Ujarlerit

Nunat Aqqinik Aalajangiisartut 2015 – 1

NAA.05.01.15

Nunat Aqqinik Aalajangiisartut

ataasinngorneq januaarip tallimaanni 2015-imi Oqaasileriffimmi ataatsimiinnerat

 

Peqataasut.: Carl Christian Olsen, Karl Møller, aamma Tukummeq Qaavigaq.

Peqataanngitsut: Abia Abelsen pissarsiarinngitsooratsigu, aggersinnaanani nalunaarami.

Allatsi: Lisathe Møller Kruse

 

Oqaluuserisat makkuupput:

 

  1. Tikilluaqqusineq
  2. Imaqarniliap akuerisassatut saqqummiunnera (decembarip 3. + 8. ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmit saaffiginnissut
    1. Høring Grønlands Stednavnenævn vedr. 2015 ny efterforskningstilladelse.doc (Qeqertarsuatsiaat kujataani)
  4. Tunumi nunat aqqi akuerineqanngikkallartut pisortatigoortumik akuerinissaat
    1. Quppaat, Quppaad Nuuad
    2. Sammilik, Tsammili
  5. Taasariaqartut allat

 

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Decembarip pingajuanni 2014-imi ataatsimiinnermit imaqarniliaq akuerineqarpoq. Taamaattoq erseqqissarneqartariaqartoq eqqaavaat nunat aqqisa suussusiisa kalaallisuunngortinniarneranni qallunaatut taaguutit varde aamma vardesystemer erseqqissarlugit soorpiarnersut nassuiaasertariaqassasut.

 

  1. pillugu –

Aatsitassanut Ikummatissanullu Pisortaqarfimmiit saaffiginnissut Nunat Aqqinik Aalajangiisartunit eqqartorneqareerluni ima akuerisaasumik taaguuteqartussatut aalajangerneqarpoq:

 

  Høring Grønlands Stednavnenævn vedr. 2015 ny efterforskningstilladelse.doc        Toornat
(Qeqertarsuatsiaat kujataani)

 

  1. pillugu –

Tunumi nunat aqqi kingullermik akuerineqanngikkallartutut aalajangiunneqartut, nunallu aqqinik ilisimasalimmut paasiniagassat marluupput. Nunat aqqinik ilisimasalik Sermiligaarmiut utoqqartaasa ilaat Boas Nathanielsen paasiniaavigineqarnermini nassuiaavoq Sermiligaap avannaatungaaniittoq nuuttaq annertulaartoq qeqertaasatut isikkulik “Quppaat Nuuat”-nik taaneqartartoq “Quppaat”-lu nunap aqqisut tamatuma nalaani atorneqanngitsoq. Nunap aqqa alla Boas Nathanielsenimut apeqqutigineqartoq tassaavoq nunat aqqinik nalunaarsuinermi 1986-imeersumi “Sammilik”-mik ateqartutut nalunaarsorneqarsimasoq Kangersertivattiamiittoq Tasiilap Ittoqqortoormiillu akornnaniittumiittumi. 2011-mi tunumut nalunaarsuiartortoqarnerani naqqiissutigineqarpoq kangerluk taanna ateqartoq Tsammili. Nunat Aqqinik Aalajangiisartut qanoq isumaqartinneqarluni taamatut atserneqarsimanera nalornissutigalugu nunat aqqinik ilisimasalimmut paasiniagassanngortippaat. Boas Nathanielsenip kangerluk pineqartoq nassuiarpaa kujammut samminera pillugu taamatut ateqartinneqartoq. Nunat Aqqinik Aalajangiisartut nunap aqqata isumaa paasereeramikku kangerluk pineqartoq “Sammileq”-mik pisortatigoortumik ateqartussatut aalajangiuppaat.

 

  1. pillugu –

 

Carl Chr. Olsen             Lisathe M. Kruse

Siulittaasoq                                Allatsi