraluartut, taamaattoq aalisartut isumasioqqaarneqarnissaat isumaqatigiissutigineqarpoq. Inuit aalisarnermik ilisimasallit saaffigineqartussatut siunnersuutigineqartut ukuupput: Akappiaq Johannes Heilmann, Lars Mathæussen aammalu uumasorsiooq Bjarne Lyberth ICC-mi atorfinittoq.
4. Saaffiginnissut ’nærværende’ aamma ‘leve i nuet’ kalaallisut.
   Oqallittoqariingaatsiarnerata kingorna paaseqatigiiffiusumik isumaqatigiissutigineqarpoq uku taaguutitut akuerisatut atuutilissasut:
   nærværende – pisunut peqataaneq
   at leve i nuet – maannakkut pisuniinneq
5. Oqaasilerinermi kalaallisut taaguutit pillugit saaffiginnissut.
   Taaguutit atorneqartartut katersat taakkua suliareqqeriarlugit akuerisassanngorlugit Oqaasiliortunut ingerlateqqinneqassapput akuerisassanngorlugit. Matumani anguniarneqarpoq taaguutinik assigiiaammik atuilernissaq.
6. Nunatta Atuagaateqarfianit, ass. Groenlandica.
   Ilaliussamiipput naqqiissutit allattorsimanerat.
7. Avanersuarmiut sumiorpaluutaat (kinguartinneqarallarpoq).
8. Intern post kalaallisut (allakkat nassiutassaanngitsut?) (kinguartinneqarallarpoq).
9. Konfliktmægling kalaallisut (kinguartinneqarallarpoq).
10. Budgetopfølgning kalaallisut.
    kalaallisut taaguutit assigiinngimmata manna aalajangiunneqarpoq: missingersuutit nakkutiginerat imalt. missingersuutinik nakkutilliineq. Maannamut atorneqartartoq ’malitseqartitsineq’ isumaqarpoq sumik arlaanik isornartumik iliuuseqarsimanermut pineqaatissinneqarnissamik kinguneqartitsineq.
11. Vederlag kalaallisut.
    Danskit oqaasiat kalaallisuunngortinneqaraangami sumut tunnganera tunngavigalugu nutserneqartarpoq, tassaasinnaalluni ajunngitsorsiat, utoqqalinersiat, ilinniagaqarnermusiat, ataatsimiinnermuasiat, soraarnerussutisiat il.il. Matumani uiguut –siat atorneqartarpoq.
12. Ningaaqat (angutinut)/ukuaqat (arnanut). Arnarlu angullu taava sugiittutut taaneqartarpat?
    Oqaasiliortunit apeqqut ilisimaneqanngilaq, pilersaarutaavorli ilaqutariinnermi taaguutit katersorneqarumaartut.
13. Killiffilersuutit naalisaanerillu pillugit suliaqarnissamik siunnersuut.
    Ilisimatitsissutigineqaannarpoq immikkut eqqartuiffiunngitsumik.
14. Allat.
    a. apeqqutit allat ilaatigut kalaallisut oqaasertalersorneqartut makkuupput:
    diskussionsforum – oqalliffik
    termhåndteringsværktøj – taaguusersuinermi atortut
    vice ordførende – siulittaasup tullia
    sekretær – allatsi
    digitalisering – digitalinngortitsineq

    Alla Kalaallisut allaqqasoq ima naqqinneqarpoq:
    Avannaamioqatigiinni taaguusersuuserinermik suliaqarnermut tunngasunik paasissutissanik pisinnaavutit. Taaguusersuutinut Avannaamioqatigiinni oqaatsini ikinnerpaamik ataatsini allanneqarsimasunut linkit.

    b. jordklodens opbygning – nunarsuup sananeqaataa
    skriv tal de rigtige steder på tegningen – titartakkami kisitsisit allallugit eqqortumik inissikkit
    indre kerne – nunarsuup qeqqa
    kappe – qalipaa
    skorpe – qalipaa qalleq
    ydre kerne – ?
    Qulaani siunnersuutit tullissaanimut misissorneqareerlutik assimik takussutissiartalerlugit pisortatigut aalajangiiffigineqarumaarput.

    c. ullumi aamma ullumikkut assigiinngissusaannik CCO-p akissusiaa ilisimatitsissutitut ilanngunneqarpoq. Tassunga ilanngullugit aamma kipungasoq tukimoortorlu pillugit paasissutissat tunniunneqarlutik.

 

Inussiarnersumik inuulluaqqusilluta
Carl Chr. Olsen                                          Katti Frederiksen
Siulittaasoq                                               Allatsi

 

NUNATTA ATUAGAATEQARFIANI OQAATSIT ILISARNARTUT

Aleutisk skønlitteratur = Aleutit atuakkiaat

Alfabeter = Naqinnerit tulleriinnerat

Almanakker = Qaammatisiutit

Andagtsbøger = Qinoqatigiinnermi atuagassat

Anordninger = Peqqussutit

Antologier = Katersilluni atuakkiat / antologiit

Arkiver = Allagaateqarfiit

Artikler = Aviisinut ilanngussat

Avis historie = Aviiseqarnerup oqaluttuarisaanera

Avis indexer = Aviisinut ujarliutit

Aviser = Aviisit

Bevillinger = Aningaasat atorneqartussatut akuerisat

Bibelen = Biibili

Bibliografi = Atuakkat nalunaarsugaanerat

Bibliografiske databaser = Qarasaasiakkut atuakkanik nalunaarsuutit

Bibliotekar = Atuagaatilerisoq

Biblioteker = Atuakkanik atorniartarfiit / Atuagaateqarfiit

Biblioteksafgifter = Atuagaateqarfimmiittuuteqarnersiat

Biblioteksvederlag = Atuagaateqarfimmiittuuteqarnersiutit

Biblioteksbase = [Atuakkat paasissutissartaannik] Katersivik

Bibliotekskataloger = Atuagaateqarfinni ujarlerfissiat

Biblioteksvæsen = Atuagaateqarfeqarneq

Billedbøger = Atuakkat assiliartallit

Biografi = inummik allaaserinninneq

Biografier = inunnik allaaserinninnerit

Biologi = Uumassusilerineq, biologii

Blad = Atuagassiaq

Boganmeldelser = Atuakkanik saqqummersunik eqqartuinerit

Bogfortegnelser = Atuakkat nalunaarsorneqarfii, atuagaatit nalunaarsorneqarfiat

Boghistorie = Atuaganngortitsisarnerup oqaluttuarisaanera

Bogklubber = Atuagarsisartut klubbii

Bogtrykkunstens historie = Naqiterisitsisarnerup oqaluttuassartaa

Børnebøger = Meeqqanut atuakkiat

Børneremser = Taalluartaqattaakkat meeqqanoortut, Taalluartaarutit

Børnesange = Meeqqat erinarsuutaat, meeqqanut erinarsuusiat

CD’er = CD-it, nuuteeqqat

CD-ROM = CD-ROM

Cirkulærer = Kaajallaasitat

Computere = Qarasaasiat

Computernetværk = Qarasaasiakkut attaveqatigiit

Copyright = Piginneqqaartussaatitaaneq

Dagbøger = Ullorsiutit

Database = Paasissutissanik katersivik

Decimalklassedeling = Qulikkuutaarineq atorlugu immikkoortiterineq, qulikkuutaarineq

Decimalsystem = Decimalsystemi / qulikkuutaareriaaseq

Det nye Testamente = Testamentitaaq

Digitalforvaltning = Digitalikkut ingerlatsivik

Digte = Taallat

Dokument = Takussutissiaq

Dokumentarfilm = Filmi pisimasulersaarut

Drama = Isiginnaagassiaq

Dramatisk genre = Isiginnaagassiatut allataq

Drømmetydning = Sinnattunik nassuiaanerit, sinnattunik nassuiaanerit

e-bog = Atuagaq qarasaasiarmiu

EDB-systemer = Qarasaasiatigut pieriaatsit

Elektronisk søgesystem = Qarasaasiakkut ujarlerfik

Emne = Qulequtarisaq

Emnegruppe = Sammisat ataatsimoortut

Emnekatalog = Ujarlerfik

Emneord = Oqaaseq ujarliut

Emnequide = Ujaasiffissiat

Episk genre = Oqaluttuarpalaartoq

Erindring = Eqqaamasalersaarut

Erindringer = Eqqaamasalersaarutit

Essay = Essay

Eventyr = Oqaluttualiaq

Fabel = Inorroortunik oqaluttuaq

Faglitteratur = Atuakkiaq aalajangersimasumut tunngasoq

Fantasy = Tupinnartulersaarut

Fiktion = Takorluukkiaq

Folkeeventyr = Oqaluttualiat

Folkesagn = Oqaluttuatoqqat

Folkevise = Ileqqorsuutit

Forlag = Atuakkanik saqqummersitsisarfik

Forlag = Saqqummersitsiffik

Fortælletradition = Oqaluttuaateqarneq

Fritekst = Tamanik ujaasiffik

Genre = Saqqummersitap suussusia/genre

Groenlandica = Eriagisanik Atuagaateqarfik

Hobby = Aliikkutaralugu sammisat

Håndbibliotek = quppersakkat
Håndskriftsamlinger = Allagatoqaatit
Illustration = Assiliartaq
Indeksering = oqaatsinik ujarliusiorneq
Infomedia = Allaaserisaasivik
Informationssøgning = Paasissutissanik ujarlerneq
Informationsteknologi = Paasissutissiuinermi teknologii

Julehæfter = Juullisiutit

Kataloger = Nalunaarsuutit

Katalogisere = Nalunaarsuutinut allappaa

Kirkebøger = Allattaavissuit / Kirkebogit

Klumme = Eqqarsaatissiissut

Knækprosa = Taallaasaq

Komedie = Quianartuliaq

Kortsamlinger = Nunat assinginik katersat

Kriminalromaner = Pinerluttulersaarutit

Kronikker = Itisiliilluni allaatigisat

Leksikon = Paasissutissanik ujaasiffik / leksikon

Litteratur = Atuakkiaatit, atuagaateqarneq

Litteraturanalyse = Atuakkialerinermik misissueqqissaarneq

Litteraturhenvisning = Tigusiffimmik innersuussineq

Litteraturhistorie = Atuagaateqarnerup oqaluttuarisaanera

Litteraturhistorie = Atuakkiat oqaluttuarisaanerat

Lydbøger = Atuakkat naalaagassiat

Lyrik = Taalliaq

Lyrisk genre = Taallatut allataq

Læsesal = Atuartarfik

Morfologi = Uiguutilerineq

Mundtlig overlevering = Oqaluttuatigut kingornussarsiat

Myte = Pileqqaarnermik oqaluttuaq

Myter = Pileqqaarnernik oqaluttuat

Målgruppe = Saaffigisaq

Nationalbibliotek = Nunatta Atuagaateqarfia

(Person)Navne = Inuit aqqi

Nekrologer = Toqusimasunut eqqaaniutit

Noder = Nuutit

Non-fiktion = Takorluukkiaanngitsoq

Novelle = Naatsukullaliaq

Noveller = Oqaluttualiat

Ophavsret = Piginnittussaaneq

Opslagsbøger = Atuakkat ujarlerfissiat

Ordbøger = Ordbogit

Pjece = Quppersagaaraq

Poesi= Taalliaq

Primær litteratur = Najoqqutaq pingaarneq

Rapport = Nalunaarusiaq

Redegørelse = Nassuiaat

Referat = Imaqarniliaq

Rollespil = Inuttaaffeqarneq

Roman = Takisuuliaq

Saga = Siulilersaarut

Sagn = Oqaluttuatoqaq

Sagprosa = Takorluukkiaanngitsoq

Salme = Tussiut

Samlinger = Katersaatit toqqortat tamalaat

Sangbøger = Erinarsuutit

Science fiction = Siunissalersaarut / science fiction

Sekundær litteratur = Tapertatut najoqqutaq

Selvbiografier = Imminut allaaserineq

Skolebøger = Ilinniutit

Skuespil = Isiginnaagassiaq

Skønlitteratur = Takorluukkiat

Spøgelseshistorier = Aliortugalersaarutit

Stednavne = Nunat aqqi

Tegneserier = Tegneseriat, titartakkat malittariiaat

Testamenterne = Testamentit

Tidsskrift = Atuagassiaq

Tidsskrifter = Atuagassiat

Titel = Taaguut

Triviallitteratur = Ulluinnarpalaartuliaq

Uddrag = Tigulaagaq

Havret = Immani pisinnaatitaaffiit

Havforurening = Immamik mingutsitsineq