Ujarlerit

Nunat Aqqinik Aalajangiisartut 2013 – 7

NAA.20.12.13

Nunat Aqqinik Aalajangiisartut

tallimannngorneq decembarip 20-anni 2013-mi  Oqaasileriffimmi ataatsimiinnerat

 

Peqataasut.: Carl Christian Olsen, Tukummeq Qaavigaq, Abia Abelsen, Karl Møller aamma Stephen Heilmann.

Allatsi: Lisathe Møller Kruse

 

  1. Tikilluaqqusineq
  2. Imaqarniliap akuerinera (oktobarip 15-anni ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmiit suliakkiissutit
    1. Kort 2014_11.pdf (Qussuup eqqaa, Qingaallu ilaa)
    2. Høring: Anmodning om stednavn, 2014/07 ( Tunumi Hudson Landip Gauss Halvøllu nalaaniittoq)
    3. Høring: Anmodning om stednavn, 2014/08 (Kangerluuup Kong Oscarip kangerluata qinnguaniittoq, Lyell Landimi)
    4. Høring: Anmodning om stednavn, 2014/09 (Tunumi Daneborgip eqqannguani Clavering Ø-mi)
    5. Høring: Anmodning om stednavn, 2014/10 (Kangerluup Kejser Franz Josephip timaani Andrèe Landimi )
    6. Høring: Anmodning om stednavn (Tunup avannaata imartaaniittoq. Allat eqqaaniittut blokit atsereersimasut ima atserneqarsimapput Avinngaq, Amaroq, Umimmak, Nerleq)
  4. Kap Biot à Innaaqqinneq à Innaqqaaritseq (Jonas Napaattooq)
  5. Isukasia vs. Isua
  6. Upernaviup nunarfiisalu eqqaanni nunat aqqi nalunaarsukkat akuerinissaat
  7. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Oktobarip 15-anni 2013-mi ataatsimiinnermit imaqarniliaq akuerineqarpoq.

 

  1. pillugu –

Aatsitassanut Ikummatissanullu Pisortaqarfimmiit saaffiginnissutit Nunat Aqqinik Aalajangiisartunit eqqartorneqareerlutik ima akuerisaasumik taaguuteqartussatut aalajangerneqarput:

 

      1. Kort 2014_11.pdf (Qussuup eqqaa, Qingaallu ilaa) Narsaarsu
      2. Høring: Anmodning om stednavn, 2014/07 Qivaaqi
        (Tunumi Hudson Landip Gauss Halvøllu nalaaniittoq)
      3. Høring: Anmodning om stednavn, 2014/08 Kaporniagaq
        (Kangerluuup Kong Oscarip kangerluata qinnguaniittoq, Lyell Landimi)
      4. Høring: Anmodning om stednavn, 2014/09 Nakatagaq
        (Tunumi Daneborgip eqqannguani Clavering Ø-mi)
      5. Høring: Anmodning om stednavn, 2014/10 Oqersinnaq
        (Kangerluup Kejser Franz Josephip timaani Andrèe Landimi)
      6. Høring: Anmodning om stednavn             Qialivaq
        (Tunup avannaata imartaaniittoq. Allat eqqaaniittut blokit
        atsereersimasut ima atserneqarsimapput
        Avinngaq, Amaroq, Umimmak, Nerleq)

Nunat Aqqinik Aalajangiisartut Aatsitassanut Ikummatissanullu Pisortaqarfimmiit saaffiginnissutit qanoq periuseqarluni atserneqartarnissaat pillugit aalajangiipput. Nunat Aqqinik Aalajangiisartut

aalajangerpaat allorniusani aalajangersimasuni uumasut arlaat atsiuttarniarlunikkit. Ukunani allorniusani uumasunik ukuninnga atsiisarniarlutik aalajangiipput:

 

        • 76° – 79°: Imartaaniippat uumasut imarmiut arlaat
        • 76° – 79°: Nunataaniippat nersutit arlaat
        • 73° – 76°: Timmissat arlaat
        • 70° – 73°: Aalisakkat arlaat
  1. pillugu –

Ittoqqortoormeermiu Jonas Napaattooq Oqaasileriffimmut sianerluni Tunup avannaaniittoq kangeq Kap Biot kalaallisut ateqartoq nassuiaavoq, ateqarnerarlugu Innaqqaaritseq.

Nunat Aqqinik Aalajangiisartut aalajangerpaat kangeq pineqartoq pisortatigoortumik “Kap Biot”-imit ateqarunnaarluni “Innaqqaaritseq”-mik ateqalertoq.

 

  1. pillugu

Sermitsiamiit Oqaasileriffimmut saaffiginnittoqarpoq Saviminissamik piiaavissaq “Isukasia”-nik “Isua”-nilluunniit ateqarnersoq paasiniaallutik.

Nunat Aqqinik Aalajangiisartut misissuilluareernerminni paasisatik toqqammavissaqarluartut toqqammavigalugit paasivaat nunat aqqi Isukasia Isualu sumiiffinni assigiinngitsuni pisortatigoortumik tamarmik atiusut. Isukasia tassaalluni saviminissamik piiaavissap nunataa, Isualu tassaalluni Kilunngaatip kangianiittoq nunatamineq.

Inuttaasut paatsuungalinnginnissaat nunallu aqqinik eqqortumik atuinissaat siunertaralugu Nunat Aqqinik Aalajangiisartut tusagassiutinut nalunaaruteqarniarput nunat aqqi taakku marluk pillugit.

 

  1. pillugu

Upernaviup nunaqarfiisalu eqqaanni nunat aqqi nalunaarsukkat Nunat Aqqinik Aalajangiisartunit misissorneqarlutillu nunat aqqi akuerisassat akueriortortiterpaat. Suliaq suli naammassinngimmat Nunat Aqqinik Aalajangiisartut tulliani ataatsimiilerpata januaarip qulinganni nal. 9-12 nanginneqassapput.

 

Carl Chr. Olsen             Lisathe M. Kruse

Siulittaasoq                      Allatsi