Ujarlerit

Nunat Aqqinik Aalajangiisartut 2013 – 4

NAA.21.05.13

Nunat Aqqinik Aalajangiisartut

Marlunngornermi maajip 21-ani 2013 Ataatsimiinnerannit imaqarniliaq

 

Peqataasussat: Abia Abelsen, Stephen Heilmann, Lotte Holm Christensen, Tukummeq Qaavigaq, Carl Christian Olsen (peqquteqarluni kingusinaalaarluni takkuppoq).

Allatsi: Arnaq B. Johansen

 

  1. Tikilluaqqusineq
  2. Nakkaavik-up, Ilulissat eqqaaniittup sumiiffilerneqarnera.
  3. Blomsterdal, Naasut Qooruat Narsarsuarmiittup atianik misissuinermi paasisat.
  4. Aatsitassanut Ikummatissanullu Pisortaqarfiup saaffiginnissutaanik nunaminertanik Kangerlussuup avannaaniittunik taaguusiineq.
  5. Aatsitassanut Ikummatissanullu Pisortaqarfiup saaffiginnissutaanik nunaminertamik Qeqertarsuatsiaat kujammut kangianiittumik taaguusiineq.
  6. Aatsitassanut Ikummatissanullu Pisortaqarfiup saaffiginnissutaanik nunaminertamik Ittoqqortoormiit kitaaniittumik taaguusiineq.
  7. Taasariaqartut allat.

 

 

  1. TikilluaqqusineqSiulittaasuup tullia Abia Abelsen tikilluaqqusivoq, ilisimatitsissutigalugulu siulittaasoq peqquteqarluni kingusinaalaarluni takkutissasoq.
  2. Nakkaavik-up, Ilulissat eqqaaniittup sumiiffilerneqarnera.Nakkaaviup, qallunaatut Kællingekløften atillip, Ilulissat eqqaaniittup sumiiffissineqarnera akuerineqarpoq.
  3. Blomsterdal, Naasut Qooruat Narsarsuarmiittup atianik misissuinermi paasisat.Blomsterdal-ip, Narsarsuup eqqaaniittup, kalaallisut atia Naasut Qooruat akuerineqarpoq. Tassunga tunngatillugu attavigineqarpoq Rørdam Paviasen, Narsarsuup eqqaani savaatilik. Taassuma nassuiaatigaa, savaateqaleramik nuna piffitsik qanoq atsissallugu nalornisimanerarlutik, siunnersuutigineqarsimavorlu Naasut Qooruat, tassami qallunaatut Blomsterdal-mik nuna piffiat taaguuteqartinneqarsimammat.
  4. Aatsitassanut Ikummatissanullu Pisortaqarfiup saaffiginnissutaanik nunaminertanik Kangerlussuup avannaaniittunik taaguusiineq.Nunaminertat sisamat ataatsimut taaguuserneqarput Orioq.
  5. Aatsitassanut Ikummatissanullu Pisortaqarfiup saaffiginnissutaanik nunaminertamik Qeqertarsuatsiaat kujammut kangianiittumik taaguusiineq.Nunaminertat marluk ataatsimut taaguuserneqarput Qajartoriaq.
  6. Aatsitassanut Ikummatissanullu Pisortaqarfiup saaffiginnissutaanik nunaminertamik Ittoqqortoormiit kitaaniittumik taaguusiineq.Nunaminertaq taaguuserneqarpoq Ukaleq.
  7. Taasariaqartut allat.Aatsitassanut Ikummatissanullu Pisortaqarfimmit saaffiginnissutit sumiinneri aallaavigalugit, piffik imaluunniit piffiit kalaallisut ateqanngippata kalaallit atortuisa aqqi taaguutitut atorneqarsinnaasut. Taaguusigassat imminnut qanippata, assersuutigalugu illup pisataasa aqqi imaluunniit qaanap pisatai allulluunniit atorneqarsinaasut. Tassunga ilanngunneqarpoq piffimmi taaguusikkami sunik misissuisoqarnera aallaavigalugu aamma taaguusiisoqarsinnaasoq, assersuutigalugu Qialivarpiip SUA; suna misissorneqarnersoq apeqqutaatillugu.

 

 

Inuss. Inuull.

Carl Christian Olsen   Arnaq B. Johansen

NAA-ni siulittaasoq   NAA-ni allatsi