Nunat Aqqinik Aalajangiisartut 2011 – 11

NAA.22.12.11

Nunat Aqqinik Aalajangiisartut Sisamanngorneq decembarip 22-anni 2011-mi Oqaasileriffimmi ataatsimiinnerat

Peqataasut.: Carl Christian Olsen, Stephen Heilmann, Abia Abelsen aamma Lotte Holm.
Peqataanngitsut: Tukummeq Qaavigaq.
Allatsi: Lisathe Møller Kruse.

Oqaluuserineqartut makkuupput:

  1. Tikilluaqqusineq
  2. Imaqarniliap akuerisassatut saqqummiunnera (novembarip 15-anni 2011-mi ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmiit saaffiginnissut
    • i. Høring, stednavn, efterforskningstilladelse 2012-24.phf (Narsap eqqaaniippoq)
    • ii. Høringsbrev vedr. ansøgning om efterforskningstilladelse 2012-25.pdf
  4. Tunumiorpaluutsit allattarnissaannik siunnersuusiornissaq
  5. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Novembarip 15-anni 2011-mi ataatsimiinnermit imaqarniliaq akuerineqarpoq.

3. pillugu

Aatsitassanut Ikummatissanullu Pisortaqarfimmiit saaffiginnissutit Nunat Aqqinik Aalajangiisartunit eqqartorneqareerlutik ima akuerisaasumik taaguuteqartussatut aalajangerneqarput:

  • i. Høring, stednavn, efterforskningstilladelse 2012-24.phf
    (Narsap eqqaaniippoq) Asalukasiit
  • ii. Høringsbrev vedr. ansøgning om efterforskningstilladelse 2012-25.pdf (Tunumi Tasiilap Illoqqortoormiullu akornanni Kangerlussuarmiippoq) Qialivarteerpik

4. pillugu

Tunumiorpaluutit allattarnissaat pillugit ima Nunat Aqqinik Aalajangiisartut oqariartuuteqarput:

– Tunumi nunat aqqisa suliarineqarnissaanni allattaatsip tunngavii aallaavigineqassapput. Tunngavigisat aporaatsinnagit allattaaseq suliarineqassaaq aalajangersaavigineqarlunilu, kiisalu aasaq nunat aqqi nalunaarsukkat tunngavigalugit misileraanermi atorneqassallutik. Taama Oqaasiliortunut siulittaasoq Carl Christian Olsen oqarpoq.

– Sumiorpaluutinut innarliinngitsumik allattaatsimullu naapertuuttumik aalajangersaavigineqarnissaat oqaatigineqarportaaq.

– Aasaq tunumi nunat aqqi nalunaarsukkat assersuutitut anisitat Oqaasiliortunut ingerlateqqinneqassapput, taakku aallaavigalugit suliatik ingerlanniassammatigik.

5. pillugu

Aasaq manna tunumi nunat aqqinik nalunaarsuiartornikoq Lotte Holm powerpointiliaminik ilaasortaaqatiminut saqqummiivoq.

Nunat Aqqinik Aalajangiisartut aalajangerpaat tunumi nunat aqqi suliarinerisa nalaanni qaammammut marloriarlutik ataatsimiittassallutik. Ataatsimiinnissallu sisamanngornikkut ullaap tungaani qulinut pisassasut aalajangerput.

—————————–

Carl Chr. Olsen Lisathe M. Kruse

Siulittaasoq Allatsi