Ujarlerit

Inuit Aqqinik Akuersisartut 2014 – 1

IAA – 070214

Inuit Aqqinik Akuersisartut 07/02-2014, nal. 12.00 Biskopip allaffiani ataatsimiinneranni imaqarniliat

 

Peqataasussat:             Sofie Petersen, Eva Møller Thomassen.

Atorfillit:                       Morten Nornild – biskopeqarfik,

Oqaasileriffik.                 Nuka Møller

Peqataanngitsut (pissuteqavillutik): Karl Møller aamma Katti Frederiksen

 

  1. Tikilluaqqusineq ilisimatitsissutillu

    1. Inuuneq.
      Naalakkersuisup suliamut akuliunneranut qisuariaatitut tusagassiutitigut nalunaarusiortoqarpoq (ilanngussaq takuuk).
  1. Kingullermik ataatsimiinnermit imaqarniliat akuerineqarneri
    Akuerineqarput.
  1. Atitut akuereqqullugit qinnutigisat:
    1. Naani (20/01) ♂ Akuerineqanngilaq. Taaguutaannartut atussagaat siunnersorneqassapput
    2. Titta (24/01) ♀Qallunaat nunaanni akuerisaneereerpoq.
    3. Tsutsu (28/01) ♂ Akuerineqanngilaq
    4. Merraq (03/02) ♂ Akuerineqanngilaq. Taaguutaannartut atussagaat siunnersorneqassapput
  1. Ilisimatitsissutit – Aqqit pillugit suliat ataatsimiinnerup avataatigut ingerlasut.
    1. Kingullermi 23/12 ataatsimiinnerup kingorna suliat (06/02 2014 killigalugu):

Saaffiginnittut:                           14

Akuerisat:                           1: Naalungiarsuk.
Akuereqqusat:                   7 (DK) Sveiva, Mack. Makkuliina, Thelu, Aida, Johana, Bombardine, Nöele.
Itigartitat:                           2 (DK) Bombarsine, Makkuliina
Isumaa:                               1: Bajare
Akuerisaava?:                    2. Aida, Mack, Tsutsu,
Allat (adm.):                      3. Inuuneq, Iluliaq, Umimmattoormiut aqqi.

Tusaatissatut tiguneqarput.

  1. Taasariaqartut allat

 

Inussiarnersumik inuulluaritsi

Nuka Møller
allatsi

 

 

Inuit Aqqinik Aalajangiisartunit tusagassiutitigut nalunaarut

Nuuk februaarip arfineq aappaat 2014

 

Naalakkersuisoq Nick Nielsen kalaallisut aqqit nutaat pillugit aalajangiisarnermi oqartussaassuseq pillugu apeqqummi toqqissisimajunnaartitsivoq

Inuit Aqqinik Akuersisartut suliaq oqaaseq ”inuuneq” pillugu atsiiniarnermut tunngassuteqartoq tamanut ammasumik oqaaseqarfigissallugu aalajangersimavoq, ippassaq Qanorooq aqqutigalugu Naalakkersuisup atitut akuereqqullugu qinnuteqaat itigartitsissutigineqareersimasoq pillugu akerliulluni saqqummerami.

Aqqit kalaallisuut kalaalerpaluttunngorsakkallu pillugit Oqaasiliortut Inuillu Aqqinik Akuersisartut immikkut aalajangiisinnaassuseqartutut toqqagaallutik naliliisartuupput. Akuersisartuunermut pisussaaffik suli Nunatta iluani inatsisitigut qulakkeerneqarsimanngilaq, tamanna pissutigalugu Qallunaat Nunaanni inatsit Nunatsinni atortussanngortitaasimasoq tunngavigalugu Inuit Aqqinut tunngasuni  oqartussassuseq ingerlanneqartarpoq. Tamanna Naalakkersuisup malersugassarigaluarpaa sulianut ataasiakkaanut akuliunnani.  Inuit Aqqinik Akuersisartut tassaapput akuereqqullugu qinnuteqartartunut, soorlu angajoqqaanut, aalajangikkaminnik pisortatigoortumik tunngavilersukkanik allaganngorlugit tusarliussisartut.  Tamanna tunngavigalugu Inuit Aqqinik Akuersisartut misigisimapput ataatsimiititaliap kiffaanngissuseqartumik aalajangiisinnaassuseqartup Naalakkersuisoq  qunutitsiniartutullusooq nipeqarluni  tamanut ammasumik avammut tusarliussimmat akerliullutik atsiornernik katersisimasunut tunniussinermi najuutinnginnerat pillugu ima oqarluni ”tassuunakkut suusupaginninnerusoq takkutinnginneq.”

Inuit Aqqinik Akuersisartut maluginiarpaat angajoqqaajusut Naalakkersuisorlu Inuit Aqqinik Aalajangiisartut paasisimalittut aalajangiiffigisartagaat, kingorna Oqaasiliortunit aammaarlugu marloriarluni suliareqqinneqarlunilu isummerfigineqareersimasoq ”qanganisarpaluttutut” pissusilersornerusoq. Inuit Aqqinik Akuersisartut qinnuteqartunut Nunatsinni kikkunnulluunniit pisortatigoortumik oqaatsitigut kulturikkullu isumaliortaaseq ataqqilluinnarlugu paasinniffigalugulu aalajangiisarput. Taamaattumik maluginiartariaqarpoq pissutsit tamakkiisumik qimerloorluareerlugit aatsaat paasinnissimasutut tunuliaqutaqarluni aalajangiisoqarsinnaasoq.

Inuit Aqqinik Akuersisartut aamma eqqarsarnartoqartutut eqqaarusuppaat Naalakkersuisup ataatsimiititaliap paasisimasalinnik ilaasortaqareersup aalajangersimasaa akerleralugu tamanut  avammut tusarliummagu, naak isummertussatut suliaqartunit allanit suli nangeqqinneqareersoq. Suliammi Ombudsmandimit isummerfigineqarnissaa suli naammassinngilaq, sulilu meeqqap pineqartup atserneqarnissaanut tunngasoq  aamma naammassisimanani. Taamaattoq paasivarput decembari qaammat ingerlasorli Naalakkersuisup naalakkersuisoqarfimmi atorfilittani ilagalugit angajoqqaajusut  qinnuteqaat tamanna pillugu ataatsimeeqatigereersimagai.

Inuit Aqqinik Akuersisartunit ajuusaarnartutut isigaarput Naalakkersuisup inatsisitigut inissisimaneq, kikkunnik qanorlu amerlatigisunik inuiaqatigiit iluanni nalunngisaqarneq naapertorlugu nalilersorfigalugulu aalajangerneqartalissasoq toqqaannanngikkaluamik taamatut iliuuseqarnermini tapersersulermagu. Inuit Aqqinik Akuersisartuniit isumaqarpugut malittarisassat atugassarititaasullu kikkunnut tamanut naligiissumik  atuuttariaqartut – aamma suliassanngortinneqarsimasut ingerlanerata nalaani, kinaagaluaraanniluunniit facebookimilu qanoq amerlatigisunik ikinnguteqartigineq apeqqutaatinnagu.

Siusinnerusukkut Inuit Aqqinik Akuersisartut   Oqaasiliortut/Oqaasileriffik peqatigalugu Naalakkersuisoq ataatsimeeqatigerusuttarsimagaluarpaat, mannali tikillugu suli tamanna piviusunngunngilaq. Inuit Aqqinik Akuersisartuniit neriuppugut Naalakkersuisoq piffissami aggersumi naapissinnaassallutigu ataatsimiititaliat paasisimasaqartunik ilaasortaatitaqartut naalakkersuisoqarfiullu akornanni inatsisit atuuttut – immikkoortortaqarfinni nakkutilliisuunissaq – pisortaqarfinnilu ingerlatseriaaseq pitsaasoq qanoq ittuunersut pillugit eqqartueqatigalugu.

 

Inuit Aqqinik Akuersisartut sinnerlugit

 

Sofie Petersen
Siulittaasoq