Oqaasiliortut ataatsimiinnerannit imaqarniliaq
| Sumiiffik: | Oqaasileriffik |
| Ulloq: | 05.04.2016 |
| Nalunaaqutaq: | 10:00 |
| Oqaasiliortut peqataasut: | Mariia Simonsen, Jens Danielsen, Bolatta M. Vahl aamma Juaaka Lyberth |
| Oqaasileriffimmiit peqataasoq: | Katti Frederiksen |
| Allatsi: | Minik Jeremiassen |
| Ataatsimiinnerup normua: | 3 |
- Oqaluuserisat
- Oqaluuserisassat akuerineqarnerat
- Ataatsimiinnerni kingullerni marlunni imaqarniliat akuerineqarnerat
- Oqaasiliortunut saaffiginnissutit
a. nationalstadion
b. Beaufort skalap isikkussaa aqqalu
c. GOIA-miit taaguutit
d. MIO-miit taaguutit (oqaluuserineqanngitsoorput) - Suliassanik pingaarnersiuineq (oqaluuserineqanngitsoorpoq)
- Taasariaqartut allat
Ataatsimeeqqinnissamut ulluliineq
Imaqarniliaq
1) Oqaluuserisassat akuerineqarnerat:
Oqaluuserisassat akuerineqarput.
2) Ataatsimiinnerni kingullerni marlunni imaqarniliat akuerineqarnerat:
Ataatsimiinnerni kingullerni marlunni januaarip 26-anni aamma februaarip 26-anni imaqarniliat akuerineqarput.
3) Oqaasiliortunut saaffiginnissutit:
a) nationalstadion:
Kingullermik ataatsimiinnermi isumaqatigiissutigineqarpoq ataatsimiinnermi uani ‘nationalstadion’ atertuunngitsoq taggisitulli taaguuserneqassasoq, aalajangiunneqarporlu ima taaguuserneqassasoq ’nunap unammersuartarfia’.
Oqaasiliortut erseqqissaatigaat namminneq Kalaallit Nunaanni nationalstadionissamik pilersitsisoqalerpat atsiisussaanatik, kisiannili pilersitsisoqassappat atsiinissamik ilitsersuisinnaallutik.
b) Beaufort skalap isikkussaa aqqalu:
Ataatsimiinnermi kingullermi taaguusiunneqartoq ‘Beaufortip uuttuutai najoqqutaralugit anorip natsimassusiisa taaguutaat’ takivallaarmat aqqa imaalillugu allanngorpaat: Beaufortip anorimut uuttuutaa.
Oqaasiliortunit ersarissaatigineqarpoq (m/sek) anori sekundimut meterinut uuttugaappat sukkassuseq pineqartoq sakkortussuseq pineqarani, taamaattumik skemami oqaaseq ‘sukkassuseq’ atorneqarpoq.
Beaufortip anorimut uuttuutaa imaatsillugu akuerineqarpoq:
Beaufortip anorimut uuttuutaa
Beaufort vindskala
Beaufort wind force scale
| Beaufortip anorimut uuttuutaa | kalaallisut | qallunaatut | tuluttut | sukkassusia (m/sek) |
| 0 | qatsunganeq | stille | calm | 0,0 – 0,2 |
| 1 | suialaannguaq | næsten stille | light air | 0,3 – 1,5 |
| 2 | anorsaannguaq | svag vind | light breeze | 1,6 – 3,3 |
| 3 | anorsaaq | let vind | gentle breeze | 3,4 – 5,4 |
| 4 | nakkisaaq | jævn vind | moderate breeze | 5,5 – 7,9 |
| 5 | suffarik | frisk vind | fresh breeze | 8,0 – 10,7 |
| 6 | anorsarik | hård vind | strong breeze | 10,8 – 13,8 |
| 7 | natsimaasarneq | stiv kuling | near gale | 13,9 – 17,1 |
| 8 | natsimaneq | hård kuling | gale | 17,2 – 20,7 |
| 9 | natsimaneq anorersuannguuttartoq | stormende kuling | strong gale | 20,8 – 24,4 |
| 10 | anorersuaq | storm | storm | 24,5 – 28,4 |
| 11 | anorersuarujussuaq | stærk storm | violent storm | 28,5 – 32,6 |
| 12 | ulussaarsuaq | orkan | hurricane | 32,6 sinnerlugu |
c) GOIA-miit taaguutit:
GOIA isumasiorneqassaaq uuliasiornermi taaguutit allattorsimaffianni GOIA GLossary Vol II-mi Oqaasiliortut allanngugaat qanoq igineqarnersut. Oqaasiliortullu nalornissutigisaat ‘sidelænsflyradar’ Nuummi Qatserisartunit taaguuteqartinneqarnersoq paasiniarneqaqqaassaaq.
Aaku Oqaasiliortut GOIA GLossary Vol II-mi allanngugaat:
| accelerator | akoq sukkatsisaat/ikummarissaat |
| flydespærrer (flydespærring) | assiaqut puttasoq |
| flydespærrer | assiaqut puttasoq |
| bekæmpelse | mingutsitsinermik akiuineq |
| bekæmpelsesfartøj | akiuiniarnermi angallat |
| inddæmning | siaruarnaveersaartitsineq / siaruatsaaliuineq |
| kulbrinter | ikummatissat kulbrintiusut – (uumassuseqarnikut ikummatissanngorsimasut) |
| olie der flyder – olieforurening | uulia immap qaani puttasoq – uuliaarluarneq |
| Organisation for Fjernelse af Olieudslip | Uuliaarluarnermik Piiaanermi Suleqatigiiffik |
| pletter | orsualikak, orsualikannerit |
| oliefilm | orsualikak saattuaraq |
| bane modellering/analyse | uuliaarluarnerup aqqutissaanik naatsorsueriaaseq |
| vandsøjle | immap itissutsini assigiinngitsuni pissusia |
| voks | voksi |
d) MIO-miit taaguutit:
MIO-miit taaguutit ullumikkut oqaluuserineqanngitsoorput tullianili oqaluuserisassanut ilanngunneqassapput.
4) Suliassanik pingaarnersiuineq:
Oqaasiliortut suliassaminnik pingaarnersiuinissartik ataatsimiinnermut tullermut kinguartippaat.
5) Taasariaqartut allat:
a) Ataatsimeeqqinnissamut ulluliineq:
Ataatsimiinneq tulleq pissaaq maajip qaammataata aallartinnerani.
Oqaasiliortut siulittaasuat Allatsi
Bolatta M. Vahl Minik Jeremiassen