Ujarlerit

Nunat Aqqinik Aalajangiisartut 2016 – 6

NAA.08.12.16

Nunat Aqqinik Aalajangiisartut

sisamanngorneq decembarip 8-anni 2016-imi Ilimmarfimmi ataatsimiinnerat

  

Peqataasut.: Kirstine Kreutzmann, Marianne Petersen, Bolatta Vahl, Jens Danielsen (oqarasuaatikkut malinnaavoq).

Peqataanngitsoq: Karl Elias Olsen (Danmarkimut nooqqammernini pissutigalugu)

Allatsi: Lisathe Møller Kruse

 

Oqaluuserisat makkuupput:

  1. Naalakkersuisoqarfimmit tusarniaassut Nunat Aqqinik Aalajangiisartut suleriaasissaannut tunngasup isummerfiginissaa
  2. Imaqarniliaq akuerisassatut saqqummiunnera
  3. Taasiariaqartut

 

  1. pillugu –

Naalakkersuisoqarfimmit tusarniaassut Nunat Aqqinik Aalajangiisartut suleriaasissaannut tunngasoq Nunat Aqqinik Aalajangiisartut oqallisigivaat.

Aajuku ataaniipput Nunat Aqqinik Aalajangiisartut Ilinniartitaanermut, Kultureqarnermut, Ilisimatusarnermut  Ilageeqarnermullu Naalakkersuisoqarfimmut Nunat Aqqinik Aalajangiisartut suleriaasissaannut (Forretningsorden for Grønlands Stednavnenævn) tunngatillugu allannguutissatut siunnersuutigalugit apuukkumasaat:

§ 2-mi allannguutissatut siunnersuut: Siulittaasumik qinersineq ilaareerpoq. Siunnersuutaavorli siulittaasup tullissaannik qinersinissaq aamma ilaatinneqassasoq.

§ 4-mi allannguutissatut siunnersuut: Ullormut oqaluuserisassanut aalajangersimasumik ilaasartussat pillugit Nunat Aqqinik Aalajangiisartut allannguutissatut siunnersuutaat aana naqinnermik ersarinnerusumik allanneqarsimavoq:

      1. Oqaluuserisassat akuerineqarnerat
      2. Kingullermik ataatsimiinermi imaqarniliap akuerineqarnera
      3. Siulittaasumit allattoqarfimmillu ilisimatitsissutit
      4. Ilaasortat siunnersuutaasa suliarineqarnerat oqaluuserineqarnerat
      5. Suliat aalajangiiffigisassat suliarineqarnerat
      6. Suliat allat pillugit ilisimatitsissutit

§ 5-imi allannguutissatut siunnersuut: Nunat Aqqinik Aalajangiisartut siunnersuutigivaat ilaasortaq ilaasortaajunnaarsimappat imaluunniit peqquteqartumik sivisuumik ataatsimeeqataasimanngippat sinniisoq ataatsimeeqataasinnaassasoq.

 

  1. pillugu –

Juunip 14-anni 2016-mi ataatsimiinnermit imaqarniliap akuerisassatut saqqummiunneqarnerani allannguutissatut siunnersuutigineqartoq immikkoortoq 3-mi ima allaqqasoq peerneqassasoq Nunat Aqqinik Aalajangiisartut aalajangerpaat:

Qallunaat Nunaannut nuuttussaanertik maani nunatsinni utoqqalinersialittut atukkatik peqqutigalugit nassuiaavoq. Taanna imaqarniliamit peertussatut siunnersuutigineqarmat peerneqarpoq.

 

  1. pillugu –

Nunat Aqqinik Aalajangiisartut aappaagu 2017-imi februaarip aallartinnerani ataatsimeeqqikkumaarnissartik aalajangiuppaat. Makkulu eqqartorumaarlugit aalajangiullugit:

 

    1. Ukkusissat imaluunniit Ukkusissaq?
    2. GPS-imi nunat aqqisa eqqortuusannginneri pillugu eqqartuineq
    3. Nunat Aqqinik Aalajangiisartut nunat aqqinik aalajangiisarnissami tunngavissanik sinaakkuteqalernissaat pillugu eqqartuineq.

 

Siulittaasoq Kirstine Olsen allatsertik peqatigalugu tusagassiutinut nalunaarusiussapput, Kalaallit Nunaat Kalaallit Nunaannik ateqaannarnissaa Nunat Aqqinik Aalajangiisartut siunnersuutaat pillugu avammut nalunaaruteqassallutik.

 

Kirstine Olsen               Karl Elias Olsen

Siulittaasoq                     Siulittaasup tullia

Marianne Petersen                     Jens Danielsen

NAA-mi ilaasortaq                      NAA-mi ilaasortaq

Bolatta Vahl

NAA-mi ilaasortaq