Nunat Aqqinik Aalajangiisartut januaarip 3-anni 2011-mi Oqaasileriffimmi ataatsimiinnerat
Peqataasut.: Carl Christian Olsen, Karl Elias Olsen, Stephen Heilmann, Tukummeq Qaavigaq aamma Abia Abelsen.
Allatsi: Lisathe Møller Kruse napparsimanini pissutigalugu ulloq taanna allattaanngilaq.
Oqaluuserineqartut makkuupput:
- Tikilluaqqusineq
- Imaqarniliap akuerinera (oktobarip 29-anni, novembarip 5-anni, 12-anni 19-annilu ataatsimiinnermit imaqarniliaq)
- Aatsitassanut Ikummatissanullu Pisortaqarfimmiit suliakkiissutit
- a. Tunup avannaarsuaniittoq, I. C. Christensen Landimiittoq
- b. Uummannap eqqaaniittoq, Ukkusissat avannaani kangerlummi Kangerluarsummik atilimmiittoq
- Kangaatsiap eqqaani nunat aqqi nalunaarsukkat akuerineqanngikkallartut akuerinissaat
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
2. pillugu
Oktobarip 29-anni 2010-mi, kiisalu novembarip 5-anni, 12-anni 19-annilu ataatsimiinnermit imaqarniliaq ullormi ataatsimiiffiusumi eqqartorneqaranilu aalajangiivigalugu akuerineqanngikkallarpoq. Ataatsimiinnerup nalaani allatsip Lisathe-p napparsimanera pissutigalugu.
3. pillugu
Aatsitassanut Ikummatissanullu Pisortaqarfimmiit saaffiginnissutit Nunat Aqqinik Aalajangiisartunit eqqartorneqareerlutik uku akuerisaasumik taaguutaasussatut aalajangerpaat:
- Fil: Høring stednavn.pdf Jørgen Brønlund (Tunup avannaarsuaniittoq)
- Fil: Høring stednavn 2011-31.pdf Qaarsortanngua (Uummannap eqqaani Ukkusissat avannaatungaaniittoq)
4. pillugu
Kangaatsiap eqqaani nunat aqqi nalunaarsukkat akuerineqanngikkallartut ataatsimiinnermi uani eqqartorneqaratillu akuerineqanngikkallarput, allatsi Lisathe napparsimanera pissutigalugu.
5. pillugu
Februaarip 18-anni 2011-mi oqarasuaatikkut ataatsimiitsiarnermi Aatsitassanut Ikummatissanullu Pisortaqarfimmiit saaffiginnissut eqqartorneqareerluni una akuerisaasumik taaguutissatut aalajangerneqarpoq:
Fil: Skjoldungen Nord, 2011-23.doc Akerninnaq
—————————–
Carl Chr. Olsen Lisathe M. Kruse
Siulittaasoq Allatsi