Nunat Aqqinik Aalajangiisartut 2002 – 2

NAA – 130302

Nunat Aqqinik Aalajangiisartut marsip ulluisa 13-ianni 2002, nal. 15.00
Oqaasileriffimmi ataatsimiinnerannit imaqarniliaq.

Peqataasut: Carl Chr. Olsen, Karl Elias Olsen, Mariane Petersen, Stephen Heilmann.

Kelly Berthelsen pikkorissaqataagami peqataanngilaq.

Allatsigalugu Pia N. Knudsen.

Oqaluuserisassat:

  1. Oqaluuserisassat akuerisassanngorlugit saqqummiunnerat.
  2. Kingullermik ataatsimiinnermit imaqarniliap akuerisassanngorlugu saq-qummiunnera.
  3. Ilisimatitsissutit.
  4. “The return to the top of the World expedition”.
  5. Nunat aqqisa atuarfinni ilinniartitsissutigineqarnissaat (KEO).
  6. Tusagassiuutit atornissaannut pilersaarutit (CCO).
  7. Nunat aqqi ataasiakkaat (KEO).
  8. Taasariaqartut allat.

-1 pillugu-

Oqaluuserisassat akuerineqarput.

-2 pillugu-

Imaqarniliaq akuerineqarpoq.

-3 pillugu-

CCO: Pia N. Knudsen marsip 11-ianni 2002 allaffimmi fuldmægtigitut aallartittoq ilisaritippaa. 

-4 pillugu-

CCO: Nunani avannarpasinnerpaani qaqqat portunersaat “John Denver Peak”-imik atserneqassasoq siunnersuutigineqarsimasoq unnerpaa.

John Denver-imik atserneqarnissaa naleqqutinngitsutut oqaatigaa, inunnik taaguutinilluunniit Kalaallit Nunaannut attuumassuteqanngitsunik atsiisannginnissaq NAA-p  aalajangersaasarnermi malitassaaniippoq.

MP: Kalaallit Nunaannut tunngassutillit atsiunneqartarnissaannut siunertaq isumaqatigaa. MP isumaqarpoq siulivut, oqaluttuaativullu nunatsinnut tunngas-sutillit nunanut qaqqanullu atsiunneqartassasut.  

MP: Qaqqaq timaaniimmat Tunermik atsissallugu piukkuppaa. Qangarsuaq Tunit timaani najugaqarsimanerinut eqqaassutissatut nunatsinnullu attuumas-suteqarnera pissutigalugu ataasersiutinngorlugu atsernissaa siunnersuutigaa.

Nunat Aqqinik aalajangiisartut qaqqaq nunani avannarlerni portunerpaaq John Denverimik atsernagu “Tuneq-mik” atserneqassasoq aalajangerpaat.

-5 pillugu-

KEO: Meeqqat atuarfianni Kalaallit Nunaanni nunat aqqi pillugit Atuarfitsialak qanoq pilersaaruteqarnersoq KEO-p paasiniaaffigisimavaa.

KEO-p meeqqat atuarfianni Kalaallit Nunaanni nunat aqqisa sammineqarneruler-nissaat Atuarfitsialammi siulittaasumut siunnersuutigimmagu taanna siun-nersuummut soqutiginninnerarpaa.

SH: Meeqqat atuarfianni Kalaallit Nunaanni nunat aqqinik ilinniartitsisalernissaq piumasaqaataalissappat suliarilluakkamik pilersaarusiorluakkamillu ingerlanne-qartariaqartoq SH oqarpoq.

MP: Meeqqat atuagassaannik taakkununnga piukkunnarsakkanik atuakkiornis-saq siunnersuutigaa. Atuakkat nunat aqqinik imaqarnissaat, assiliartaqarnissaat aammalu tamanit paasineqarsinnaasunngorlugu sananeqarnissaa MP-p siunner-suutigaa.

CCO: Meeqqat atuarfianni Kalaallit Nunaanni illoqarfiit nunaqarfillu pinngitsoo-rani ilinniagassatut læseplanimut ilanngullugit atuartitsissutigineqalernissaat CCO-p siunnersuutigaa. Kalaallit Nunaanni nunat aqqi soqutiginninneq aallaavi-galugu ilinniarneqarsinnaanerarpai, taakkulu meeqqat soqutiginninnerat tun-ngavigalugu ilangunneqarsinnaaneri CCO-p ammaffigaa.  

-6 pillugu-

CCO: Oqaasiliortut siornatigut isumaqatigiissutigisimavaat tusagassiuutitigut saqquminerulernissaq.

Nittartakkap suliarineqarnerata amigaateqarnera, aaqqissuuteqqinnissaalu pis-sutigalugit massakkorpiaq saqqummersitsisinnaaneq ajornarallartoq CCO-p o-qaatigaa.

SH: Isiginnaagassiutit atorlugit saqquminerulernissaq SH-p kaammattuutigaa. Nunat aqqisa pineqartut sumiinnerinut nassuiaatit, isiginnaajutigalugit malin-naaffigineqarsinnaaneri ajornakusuunnginnerusut isiginnaartunullu paasiumi-narnerusut SH-p oqaatigaa.

MP: Tusagassiuutit assigiinngitsut tamaasa atorlugit saqquminerulernissaq siun-nersuutigaa.

Utoqqaat tusagassiuutitigut nunat aqqinik nassuiaanermi tusarnaarlutik nuan-narisarmassuk taakkuttaaq puigorneqannginnissaat MP-p eqqaasissutigaa.

SH: Tusagassiuutitigut saqquminerulernissamut atatillugu Nunat Aqqinik Aala-jangiisartut tusagassiortut atortussaannik piareersaasarnissaat SH-p siunner-suutigaa. Nunat assingi assigisaallu atortussatut assersuutigineqarsinnaasut SH-p taakkartorpai.

-7 pillugu-

KEO: Sermitsiap Ersaa ilumut taama ateqavinnersoq paasiniaasimavoq, aperi-saatalu nunap assingani taamatut allaqqasoq oqaatigisimagaa KEO-p unnerpaa. KEO-p Nunap assingani misissuinermini takusinnaasimanngilaa ilumut Sermit-siap Ersaa-ta allanneqarsimanera ilumullu taamatut ateqavinnersoq uppernar-sisimanagu.

MP: Katersugaasivimmi nunat aqqisa allattorsimaffiat misissuiffigisinnarluni tul-lissaani ilumut taama allassimasoqarnersoq saqqummiutissavaa.

CCO: Kalaallit Nunaanni nunat aqqi illoqarfikkaartumik atsersorneqartarput.

Nunat aqqinik aalajangiisarneq immikkoortortanut assigiinngitsunut agguarne-qarsimavoq, byzonemik aammalu bygdezonemik taaneqartut tassalu kommune-qarfiit ataasiakkaat taakkulu nunaqarfiisa iluiniittut kommuninit aalajangiiffi-gineqartarput. Nunat illoqarfiit nunaqarfiisalu avataanniittut Nunat Aqqinik Aala-jangiisartut atsersortarlugit.

SH: Nunat aqqisa allattorsimaneri kikkunnit tamanit paasiuminartunngorlugit suliarineqarnissaat SH-p siunnersuutigaa.

KEO: Ukiut sisamat ingerlanerini angusassat pingaartillugit anguniarnissaat KEO-p siunnersuutigaa.

Ataatsimiinnissaq tulleq pissaaq apriilip 17-ianni, nal. 15.00.  

      Carl Chr. Olsen                             Pia N. Knudsen

      Siulittaasoq                         Allatsi