Nunat Aqqinik Aalajangiisartut decembarip 14-anni 2007-mi Oqaasileriffimmi ataatsimiinnerat
Peqataasut.: Carl Chr. Olsen, Tukummeq Qaavigaq, Stephen Heilmann aamma Abia Abelsen.
Peqataanngilaq: Karl Elias Olsen. Napparsimanini pissutigalugu.
Allatsi.: Lisathe Møller Kruse aamma Amalia Egede
Oqaluuserisassat:
- Tikilluaqqusineq
- Imaqarniliap akuerineqarnera
- Nunat aqqi siornatigut nalunaarsorsimanngitsut akuerisatut nalunaarnissaat (Kangerluarsorutsiminngaanniit Nuup avannaatungaanut Qinngup Nunaa tikillugu nalunaarsukkat pineqarput)
- Nunat aqqisa nalunaarsugaatigineqareersut akuerisaneerteersullu ilisimasallit suleqatigineranit allannguuteqarsimasut isummerfiginissaat.
- Immap assingini 1330-mi 1310-mi nunat aqqi ilaareersut misissorneri, naqqitassartaalu naqqissorneri. (Tassani sammisassat imarisai ilaliussamiipput misissoriaannaavasi. Imatut ateqarput: stednavne 1330.xls aamma stednavne 1310.xls. Aammali naqitanngorlugit pissavasi.)
- Aatsitassanut Ikummatissanullu Pisortaqarfimmiit suliakkiissutit
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
2. pillugu
Nunat Aqqinik Aalajangiisartut kingullermik ataatsimiinneranit imaqarniliaq akuerineqarpoq.
3. pillugu
Immap assingisa nutarterneqarnerisa kingunerisaanik Nunat Aqqinik Aalajangiisartut immap assingi 1310 Kangerluarsorutsiminngaanniit Nuup tungaannoortoq, aamma Kangerluarsorutsip eqqaani immap assinga 1330 sammivaat. Nunat aqqi sumiiffinni tassaniittut suli nalunaarsorneqarsimanngitsut amerlanerit aalisartoq Narsamilu Nuup kujataani nunaqarfiusimasumi inuusoq Aalibaaraq Poulsen suleqatigalugu suliarineqarnikuupput, ikittuinnaallu Nuummi Aalisartut Piniartullu peqatigiiffiat suleqatigalugu suliarineqarsimallutik.
Nunat aqqi Nunat Aqqinik Aalajangiisartut nalunaarsugaatiginngisaat Kangerluarsorutsimiit Nuuk tikillugu nalunaarsoqqammersut 240-t Nunat Aqqinik Aalajangiisartunit akuerineqarlutik aalajangiunneqarput. Allannerlutat, inissinnerlutalluunniit aaqqinneqartut 43-sut aaqqinneqarput. Bilagimi exel-filiusumi imatut atilimmiipput: Decemberimi 2007-mi nunat aqqi akuerisat, allannguutillu.xls.
4. pillugu
Immap assingisa nutarternerisa kingunerisaanik Nunat Aqqinik Aalajangiisartut immap assingi 1310 Kangerluarsorutsiminngaanniit Nuup tungaanoortoq, aamma Kangerluarsorutsip eqqaani immap assinga 1330 sammivaat.
Nunat aqqinik nalunaarsugaatitta arlalitsigut nikingassuteqarnerisa kingunerisaanik nunat aqqi nalileqqinneqarlutik aaqqinneqarlutik aalajangiunneqartut 43-upput. Bilagimi exel-filiusumi imatut atilimmiipput: Decemberimi 2007-mi nunat aqqi akuerisat, allannguutillu.xls.
5. pillugu
Nunat aqqi immap assingini 1310-meereersut 1330-meereersullu Kort- og Matrikelstyrelsenikkormiunit Excel programimut nuunneqarsimasut Nunat Aqqinik Aalajangiisartunit misissorneqarput.
Nunat aqqi kalaallisut allannillit NAA-kkormiunit allattaasitaanngortinneqarput, qallunaatuinnarlu ateqartutut nalunaarsorneqarsimagaluartut kalaallisut aqqi aamma ilanngussuunneqarlutik.
Nunallu aqqi pineqartut bilagini exel-filiusuni imatut atilinniipput: stednavne 1330.xls, aamma stednavne 1310.xls.
6. pillugu
| a. No. A0530 | Paava |
| b. No. A0531 | Sub.1: Qaqulluit Sub. 2: Naajaat |
| c. No. A0484 | Sub. 1: Ungusivik Sub. 2: Nuuluk Sub. 3: Tasinngortartoq |
7. pillugu
–
Carl Chr. Olsen Lisathe M. Kruse
Siulittaasoq Allatsi