Titarnertaamut nuunnermi oqaatsinik avitsineq

Kalaallisut allannermi oqaatsinik avitsineq taanikkaarisarneq malillugu kittoraateeqqamik (-) atuinikkut pisarpoq.

Allannermi titarnertaamut nuunnermi kittoraateeraq atorlugu oqaatsinik avitsineq najoqqutassat ataani allassimasut tunngavigalugit pisarpoq:

  1. Taanikkaarineq malillugu titarnertaamut nuunnermi oqaatsit avinneqartarput. Titarnertaamut nuunnermi oqaatsit avinneqarnissaanik assersuutit pingasut takukkit:

    avitsineq_1

    Assersuut siulleq

     


    avitsineq_2

    Assersuutit appaat

     


    avitsineq_3

    Assersuutit pingajuat

  2. Ersiutit avinneqarnissaannut tunaartassat:
    • Ersiutit sivisuumik taanillit avinneqarneq ajorput, soorlu: anaana, ataata, aanaa, aataa.
    • Ersiutit sanileriit assigiinngitsut akornanni taanerit avinneqartarput, naanernili tamanna atuutinngilaq (ai). Assersuutit: ta-si-or-pai, i-li-ar-suk, ma-ni-o-rar-pai.

     

  3. Aappersarissat avinneqarnissaannut tunaartassat:
    • Aappersarissat akornanni taanerit avinneqartarput, soorlu: ar-laq, sak-ku, paf-fik, tip-pi, at-si-or-poq, a-neer-mat, ar-pal-luni, a-neer-lu-ni. Taamaattorli tulliuttut takukkit!
    • ‘ng’ nipitut ataatsitut isigineqartarmat akornanni avinneqarneq ajorpoq, soorlu: a-ngi-voq, ti-ngi-voq, a-nga-la-voq.
    • /nng/ ima avinneqassaaq: n-ng, soorlu: pin-ngor-poq, qan-ngor-poq, aan-ngar-poq.

 

Windowsini Microsoft Officemut oqaatsinik avitsissut kalaallisut oqaatsinik tunngaveqartoq uani aasinnaavat: https://tech.oqaasileriffik.gl/d/KukkuniiaatAddIn.zip

Windowsini Maciniluunniit LibreOfficemut OpenOfficemulluunniit avitsissut kukkuniiaammut atavoq, kukkuniiaat uani aasinnaavat: http://tech.oqaasileriffik.gl/d/Kukkuniiaat.oxt