OQAA – 090410-110510-140510(gl)
Oqaasiliortut Ataatsimiinnerat tallimanngornermi apriilip 9-anni, marlunng. maajip 11-anni aamma tall. Maajip 14-anni 2010 Ilimmarfimmi Pujup allaffiani.
Peqataasut: Abia Abelsen, Eva Møller Thomassen aamma Carl Chr. Olsen.
Peqataanngitsut: Stephen Heilmann aamma Ellen J.Karlsen
Allatsi: Katti Frederiksen
Oqaluuserisassatut siunnersuutit:
- Tikilluaqqusineq – siulittaasoq tikilluaqqusillunilu ilisimatitsivoq maajip 12-anni Inatsisartuni oqaatsit pillugit politikkissaq pingajussaaneerneqassasoq.
- Kingullermik imaqarniliap akuerineqarnera – akuerineqareerpoq.
- Ilisimatitsissutit (Allagarsiussaq) – Oqaasileriffimmi suliassat annikinngitsut, kiisalu sulianut ingerlareersut eqqarsaatigalugit tapertaalluni sulisussamik atorfinitsitsinissamik allagarsiussaqartoqarpoq, aningaasalli aporfiuleriataarsinnaaneri apeqqutaallutik tamanna aalajangiunneqassaaq.
- Nalunaarummi oqaatsit 2009-mi akuerisat – oqaatsit misissoqqinneqarlutik aaqqiissutissat kingulliit suliarineqarput. (Ilaliussaq 1 takuuk).
- Animation 15.marts 2010 – ataatsimiinnerup tullissaani sammineqassaaq.
- Antroposofi 26.marts 2010 – ataatsimiinnerup tullissaani sammineqassaaq.
- Influenza virus H1(N1) 26.marts 2010 – Siornatigut influenza nualluummik taagorneqalereersoq tunngavigalugu nappaat imatut taaguuserneqarpoq: Nualluut virus H1
- Værdinormer aamma holdningsændringer 26.marts 2010 – Kalaallisut imatut taaneqarsinnaapput: naleqartitat tunngavigisat aamma isummiutinik allannguinerit.
- Karriere aamma infrastruktur allallu 26.marts 2010 – karriere nassuiaaserneqassaaq suliffimmi qaffakkiartornermik.Infrastruktur ulluinnarni sumut atorneqarnera apeqqutaatillugu oqaasertalerniarneqartarpoq, ilaatigut attaveqaatit pineqartarlutik ilaatigulli aamma atortulersuutit pineqartarlutik, soorlu angallannermi ingerlatsineq eqqarsaatigalugu. Oqaatsilli taassuma infrastrukturip imarisaa tamakkiisoq eqqarsaatigalugu kalaallisut ima taaguuserneqarnissaa Oqaasiliortut aalajangiuppaat: attaveqaatit atortulersuutillu.Oqarasuaatit normuisa kisitsisinik taaneqarsinnaannginnerinut tunngavilersuut tassaavoq kisitsit aamma normut isumaasa assigiinnginnerat.Kisitsisit tassaapput 1-miit tulleriiaaqqissaarlugit inissitsitikkat 1-2-3-4-5-6 il.il., kisiannili normut tassaasinnaallutik kisitsit imaluunniit taakkua assigiinngitsunik tulleriinnilersorneri sumut aalajangersimasunut attuumatinneqartut.
- Oqaaseq ‘ataani’ 28.marts 2010 – ullumikkut oqaatsip atorneqarnera siammasimmat Oqaasiliortut isumaqarput aalajangersimasumuinnaq kisiat atugaanissaanut killilerneqarsinnaanngitsoq (soorlu nerriviup ataani), tassami suut assigiinngitsut iluini aaqqissugaaneq eqqarsaatigineqartillugu nassuiaanermi pinngitsoorneqarsinnaajunnaarnikuummat, ass. SIK-p ataani isumaqatigiissutit imalt. namminersornerullutik oqartussat kommunillu ataanni pisortat ingerlatsiviini suliffiinilu…
Ilanngullugu erseqqissaatigineqassaaq oqaatsit atuuffii, ineriartorneq aamma ilutigalugu, allanngorsinnaasarnerat oqaatsitta pisuunnguutigiinnartaraat. - -miu imalt. -mioq 28.marts 2010
Oqaasiliortut isumaqarput suna arlaat aalajangersimaqqissaartoq aatsaat pineqaraangat –mioq atorneqartartoq, kisiannimi aamma ilaatigut –miu aamma –mioq paarlaguussorlugit immikkoorsinnagit atorneqartarlutik, assersuutigalugu oqaatsini allani makkunani aamma atorneqartarluni erni aamma erneq, anaana anaanaq il.il. - Oqaatsivut pillugit 28.marts 2010
Saaffiginnittup isornartorsiutaa ilumoornerarneqaannassaaq, tassa ilaanni tusagassiutini oqaatsit atorneqartut paatsuungatitsisinnaasarmata. Uanili assersuutigisaani malunnarpoq isumammik allanngortitsineraaneq eqqortortaqarlunilu aamma ilaatigut oqaatsit ineriartornerisa kinguneriinnarsimasinnaalluaraat, tassami oqaaseqatigiinni paatsoortitsissut unaagunarmat isumaqarpoq, oqaaseqatigiilli ingerlaqqinnerini oqaaseq atorneqartoq imaalerluni isumaqanngilaq.Saaffiginnittup imaattussaasorigunarpaa ‘XX kisimiunngilaq taamatut isumaqartoq’, kisiannili oqaaseqatigiit atalernermikkut isummamik ersersitsinerat paatsoornartoqanngikkaluarpoq, assersuutit taamaattut allat makkuupput: kalaallit tamarmik qajartorneq ajorpoq, imatut paasisariaalluni: kalaallit ilaat qajartorneq ajorput imalt. Amerikamiut tamarmik pualasuunngillat, imatut paasineqartussaq Amerikamiut ilaat pualasuunngitsut. - Qasseersiutitut taaguutillit 29.marts 2010 – akissusiuunneqareerpoq, pisariaqassappalli erseqqissaneqassaaq taaguutit qasseersiutaasut oqaaseqatigiinni atuuffimmini qanoq inissisimaneri isumaqarnerilu apeqqutaallutik oqaluutaat ataasersiutinngortinneqarlutilluunniit qasseersiutinngortinneqartaramik.
- Titarneq uingasoq imalt.tukingasoq? 8.april 2010 – Saaffiginnissut Oqaasiliortunit tigulluarneqarpoq, ilanngullugillu siunnersuutit killiffilersuinermut tunngasut allanngortinnagit akuerineqarlutik:
/ titarneq sikingasoq aamma \ titarneq qivingasoq.Ilanngullugu aamma qallunaatut understreg kalaallisut oqaasertalerneqarpoq ima: kittoraat alleq, tassani taaguut kittoraat sungiusimaneqarluni atorneqareersoq atuinnarlugu. Ataatigut titarnermik taaguusinnginneranut patsisaavoq allatat ataatigut titarneqarnissaannik paatsoortitsisinnaannginnissaa. - Nukissiorfimmiit atorfiit taaguutaasa kalaallisuunngortinneri – ilaliussaq 2 takuuk.Atorfinnut taaguutit pineqartut katillugit 79-it kiisalu sumiissusersiornermut allagartat 36-it misissorneqarlutik, naqqissorneqarlutik ilaatigullu nutaanik taaguutinik Oqaasiliortunit siunnersuusiorfigineqarlutik suliarineqarput.Nassiussarineqartunit allannguutissatut aalajangiunneqartut ilaliussami takuneqarsinnaapput, ilaatigut oqaaseq ‘qullersaq’ pisortamik taarserneqarpoq, tamatumunngalu patsisaavoq taaguutinik atuinissamik suliaqarnermi sumi tamani atuuttussamik assigiissaariniarneq.Allannguut alla tassaavoq ‘sekretariat’, taanna allattoqarfimmik taaniarneqartartoq allatseqarfimmik taaguuteqarnissaa Oqaasiliortunit siornatigut aalajangiunneqareerpoq, tamatumunnga patsisaalluni ‘administration’ kalaallisut allattoqarfimmik taaguuserneqareersimammat.Taaguutitut nutaatut isigisariaqartoq tassaavoq assistent, siusinnerusukkut ikiortimik taagorneqartartoq. Oqaasiliortut ataatsimiinnerminni aalajangiiffigaat ima taagorneqalissasoq: sullissisoq, tassani erseqqissarniarlugu assistentit ikiortituinnaq pinnatik allanik aamma suliassarpassuaqartarmata.Nukissiorfiit qinnuigineqarpoq atorfiit taaguutaannut siunnersuutit atorfiit imarisaannut tulluunnersut qimerloorluaqqulaarlugit, taamaasilluta eqqortumik taaguusiisimaneq qulakkeerneqarsinnaanerussammat.
- Nappaat borderline 13.april 2010
Nappaat siornatigut assigiinngitsunik taagorneqartarpoq (eqqarsartaatsimikkut borderlinemik nappaat, misigissutsikkut killissanik aqutsisinnaanani innarluuteqarneq il.il.), ilaatigulli aamma kalaallisut immikkut taaguuteqartinnianngikkaluarlugu nassuiaataasumik ilaliinnarneqartarsimalluni. Oqaasiliortut isumaqarput ularussinermik innarluuteqarneq/nappaateqarneq taassumunnga nappaammut taaguutigitissallugu tulluartuusoq. - Operativ 15.april 2010
Taaguummi politiit pineqarmata oqaaseq periartaarsinnaasut Oqaasiliortunit atoqquneqarpoq, oqaatsip taassuma iluaneereermata suligasuartussaallutillu piareersimasussat, kiisalu sillimasuullutik nikeriataarsinnaasut. - Inuitter 15.april 2010
Qallunaap Philip Lauritzenip oqaaseq inutter atoqqaarmagu, danskillu oqaaseq oqaatsiminnut ikkunnialermassuk kalaallinit ippigineqaqqaarsimavoq Dansk Sprognævnimullu saaffiginnissutaalluni, taamaakkaluartorli qallunaat oqaatsimik atueriaasiattut akuerineqartoq Dansk Sprognævnimit aalajangiunneqarpoq; oqaasersiat allat assigalugit danskit oqaasiinut tulluartunngorsaannarlugu, soorluttaaq aamma uagut kalaallisut oqaatsitsinni oqaasersianik taamatut atuisartugut, ass.: danskeq = dansker, danskere = danskit il.il. Uani qujassutigineqaannassaaq taaguut eskimo, 1977-imi ICC-p atorunnaarsitaa, danskinit atorneqarunnaarluni Inuit, -ten, -ter atorneqartalermat. - Opret brugerkonto 20.april 2010
Brugerkonto ima taaguuserneqarpoq: atuisutut konto
Opret brugerkonto: atuisutut kontotaarit - Virtuelle kalaallisut 29.april 2010
Virtuellemut tunngatillugu kalaallisut piviusungatitaq atorneqalerpoq. - KNR-imit saaffiginnissutit 4.maj 2010
Demokrati – inuinnaat naalakkersueqataanerat
Ytringsfrihed – isummersinnaanermik pisinnaatitaaffik
Magtens tredeling – oqartussaaffiit pingasunut immikkoortiternerat
Kommerciel direktør – niuernermik ingerlatsinermi pisortaq
Meditation – toqqissilluni imminut naalaarneq - Allat
a) Oqaasiliortut qanoq piginnaaneqartitaappat aammalu saneqquppaa aamma paarlappaa, taakkualu assigiinngissutaat.Siullermik oqaatigineqassaaq Oqaasileriffiup nittartagaani Oqaasiliortut suliassaqarfii ersarissumik allaqqammata. Nittartakkatsinnullu tunngasumik siunnersuusiai (oqallittarfik aammalu apeqqutit akissutaanullu tunngasut) suleqatigiinnut ingerlateqqinneqarumaarput.Oqaatsit assigiinngitsunik isumallit paarlaguussorneqartalersimanerannut tunngasumik saaffiginnissutaa radiukkoorunneqarumaarpoq, kisiannili tamakkua kukkunerit paatsoornerilluunniit ullutsinni tusarnartaanngillat, nassuiaassutigineqartarnerisigulli aatsaat aaqqiivigineqarsinnaasut.Saneqquppaa, isumaa tassa suna arlaat uninngasoq tungaanukariarluni uniffiginngivillugu saniatigoorluni ingerlaneq.Paarlappaa, assigiinngitsunik isumaqarpoq, uanili isumaa tassa sammivinniit assigiinngitsuniit illugiit (inuusinnaapput biliusinnaallutilluunniit) imminnut ilaatigut sianiginngisaminnik naapikkiartoriarlutik qaangiinnartut.Naapippaa, isumaa tassaavoq kina arlaat inuk takusaq uniffigaa.b) Atorfiit taaguutaanni naqinnerit angisuumik mikisumilluunniit aallartittassarnersut eqqartorneqarpoq aalajangiussinertaqanngitsumik. Tamatumunnga apeqqut misissorneqaqqaariarluni kingusinnerusukkut isummerfigineqaqqikkumaarpoq.
Inussiarnersumik inuulluaqqusilluta
Carl Chr. Olsen Katti Frederiksen
Siulittaasoq allatsi
Ilaliussaq 1
Oqaatsit 2009-mi akuerisat:
| Qallunaatut | Kalaallisut |
| advokat | advokati |
| amanuensis | ilinniagartuunngorniarfimmi ilinniartitsisoq |
| ammunition | patruuni |
| ånden i glasset | paakorneq |
| Antarktis | Sikuiuitsoq Kujalleq |
| Antarktiske Øer | Sikuiuitsoq Kujallermi Qeqertat |
| Arktis | Issittoq |
| Arktisk forskning | Issittumi ilisimatusarneq |
| Arktiske folk | Issittormiut |
| Arktiske Øer | Qeqertat Issittumiittut |
| lektor, associate professor | lektori |
| bestået med egen forskning | ilisimatusaatiminik naammassinnissimasoq |
| biathlon | timersuutinik marlunnik unammineq |
| boligpolitik | inissaqartitsineq pillugu politik |
| bombe | qaartartoq |
| det gyldne snit | tangertaq |
| determinanter | ilisarnaqutit |
| doctor philosophiae. Ph.D. magister artium | doctori |
| finansudvalg | aningaasaqarnermut ataatsimiititaq |
| fogedret | Akiliisitsisarnermut Eqqartuussivik |
| forretningsorden | suleriaaseq (-sissaq) |
| forretningsorden | suleriaaseq, suleriaasissaq |
| forsker | ilisimatusartoq |
| forskning | ilisimatusarneq |
| frankering | frimærkiliineq |
| funktionschef | atorfillit qullersaat |
| funktionsoverenskomst | atorfilittut suliaqarnermut isumaqatigiissut |
| Grønlands Nationalgalleri for Kunst | Nunatta Eqqumiitsulianik Saqqummersitsivia |
| håndholdt computer | qarasaasiaq tigummiartagaq |
| hovedkonto | konto pingaarneq |
| HR- konsulent | sulisoqarnermut siunnersorti |
| HR-afdeling | sulisoqarnermut immikkoortortaqarfik |
| i forskningsøjemed | ilisimatusaatigalugu |
| indfødte folk | nunat inuii |
| indianer | indianerit |
| institut | ilisimatusaatinik ingerlatsivik |
| Ishavet | Issittup Imaa |
| klassisk (langrend) | qangatoorneq (sisoraatinik ujakkaarluni) |
| klyngeammunition | amerlasuujusat qaartussiat |
| kommunikationsmedarbejder | attaveqatigiinnermi suleqataasoq |
| kopi | nuunnera |
| koralguide | koralit pillugit paasisassarsiorfiit |
| Kultur, fritid og forebyggelses forvaltning | Kultureqarnermut, sunngiffimmut pitsaaliuinermullu ingerlatsivik |
| kvartærzoolog | kvartærzoologi |
| langrend | sisoraatinik ujakkaarneq |
| link | innersuussissut |
| livsstilsværksted | inuunerissarfik |
| makroniveau | tunngaviusut |
| cand.mag./Master of Arts, en med kandidateksamen | ilinniagartooq |
| mesoniveau | aqqutaasut |
| mikroniveau | inummut tunngasut |
| mine | qaartussiaq |
| naturvidenskabelig faggruppe | pinngortitami ilisimasassat |
| Nordpolen | Qalasersuaq |
| oplevelsesindustri | misigisassianik nioqquteqarneq |
| oprindelige folk | nunat inoqqaavi |
| Park Ranger | [eriagisamik] nakkutilliisoq |
| Polarforskning | Issittut pillugit ilisimatusarneq |
| Polarlandene | Sikuiuitsoq Avannarleq Kujallerlu |
| politologi | politologii |
| professor | professori |
| prøveløsladelse | iperagallagaaneq, misiliummik iperagaaneq |
| rammeprogram | iliuusissatut sinaakkutissat |
| renæssance | renæssance |
| repræsentantskabet | sinniisuutitat |
| seksuel krænkelse | kinguaassiuutitigut innimiilliorneq, kanngutsaatsuliorneq |
| seksuel misbrug | kinguaassiuutitigut atornerluineq |
| seminarium, lærerskole | ilinniartitsisunngorniarfik (Ilinniarfissuaq) |
| sitemap | nittartakkamut ilisserut |
| skiskydning | sisorarluni ooqattaasarneq |
| skøjte | sukuutserneq |
| sociologi | inooqatigiit pissusiinik ilisimatusaatit |
| sorte (folk) | qernertormiut |
| subammunition | patruunip qaartussiartaa |
| Sydpolarlandene | Sikuiuitsoq Kujallermi Nunat |
| Sydpolen | Sikuiuitsoq Kujalleq |
| terapeutteam | suleqatigiit pillorissaasut |
| trivsels- og fraværssamtale | iluarisimaarinninneq sulinngitsuukulanerlu pillugit oqaloqateqarneq |
| UNESCO Site Manager | UNESCO sinnerlugu aqutsisoq |
| Ungdomsparlament | Inuusuttut Inatsisartui |
| universitet | ilisimatusarfik |
| USB-nøgle | USB |
| vejrudsigt | silap qanoq innissaanut ilimasaarut |
| version | qanoq saqqummiunneqarnera |
| vidensbank | ilisimasanik katersivik |
Kommuneqarfik Sermersuup ingerlatsiviini taaguutit kalaallisuut
Oqaasiliortunit 27/10 2008-mi akuerisat.
Pisortaaneq
Administrerende direktør
Pilersaarusiornermut allattoqarfik
Strategisk Udviklingssekretariat
Aningaasaqarnermut inuussutissarsiornermullu pisortaq
Økonomi og erhvervsdirektør
Aningaasaqarnermut allattoqarfik
Økonomisk sekretariat
Inuussutissarsiutinik inerisaavik
Erhvervsudvikling
Sulisoqarnermut immikkoortortaq
HR afdeling
Attaveqaqatigiinnermut pisortaq
Kommunikationsdirektør
Qarasaasiaqarfik
IT afdeling
Nutserisoqarfik
Tolkekontor
Attaveqaqatigiinnermut immikkoortortaq
Kommunikationsafdeling
Innuttaasunut sullissivik
Borgerservice
Ikiorsiinermut pisortaq
Velfærdsdirektør
Peqqinneq pitsaaliuinerlu
Sundhed og forebyggelse
Soraarnerussutisiat
Pensionsforhold
Innarluutilinnut sullissivik
Handicapafdeling
Suliffeqartitsineq
Arbejdsmarkedstilbud
Meeqqanut ilaqutariinnullu immikkoortortaq
Børn og Familier
Meeqqanut ilaqutariinnullu oqqiffik
Børne- og familiecenter
Tupaarnaq
Sanaartornermut pisortaq
Servicedirektør
Sanaartornermut avatangiisinullu immikkoortortaq
Teknik og miljø
Sullissinermut sanaartugassanullu immikkoortortaq
Drift og anlæg
Illuliortitsinermik inerisaaneq
By- og boligudvikling
Pinngortitamut piujuartitsinermullu immikkoortortaq
Natur og bæredygtighed
Inuttut inerisaanermut pisortaq
Udviklingsdirektør
Atuarfeqarnermut immikkoortortaq
Skoleafdeling
Meeqqerivinnut immikkoortortaq
Daginstitutionsafdeling
Piareersarfik
Kulturimut sunngiffimmullu immikkoortortaq
Kultur og fritid
Perorsaanikkut tarnikkullu atukkatigut siunnersuisarfik
Pædagogisk Psykologisk Rådgivning
Kalaallisut qallunaatullu taaguutit Oqaasiliortunit
Dansk Sprognævnimiillu aalajangiunneqartut/siunnersuutigineqartut
Oqaasiliortunit 12/08 2009-mit akuerisat.
Inatsisartut – Inatsisartut
Inatsisartut Siulittaasuat – Formand for Inatsisartut
Inatsisartunut Ilaasortaq/(-tat) – Medlemmer af Inatsisartut
Inatsisartut Ukiuat – Landstingsår
Inatsisartut Ataatsimiinnerat – Inatsisartutsamling
Inatsisartut Ataatsimiititaat – Inatsisartutudvalg
Inatsisartut Inatsisaat – Inatsisartut lov / Inatsisartut love
Inatsisartunut Qinersineq – Valg til Inatsisartut
Inatsisartut Ataatsimiittarfiat – Inatsisartutsal
Inatsisartut Ombudsmandiat – Inatsisartuts Ombudsmand
Inatsisartuni Suleqatigiissut – Inatsisartutgruppe
(oqaaseq ´suleqatigiit´ isumaqatigiillutik suleqatigiittunut tunngatinneqarluni, taavalu ´suleqatigiissut´ suleqatigiinnut isumaqatigiinngissuteqarsinnaasunut tunngatinneqarluni)
Inatsisartut Allattoqarfiat – Bureau for Inatsisartut
Inatsisartut Siulittaasoqarfiat – Inatsisartuts formandskab
Aningaasaqarnermut Ataatsimiititaq – Finansudvalg
Naalakkersuisut – Naalakkersuisut
Naalakkersuisut Siulittaasuat – Formand for Naalakkersuisut
Ilaliussaq 2
Nukissiorfimmi atorfiit taaguutaat
|
DANSKE BETEGNELSER |
KALAALLISUT TAAGUTIT |
|
Afdelingsleder |
Immikkoortortami aqutsisoq |
|
Afdelingsleder / Finans |
Immikkoortortami aqutsisoq / Aningaasaqarneq |
|
Anlægschef |
Sanaartortulerivimmi pisortaq |
|
Anlægscontroller |
Sanaartortulerivimmi nakkutilliisoq |
|
Budgetchef |
Missingersuussiornermi pisortaq |
|
Bygdeformand |
Nunaqarfimmi formandi |
|
Bygningskonsulent |
Illuutinut siunnersorti |
|
Chefcontroller / Projekter |
Nakkutilliisuuneq / Suliniutit |
|
Chefcontroller / Finans |
Nakkutilliisuuneq / Aningaasaqarneq |
|
Chefsekretær |
Allattaaneq |
|
Controller trainee |
Nakkutilliinermut ilinniartoq |
|
Databaseadministrator |
Qarasaasiami katersani aqutsisoq |
|
Debitorchef |
Akiliisitsisarnermi pisortaq |
|
Direktionsassistent |
Pisortanut sullissisoq / Direktionsassistenti |
|
Driftschef |
Ingerlatsinermut pisortaq |
|
Driftskonsulent |
Ingerlatsinermut siunnersorti |
|
Driftsleder |
Ingerlatsinermut aqutsisoq |
|
Driftsleder aspirant |
Ingerlatsinermut aqutsisunngorniaq |
|
Driftsoperatør |
Ingerlatsinermut ingerlatsisoq |
|
Elev |
Ilinniartoq |
|
Elektriker |
Innaallagisserisoq / Elektrikeri / Sarfalerisoq |
|
El-inspektør |
Innaallagissiornermut nakkutilliisoq |
|
ELmyndighedschef |
Innaallagissiornermut oqartussat pisortaat |
|
Elværksarbejder |
Innaallagissiorfimmi sulisoq |
|
ELværksformand |
Innaallagissiorfimmi formandi |
|
Elværksmester |
Innaallagissiorfimmi mesteri |
|
Elværks- og bygdemester |
Innaallagissiorfimmi nunaqarfimmilu mesteri |
|
Energidirektør |
Nukissiorfinni pisortaq |
|
Finanscontroller |
Aningaasaqarnermut nakkutilliisoq |
|
Formand |
Formandi |
|
Fuldmægtig |
Fuldmægtigi |
|
Handymand |
Handymandi |
|
HR Chef |
Sulisoqarnermut pisortaq |
|
HR Konsulent |
Sulisoqarnermut siunnersorti |
|
HR Specialkonsulent |
Sulisoqarnermut immikkut siunnersorti |
|
Informationschef |
Paasissutissiisarnermut pisortaq |
|
Informationsmedarbejder |
Paasissutissiisartoq |
|
Indkøbschef |
Pisiortornermut pisortaq |
|
Indkøbsleder |
Pisiortornermik aqutsisoq |
|
IT Chef |
Qarasaasialerinermut pisortaq |
|
IT Konsulent |
Qarasaasialerinermut siunnersorti |
|
IT Projektkoordinator |
Qarasaasianut pilersaarusiornermut ataqatigiissaarisoq |
|
IT Supporter |
Qarasaasialerinermut sullissisoq |
|
Kabelmester |
Kabelmesteri |
|
Kantineleder |
Nerisarfimmi aqutsisoq |
|
Kantinemedarbejder |
Nerisarfimmi sulisoq |
|
Kreditchef |
Akiligassaqarfinnut pisortaq |
|
Konsulent |
Siunnersorti |
|
Kontorassistent |
Allaffimmioq |
|
Kontorleder |
Allaffimmi aqutsisoq |
|
Koordinationschef |
Ataqatigiissaarivimmi pisortaq |
|
Linieformand |
Linieformandi |
|
Liniemester |
Liniemesteri |
|
Lønkonsulent |
Aningaasarsialerinermut siunnersorti |
|
Maskinmester |
Maskinmesteri |
|
Målermontør |
Målermontøri/Uuttuussutinik ikkussuisoq |
|
Netværksadministrator |
Attaveqarfinnik ataqatigiissaarisoq |
|
Overassistent |
Allaffimmiuuneq |
|
PHD studerende |
PHD-mut ilisimatusartoq |
|
Praktikant |
Suliffimmi sungiusartoq |
|
Produktions- og distributionschef |
Tunisassiornermut siammarterinermullu pisortaq |
|
Projektleder |
Suliniummik aqutsisoq |
|
Projektlederassistent |
Suliniummut sullissisoq |
|
Projektsekretær |
Suliniummut allatsi |
|
Receptionist |
Saaffiginnittarfimmi sulisoq |
|
Regnskabschef |
Naatsorsuuserinermut pisortaq |
|
Sektionsleder |
Immikkoortortami aqutsisoq |
|
Souschef |
Pisortap tullia |
|
Sprogunderviser |
Oqaatsinik ilinniartitsisoq |
|
Teamleder |
Suleqatigiinni aqutsisoq |
|
Teknisk assistent |
Teknikkikkut sullissisoq |
|
Teknisk tegner |
Teknikkikkut titartaasartoq |
|
Uddannelseskonsulent |
Ilinniartitaanermut siunnersorti |
|
Udviklingskonsulent |
Ineriartortitsinermut siunnersorti |
|
Vagthavende |
Sillimasoq |
|
Vandværksassistent |
Imeqarfimmi sullissisoq |
|
Vandværksformand |
Imeqarfimmi formandi |
|
Varmeværksformand |
Kiassaateqarfimmi formandi |
|
Økonomidirektør |
Aningaasaqarnermut pisortaq |
Nukissiorfimmi sumiissusersiuutit
|
DANSKE BETEGNELSER |
KALAALLISUT TAAGUUTIT |
|
Kundeservice |
Atuisunik sullissivik |
|
Reception |
Saaffiginnittarfik |
|
Regnskabsafdeling |
Naatsorsuuserivik |
|
Controllerafdeling |
Aningaasaqarnermut nakkutilliivik |
|
Sekretariat |
Allatseqarfik |
|
Koordination |
Ataqatigiissaarivik |
|
Mødelokale |
Ataatsimiittarfik |
|
Direktion |
Pisortaaneqarfik |
|
Produktions- og distributionsafdeling |
Tunisassiorfik Siammarterivillu |
|
Anlægsafdeling |
Sanaartugassat |
|
Informationsafdeling |
Paasissutissiivik |
|
HR-administration |
Sulisoqarnermut aqutsisoqarfik |
|
HR-afdeling |
Sulisoqarnermut immikkoortortaqarfik |
|
Uddannelsesafdeling |
Ilinniartitsivik |
|
Udviklingsafdeling |
Ineriartortitsivik |
|
Alternativ energi |
Nukissiuutit nutaat |
|
Kantine |
Nerisarfik |
|
IT-afdeling |
Qarasaasialerivik |
|
Lønadministration |
Aningaasarsialerivik |
|
Indkøbsafdeling |
Pisiortornermi immikkoortortaqarfik |
|
Tegnestue |
Titartaasarfik |
|
Budgetafdeling |
Missingersuussiorfik |
|
Erhvervsafdeling |
Suliffeqarfilerivik |
|
Kraft-Varme |
Nukik-Kiak |
|
Vandafdeling |
Imeqarfilerivik |
|
Eldistribution |
Innaallagissamik siammarterivik |
|
Målerværksted |
Uuttuissutilerivik |
|
Tegnestue og arkiv |
Titartaasarfik allagaataasivillu |
|
Personaleadministration |
Sulisoqarnermut aqutsisoqarfik (assinga: HR-administration) |
|
EVVA |
Akiliisitsiniartarnermi immikkoortortaqarfik |
|
Fakturering |
Akiligassiissutinik suliaqarfik |
|
Dokumentation og Statistik |
Naatsorsueqqissaartarfik |
|
Kopirum |
Nuutsivik |
|
Måleteknik |
Uuttuissutit |
|
Projektledelse |
Pilersaarusiortuuneqarfik |
|
Rengøring |
Eqqiaassutit |