Oqaatsit pillugit Facebookikkut saqqummiussat
Piujuartitsilluni ineriartortitsinermi nunarsuarmi anguniakkat 17-iusut qulequtaat
Piujuartitsilluni ineriartortitsinermi nunarsuarmi anguniakkat 17-iusut qulequtaat Oqaasiliortunit akuerisaasut uani aaneqarsinnaapput: https://www.anguniakkavut.gl/kl/materialer
Allagaq timmisartukkoortoq
Oqaatsit atukkavut ilaanni piffissap ingerlanerani allanngortarput, pingaartumik suut avataaniit tikittut eqqarsaatigalugit.
Qaammatip inissisimaneranut taaguutit
Qaammat ulikkaaraangat imissisumik taasarparput. Qaammat nungukkaangat qaammannittarpoq.
Tullissaanut
TullissaaNI naaneqarpoq sumiiffilerummik, naaneqareersullu naanileqqinneqarsinnaanngillat. Taamaattumik piffilerummik naanilerniarutsigu imaassaaq: tullissaaNUT. Una kukkuneruvoq: tullissaaNIMUT!
Depression
Sivisuumik nikallunganermik tarnikkut nappaat, amerlanertigut annilaanganermik, iliuusissaaleqinermik qasoqqanermillu sunniuteqartartoq, depression kalaallisut qanoq taaguuteqarpa?
Oqaatsit qimunnermik nagguillit ilaat
Suulluunniit uumasut qimussinnaasut qimuttunik taaneqarsinnaapput, soorluttaaq siutituut imalt. tuttut aamma qimussinnaasut. 1800-kkunni Samuel Kleinschmidtip hesti taaguusernialeramiuk qimussinnaanera aallaavigalugu taaguusersimavaa: qimuttuarsuk. Søhesti taaguuserpaa qimuttuarsuusannguamik, tassani oqaaseq
