Ujarlerit

Nunat Aqqinik Aalajangiisartut 2014 – 5

NAA.04.04.14

Nunat Aqqinik Aalajangiisartut

tallimannngorneq apriilip sisamaanni 2014-mi  Oqaasileriffimmi ataatsimiinnerat

 

Peqataasut.: Carl Christian Olsen, Abia Abelsen aamma Stephen Heilmann.

Peqataanngitsut: Tukummeq Qaavigaq, angalanini pissutigalugu, Karl Møller pingaarutilimmik pisassaqalernini pissutigalugu.

Allatsi: Lisathe Møller Kruse, Arnaq B. Johansen

 

Oqaluuserisat makkuupput:

 

  1. Tikilluaqqusineq
  2. Imaqarniliap akuerinera (marsip 7-anni ataatsimiinnermit imaqarniliaq)
  3. Qeqertarsuup eqqaani puilasup aqqa
  4. Upernaviup nunaqarfiisalu eqqaani nunat aqqi nunat aqqinik ilisimasalinnut apeqqutigineqartussaaneri pissutigalugit akuerineqanngikkallarsimasut
  5. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Marsip arfineq aappaanni 2014-imi ataatsimiinnermit imaqarniliaq akuerineqarpoq.

 

  1. pillugu –

Qeqertarsuup eqqaani puilasoq imermik pilersuiffiusoq nunat aqqinik ilisimasalinnut ateqarnersoq paasiniarneqarpoq.

Nunat aqqinik ilisimalik Qeqertarsuarmiu Mathias Svendsen nassuiaavoq puilasortarpiavia ateqanngitsoq, nunataali “Eqqanaarfiup Tunua”-nik ateqartoq. Siusinnerusukkut aamma nunap aqqa tamatuma eqqaaniittoq Eqqanaarfik Nunat Aqqinik Aalajangiisartunit nalunaarsugaataanngitsoq kingullermik ataatsimiinnermi aalajangiivigineqanngikkallarpoq.

Ullumikkut nunat aqqi “Eqqanaarfik” aamma “Eqqanaarfiup Tunua” Nunat Aqqinik Aalajangiisartunit akuerineqarput, taamalu pisortatigoortumik atitut nalunaarsugaatigineqalerlutik.

 

  1. pillugu –

Upernaviup nunaqarfiisalu eqqaani nunat aqqi nunat aqqinik ilisimasalinnut apeqqutigineqartussaaneri pissutigalugit akuerineqanngikkallarsimasut Nunat Aqqinik Aalajangiisartunit eqqartorneqarput.

Nunat Aqqinik Aalajangiisartut eqqartoreerlugit uku pisortatigoortumik akuerivaat:

 

    • Seeqqivik (NÆS)
    • Qaamarujuk (NÆS)
    • Umisussuup Ikerasaa à Umiasussuk (HALVØ)
    • Umiasussuup Ikerasaa (SUND)
    • Qerrorsuit (UR)
    • Alanngorsuaq (SUND) à Alanngorsuaq (KYST)
    • Tupersussat (NÆS)
    • Tupersuannguit (NÆS)

 

Nunat aqqi nunat aqqinik ilisimasalinnut paasiniarneqarlutik apeqqutigineqaqattaaraluartut sulili akuerineqanngitsut misissoqqitassatut siunniunneqarput. Nunat aqqi misissoqqitassat ataaniipput:

 

    • Ikerasaatsoq
    • Taanialip Tupersuai
    • Namakasik
    • Fuglefjeld (BRATN)
    • Udsigtshøj (KNOLD)
  1. pillugu –

 

Carl Chr. Olsen             Lisathe M. Kruse

Siulittaasoq                               Allatsi