Ujarlerit

Nunat Aqqinik Aalajangiisartut 2017 – 4

NAA.12.10.17

Nunat Aqqinik Aalajangiisartut

sisamanngorneq oktobarip 12-anni 2017-imi Ilimmarfimmi ataatsimiinnerat

 

Peqataasut.: Kirstine Kreutzmann, Marianne Petersen, Niels Henrik Lynge.

Oqarasuaatikkut malinnaasoq: Jens Danielsen.

Peqataanngitsoq: Karl Elias Olsen

Allatsi: Lisathe Møller Kruse

 

Oqaluuserisat makkuupput:

  1. Ullormut oqaluuserisassat akuerineqarnerat
  2. Kingullermik ataatsimiinnermit imaqarniliap akuerineqarnera
  3. Siulittaasumit allattoqarfimmillu ilisimatitsissutit
  4. Aalajangiiffigisassat oqaluuserinerat
    1. Aningaasanut missingersuutit (budget) 2018-moortoq
    2. Jan Løvep tunumi Schweizerlandimiittut nunat aqqi pillugit saaffiginnissutai
  5. Suliat allat pillugit ilisimatitsissutit

 

  1. pillugu –

Oqaluuserisassat Nunat Aqqinik Aalajangiisartunit akuerineqarput.

  1. pillugu –

Aggustip 17-anni 2017-imi ataatsimiinnermit imaqarniliaq akuerineqarpoq.

  1. pillugu –

Allattoqarfimmeersumit Nunat Aqqinik Aalajangiisartut allattaannit LMK-mit GIS (Geographic Information System) pillugu ilisimatitsivoq. ArcGIS pogram Mapinfo programilu naatsumik suliamut tunngatillugit qanoq atorneqarneri pillugit oqaluttuarpoq.

Radiukkut aallakaatitassaq Aasap Nunaa Kangersunermi Nuup Kangerluata ilaani nunap aterpassuinik eqqartuinermik imaqartoq KNR-imut pissarsiariniarlugu paasiniaasoqassaaq. Alla aamma KNR radiukkut aallakaatitassiaq Nunat Aqqisa Oqaluttuassartaannik ateqartoq pissarsiariniarneqassaaq.

  1. pillugu –

Oqaasileriffimmi aningaasanut missingersuut 2018-moortoq pillugu Oqaasileriffiup ningiua Katti Frederiksen paasissutissiivoq. Nunat Aqqinik Aalajangiisartunut attuumassuteqartut Oqaasileriffiullu ukiumut aningaasanut missingersuutai annermik paasissutissiissutigivai. Nunat Aqqinik Aalajangiisartunut aningaasat atorneqartussat eqqaavai, tassaasut Nunat Aqqinik Aalajangiisartut ukiumut katillugit ataatsimiinnermusiassaat, taakku saniatigut ArcGIS programimut ukiumut aningaasartuutissaq paasissutissiissutigalugu.

Qallunaap Jan Løvemik atillip nunat aqqinik soqutigisaralugu misissuisartup tunumi Schweizerlandimiittut nunat aqqi saaffiginnissutai 27-t Swcheizerlandimiittut Nunat Aqqinik Aalajangiisartut eqqartorpaat. 2012-imi De Quervainip ilagisaasalu sermersuarmik ituiineranni atsersimasaat suli Nunat Aqqinik Aalajangiisartunit akuerineqarlutik atuuttussanngortinneqarsimanngitsut Jan Løvemit saaffiginnissutaapput. Nunat Aqqinik Aalajangiisartulli aalajangiiviginnerini paaseqqaarusuppaat sumiiffiit kalaallisut ateqarnersut paasiniaqqaarneqassasut. Siunnersuutigivaat Noa Maratse Tasiilami najugalik tamatumunnga paasiniaaffigineqassasoq. Tulliani ataatsimiinnissami isummerfigisassanngortinneqarput.

  1. pillugu –

Nunat Aqqinik Aalajangiisartut tulliani ataatsimiinnissartik ullormi novembarip aappaanni 2017-imi marlunuussasoq aalajangerpaat.

 

Kirstine Olsen               Karl Elias Olsen

Siulittaasoq                                Siulittaasup tullia

Mariane Petersen                       Jens Danielsen

NAA-mi ilaasortaq                    NAA-mi ilaasortaq

Niels Henrik Lynge

NAA-mi ilaasortaq