Nunat Aqqinik Aalajangiisartut sisamannngorneq aprilip 12-anni 2012-mi Oqaasileriffimmi ataatsimiinnerat
Peqataasut.: Carl Christian Olsen, Stephen Heilmann, Tukummeq Qaavigaq
Peqataanngitsut: Abia Abelsen napparsimanini pissutigalugu, Lotte Holmilu ?.
Allatsi: Lisathe Møller Kruse.
Oqaluuserineqartut makkuupput:
- Tikilluaqqusineq
- Imaqarniliap akuerisassatut saqqummiunnera (marsip aallaqqaataanni 2012-mi ataatsimiinnermit imaqarniliaq)
- Aatsitassanut Ikummatissanullu Pisortaqarfimmiit saaffiginnissut
- i. Høringsbrev, Grønland Stednavnenævn.pdf (2012/39) (Attup Nassuttuullu akornanniippoq)
- ii. anmodning om stednavn (ELA 2012-16).doc (Mesters Vigip kujataatungaa)
- Inatsisartunut ilaasortap Karl Lyberthip inatsisartut ataatsimiinnissaanni oqallisissiaa, nunamik atsersueriaatsimut tunngasoq
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
2. pillugu
Marsip aallaqqataani 2012-mi ataatsimiinnermit imaqarniliaq akuerineqarpoq.
3. pillugu
Aatsitassunut Ikummatissanullu Pisortaqarfimmiit saaffiginnissutit Nunat Aqqinik Aalajangiisartunit ima akuerisaasumik taaguuteqartussatut aalajangiunneqarput:
I: Høringsbrev, Grønlands Stednavnenævn.pdf (2012/39) Eqalussuit
(Attup Nassuttuullu akornanniipoq)
II: Anmodning om stednavne (ELA 2012/16) Sermerasaaq
(Mesters Vigip kujataatungaaniittpoq)
4. pillugu
Inatsisartunut ilaasortap Karl Lyberthip Inatsisartut ataatsimiinnissaanni oqallisissiaa, nunamik atseeriaatsimut tunngasoq pillugu Pia Lynge IKINN-imiit (Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik) Oqaasileriffimmut saaffiginnippoq. Pia Lyngep saaffiginnissutigivaa Naalakkersuisup Mimi Karlsenip Inatsisartunut oqalugiaatissaa pillugu ikiorsinnaanerivut.
Tamanna pillugu Nunat Aqqinik Aalajangiisartut eqqartuipput. Nunat Aqqinik Aalajangiisartut eqqartuinerminni oqaatigisaasa ilagivaat kinaluunniit Nunat Aqqinik Aalajangiisartunut nunap atissaanik siunnersuuteqarsinnaasoq, nunat aqqi pillugit inatsit tunngavigalugu Nunat Aqqinik Aalajangiisartut aalajangiisinnaasutuaammata.
Carl Christian Olsen ataatsimiinnginnermini tassunga tunngasumik allagaqareersimavoq, Nunallu Aqqinik Aalajangiisartut aalajangerput allagaa Pia Lyngemut ingerlateqqinneqassasoq.
5. pillugu
Tunumi nunat aqqi nalunaarsukkat aallarteqqinneqarsinnaanngortut nalunaarutigineqarpoq, Oqaasiliortut tunumiut sumiorpaluutai pillugit allattaatsimut tunngasumik paasissutissiissutaat tunniunneqarsimammata.
Aalajangerneqarporlu Nunat Aqqinik Aalajangiisartut ataatsimiinnginneranni tunumi nunat aqqi nalunaarsukkat Oqaasiliortut paasissutissiissutaat aallaavigalugit suliarereerneqarumaartut, taamaaliornikkut suliarilertorneqarlutik akuerineqarsinnaaniassammata.
Nunat Aqqinik Aalajangiisartut ataatsimiinnissartik tulleq maajip pingajuanni nalunaaqutaq qulinut aallartikkumaartoq aalajangerpaat.
—————————–
Carl Chr. Olsen Lisathe M. Kruse
Siulittaasoq Allatsi