Ujarlerit

Nunat Aqqinik Aalajangiisartut 2014 – 6

NAA.19.06.14

Nunat Aqqinik Aalajangiisartut

sisamanngorneq juunip 19-anni 2014-mi  Oqaasileriffimmi ataatsimiinnerat

 

Peqataasut.: Carl Christian Olsen, Karl Møller aamma Stephen Heilmann.

Peqataanngitsut: Tukummeq Qaavigaq angalanini pissutigalugu, Abia Abelsen allamik pisassaqarnini pissutigalugu.

Allatsi: Lisathe Møller Kruse

 

Oqaluuserisat makkuupput:

 

  1. Tikilluaqqusineq
  2. Imaqarniliap akuerisassatut saqqummiunnera
  3. Aatsitassanut Ikummatissanullu Pisortaqarfimmit saaffiginnissut
    1. Høring 2014-45_Grønlands Stednavnenævn.pdf (Nanortallip avannaaniittoq)
  4. NunaGIS-imik suleqateqarneq
  5. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Apriilip sisamaanni 2014-imi ataatsimiinnermit imaqarniliaq akuerineqarpoq.

 

  1. pillugu –

Aatsitassanut Ikummatissanullu Pisortaqarfimmiit saaffiginnissut Nunat Aqqinik Aalajangiisartunit eqqartorneqareerluni ima akuerisaasumik taaguuteqartussatut aalajangerneqarpoq:

    1. Høring 2014-45_Grønlands Stednavnenævn.pdf Ippatit (Nanortallip avannaaniittoq)

 

  1. pillugu –

Nunat Aqqinik Aalajangiisartut NunaGIS-imik isumaginnittunik suleqateqarneq pitsanngorsarusuppaat, NAA-mi siulittaasup takusinnaagamiuk nunat aqqi allattaasitoqaq atorlugu ilai suli allataasut, naak nunat aqqinik nalunaarsukkat kingulliit NunaGIS-imik isumaginnittunut tunniunneqareeraluartut.

NunaGIS-imik isumaginnittut saaffigineqassapput NAA-t nalunaarsugai kingulliit akuerisat www.Nunagis.gl-imi nuisatinneqartassasut.

  1. pillugu –

Atuagassiami “Kalaaleq”-mi nunap aqqata “Kukkerfilik”-up oqaluttuassartaa eqqortoq Hans Danielsenimit nassuiarneqartoq nunat aqqinik nalunaarsugaatinut ilanngunneqarpoq.

Kangaamiut eqqaanni timaanilu nunat aqqi nalunaarsukkat pillugit Kangaamiut timaanni angalasartoq John Bilmann suleqatiserineqassaaq.

 

Carl Chr. Olsen             Lisathe M. Kruse

Siulittaasoq                               Allatsi