Inuit Aqqinik Akuersisartut 2010 – 3

IAA – 041010

INUIT AQQINIK AKUERSISARTUT Oktobarip sisamaanni 2010, nal. 13.00 ataatsimiinnerannit imaqarniliaq

Peqataapput: Carl Chr. Olsen, Isak Davidsen aamma Ellen J. Karlsen

Imaqarniliortoq: Nuka Møller

Oqaluuserisassat:

1. Tikilluaqqusineq

Siulittaasup immikkut Isak Davidsen tikilluaqquaa. ID-p Sofie Petersen sulinngiffeqarnerani aamma siunissami ataatsimiinnissani pisinnaatinnagu taarsertassavaa. Siulittaasoq Inuit Aqqinik Akuersisartut suleriaasiannik naatsumik nassuiaateqarpoq.

2. Kingullermik ataatsimiinnermit imaqarniliat akuerineqarneri

Imaqarniliat 030510 ullulerneqarsimasut akuerineqarput.

3. Atit akuereqqullugit qinnutigisat

1. 1. Sila – Akuerineqanngilaq. Ilaasortat isumaqarput oqaaseq taanna atitut atussallugu inniminartuusoq, soorlu siusinnerusukkut “inuuneq” atitut qinnutigineqaraluarmat aamma inniminartillugu akuerineqanngitsoq. Atit sila-mik naggueqariarlutik uiguusersukkat allaapput.
   2. Patsi – Akuerineqarpoq
   3. Nuusa – Akuerineqarpoq
   4. Unu – Akuerineqarpoq
   5. Allu – Akuerineqarpoq
   6. Puupi –Akuerineqarpoq
   7. Qunaaluk – Akuerineqarpoq
   8. Arnakátak – Akuerineqarpoq
   9. Masu – Akuerineqarpoq
   10. Kanku – Akuerineqanngilaq
   11. Arsugaq – Akuerineqarpoq

4. Aqqit isumaannik nassuiaatit suliarineqartarnerinik nassuiaat.

Aqqit pillugit isumaginnittup ataani allassimasut aallaavigalugit naatsumik suleriaaseq qanoq innersoq nassuiaatigaa.

1. 1. Ataatsimiinnerit avataatigut akuerisat: Arnavik, Uulu, Miila, Qooqa, Qujagi.

 Tusaatissatut tiguneqarput.

1. 1. Isumaa pillugu apeqqutit: Apeqqutit amerlanerit ingerlaavartumik akineqartarput. Akissutigineqartut isumaanut nassuitsumik peqaraangata naalisarlugit ingerlatiinnarlugit nittartakkamut ikkunneqartarput kalaallisut, qallunaatut tuluttullu. Maannakkut isumaannik siunersiniarluni misissukkat arlaqartiterput. Atiunera pillugu uiguusersueriaatsit (-na, .-vina, -rina, -suna il.il) takkajaamik allaatigineqarput. Apeqqutigineqartut ataasiakkaat unittooqqagallarput paasissutissat sukumiinerusut nassaarisserlugit, taakku ilagaat Ulukkooq, Malugiaq, Manumina.

Tusaatissatut tiguneqarpoq.

5. Taasariaqartut allat
6. 1. Akilinermit saaffiginnittoqarpoq aqqit Pakak aamma Arraq isumaat pillugit apeqqutaariarlutik, Knud Rasmussenip angalaqataannik siuleqarsimanissamik ilimatsaassaqarluni ingerlaqqinnissaminut ikioqqusumit. Pakak akissusioriarlugu paasissutissanik annertunerusunik noqqaavigineqassapput.
   2. Tulliani ataatsimiinnissaq novembarip 17-ianni 2010-mi pissasoq siunniunneqarpoq.

Inussiarnersumik inuulluaqqusilluta

Carl Chr. Olsen, puju                        Nuka Møller

Siulittaasoq                              Aqqit pillugit isumaginnittoq