Oqaasiliortut ataatsimiinnerannit imaqarniliaq
| Sumiiffik: | Ilimmarfimmi ini nr. 5-imi |
| Ulloq: | 14.10.2016 |
| Nalunaaqutaq: | 09:00 – 12:00 |
| Oqaasiliortut peqataasut: | Mariia Simonsen, Mette L. Lyberth aamma Bolatta M. Vahl |
| Ataatsimiinnermik aqutsisoq: | Bolatta M. Vahl |
| Peqataanngitsut: | Juaaka Lyberth aamma Jens Danielsen |
| Allatsi: | Minik Jeremiassen |
| Ataatsimiinnerup normua: | 8 |
- Oqaluuserisat
- Oqaluuserisassat akuerineqarnerat
- Kingullermik ataatsimiinnermi imaqarniliap akuerineqarnera
- MIO-miit taaguutit
- Taasariaqartut allat
1. Ataatsimeeqqinnissamut ulluliineq
4.2. 2017-imut pilersaarusioqatigiinnissamut ulluliineq
4.3. Oqaasiliortut suliassaasa killiffiannik ilisimatitsineq
4.4. silt, sioraaqqat
4.5. grundskrift, allaqqissaarneq (Oqaasileriffimmiit akuereqqullugu inassutigineqartoq)
Imaqarniliaq
- Oqaluuserisassat akuerineqarnerat:
Oqaluuserisassat akuerineqarput. - Kingullermik ataatsimiinnermi imaqarniliap akuerineqarnera:
Septembarip 30-anni ataatsimiinnermit imaqarniliaq akuerineqarpoq. - MIO-miit taaguutit:
Taaguutit MIO-meersut oqaluuserineqarneranni aalajangiiffigineqartut imaapput:
| Qallunaatut | Kalaallisut | Oqaasiliortut oqaaseqaataat |
| seksualitet | seksualiteti | Katersanut ilanngunneqalerpat kinguaassiuutaannarnut tunnganngitsoq nassuiaatigineqassaaq. MIO-kkut piumaffigineqassapput nassuiaateqassasut, nassuiaataallu Oqaasiliortut takoqqaassavaat. |
| seksualpolitik | 1. kinguaassiuutit atoqatigiinnerlu pillugit politikki
2. seksualpolitikki |
Suliffeqarfiup kinguaassiuutit atoqatigiinnerlu pillugit politikkia
(Mariia) Miokkormiut taaguutip seksuelpolitikkip suliffeqarfimmut qilersoqqanera nassuiaassutigissavaat (Mette) |
| seksualiserende adfærd | kinguaassiuutinut atoqatigiinnermullu sammisumik [ingasaassilluni] pissusilersorneq | MIO-mut ‘ingasaassilluni’ ilaassanersoq apeqqutigineqassaaq |
| seksualiserende sprog | kinguaassiuutinut atoqatigiinnermullu sammisumik [ingasaassilluni] oqaatsinik atuineq | MIO-mut ‘ingasaassilluni’ ilaassanersoq apeqqutigineqassaaq |
| seksuel chikane | nikanarsagaalluni tiingaffigineqarneq / nikanarsaalluni tiingaffiginninneq | |
| seksuel grænseoverskridende adfærd | kinguaassiuutitigut atoqatigiinnikkullu killissanik qaangiilluni pissusilersorneq | |
| seksuel | kinguaassiuutitigut … | – assersuutitut takukkit seksuel krænkelse, seksuel overgreb il.il. |
| seksuel krænkelse | kinguaassiuutitigut kanngunarsaaneq | ‘kannguttaatsuliorneq’ ‘blufærdighedskrænkelse’-mut tunnganerummat kanngunarsaaneq atorneqassasoq Oqaasiliortut aalajangiuppaat |
| seksuel overgreb | kinguaassiuutitigut kannguttaatsuliorfigitinneq | |
| seksuelt misbrug | kinguaassiuutitigut atornerluineq | |
| seksuel vold | kinguaassiuutitigut nakuuserneq | |
| sexisme | suiaassutsikkut immikkoortitsineq | |
| sparring | siunersiuineq | |
| statistik | kisitsisitigut paasissutissat | |
| straffeattest | pineqaatissinneqarsimannginnermik/pineqaatissinneqarsimanermik uppernarsaat | |
| strategi | tunaartaqarluni iliuusissanik pilersaarusiorneq | |
| støttende samtale | tapersersuutaasumik oqaloqatigiinneq | |
| supervision | supervision | Den Store Danskemiit nassuiaat ilanngunneqassaaq |
| symptom | malunniut, ersiut | |
| tab | annaasaqarneq |
Taaguutit angumerineqanngitsut ataatsimiinnissamut tullermut kinguartinneqarput.
4. Taasariaqartut allat:
4.1. Ataatsimeeqqinnissamut ulluliineq:
Ataatsimeeqqinnissaq oktobarip 24-ata 28-atalu akornanni pissaaq.
4.2. 2017-imut pilersaarusioqatigiinnissamut ulluliineq:
Ataatsimeeqataasussat marluk peqataanngimmata ulluliinissaq ataatsimeeqqinnissamut tullermut kinguartinneqarpoq.
4.3. Oqaasiliortut suliassaasa killiffiannik ilisimatitsineq:
Oqaasiliortut suliassaat Oqaasileriffimmut saaffiginnissutaasimasut Oqaasiliortunit ilisimaneqarniassammata ilisimatitsissutitut takutinneqarput.
4.4. silt, sioraaqqat:
Sioraaqqat siltinik taaneqartartut Oqaasiliortukkoortussat ilagaat, taakkulu sioraaqqanik taaguuserneqassasut Oqaasileriffimmi sulisunit innersuutigineqarsimammat Oqaasiliortut akueraat.
Silt, sioraaqqat.
4.5. grundskrift, allaqqissaarneq (Oqaasileriffimmiit akuereqqullugu inassutigineqartoq):
Oqaasiliortut ‘allaqqissaarneq’ ‘grundskrift’-imut taaguutaassasoq akueraat.
Oqaasileriffiup ‘allaqqissaarneq’ taaguutaassasoq siunnersuutigisimavaat.
Oqaasiliortut siulittaasuat Allatsi
Bolatta M. Vahl Minik Jeremiassen