Ujarlerit

Oqaasiliortut 2018 – 6

 

Oqaasiliortut ataatsimiinnerat 28.11.2018, nal. 10.00-16.00,

Ilimmarfimmi ini nr. 6-mi

Peqataasut

Oqaasiliortunit: Mariia Simonsen, Mette Larsen Lyberth aamma Knud Møller.

Oqaasileriffimmit: Lisathe Møller aamma Katti Frederiksen. Tikaajaat angalasimanerminik aamma paasissutissiivoq.

Peqataanngitsut

Oqaasiliortunit: Juaaka Lyberth.

 

  1. Oqaluuserisassat akuerineqarnerat

Ataatsimiinnermi oqaluuserisassat allannguuteqartinneqarlutik ima tulleriinnilersorlugillu allannguuteqartinneqarput

  1. Oqaluuserisassat akuerineqarnerat.
  2. Imaqarniliap akuerineqarnera (Ilanngussaq 1).
  3. Siulittaasumit Oqaasileriffimmillu ilisimatitsissutit.
    Inatsisartut aalajangigaannit ilisimatitsissut (Ilanngussaq 2A, 2B, 2C)
  4. Tikaajaap angalasimanera pillugu paasissutissiineq
  5. Aternik akuersineq
    Ataatsimiinnerup kingulliup kingorna akuerisat (Ilanngussaq 3)
  6. Aalajangiiffissat allat:
    Forretningsorden (Ilanngussaq 4)
  7. Ilaasortanit siunnersuutit
    1. Sulineq, sullinneqarneq, aqutsineq suleqatigiinnerlu (Mettep siunnersuutaa) (tulliani ataatsimiinnissamut kinguartinneqarpoq)
  8. Suliat allat pillugit ilisimatitsineq
    Strategi (Ilanngussaq 5) (tulliani ataatsimiinnissamut kinguartinneqarpoq)
  9. Ataatsimiinnissap tulliata ullulerneqarnera.
  10. (Aternik akuersisartullu nereqatigiinnissaq)
  1. Imaqarniliap akuerineqarnera

Tallimanngornermi 9/11-2018  imaqarniliaq akuersissutigineqarpoq.

  1. Siulittaasumit Oqaasileriffimmillu ilisimatitsissutit

Oqaasileriffimmit Oqaasiliortunut ilisimatitsissutit makkuupput:

  1. Oqaasileriffik Nuuk Centerimi quleriit sisamaannut nutsingajalerpoq. Netværkissaq kisimi utaqqisaavoq.
  2. Ilisimatusarfimmi nutserisunngorniat allamiut taaguutaat suli kalaallisut taaguuserneqanngitsut pillugit suliaqarsimapput. Kalaallisut taaguuteqanngitsut qanoq isumaqarnerinik misissueriaatsimik ilinniartinneqarsimapput, Oqaasiliortunullu taakku pillugit saqqummeerusullutik Oqaasileriffimmut saaffiginnipput. Sorpiaat saqqummiunniarneraat paasinarseriarpat Oqaasiliortut ataatsimiinnerisa nalaani imaluunniit Oqaasiliortut taaguusersuutit pillugit suleriaatsinik pikkorissartinneqarnerisa nalaanni saqqummiissanersut aalajangerneqassaaq.
  3. 2019-imut aningaasanut inatsisip pingajussaaneerneqarnerani Oqaasileriffik 1 mio. kr.-nik ilanngaaffigineqarpoq. Oqaasiliortut oqallisereerlutik isumaqatigiipput tamanna isornartorsiorlugu Naalakkersuisunut ammasunik allagaqarniarlutik.
  4. Ordbogip Oqaasersiuutit elektroniskertaa (DAKA) pillugu Ilinniartitaanermut Aqutsisoqarfik ataatsimeeqatigineqarsimavoq. Ilinniusiorfiusimasup ordbogi pillugu qanoq suleqatigineqarsinnaanera paasinarsippat ordbogip qanoq nutarterneqartarnissaa aalajangiiffigineqassaaq.
  5. Oqaasiliortut taaguutinik suliaqarnerata misissuiffigineqarnissaanik inatsisilerinermilu taaguusersuinerup salliutinneqarnissaanik Inatsisartut aalajangiinerat Oqaasiliortunit oqaluuserineqangaatsiarpoq.                                            Inatsisartuni ilaasortat tamarmiullutik aalajangiiffigisassatut siunnersuutit ataaniittut akueraat:

Siumut gruppiata Inatsisartuni aalajangiiffigisassatut siunnersuutigisaa akuersissutigineqartoq:

Inuit Ataqatigiit gruppiata Inatsisartuni aalajangiiffigisassatut siunnersuutigisaa  akuersissutigineqartoq:

Kultureqarnermut ataatsimiititaliap isumaliutissiissutaani erseqqissumik allassimavoq Oqaasileriffik 2019-imi 900.000 kr.-nik qaavatigut aningaasaliiffigineqassasoq tusagassiorfinnik siunnersuinerup nukittorsarnissaanut  allannermilu           najoqqatassamik ordbogiliornissamut (retskrivningsordbog) atugassanik. Taamaakkaluartoq aningaasanut inatsimmi Oqaasileriffik 1 mio. kr.nik sipaarniarfigineqassasoq Inatsisartut aalajangerput. Oqaasiliortut isumaqarput                                 taaguusersuutinik inerisaasoqarnissaanik kulturimut ataatsimiititaliami salliutitseqqusinerata akerlerluinnaanik Inatsisartuni aalajangiisoqartoq. Oqaaseqaatissamut siulittaasoq siunnersuusiussasoq isumaqatigiissutigineqarpoq.

Oqaasiliortut taaguutinik akuersissuteqartarnermut tunngatillugu sulinerat 2019-imi nalilersuiffigeqqullugu Naalakkersuisut peqquneqarnissaannik Inatsisartut aalajangiipput, nalilersuinissarlu 2019-imi ukiakkut ataatsimiinneq                         tikitsinnagu inaarsarneqassalluni. Taanna aamma kalaallisut taaguusersuinerup ineriartortinneqarnissaannik suliat annertusarnissaannut innersuussutinik imaqartinneqassaaq. Misissuilluni nalilersuinissaq pillugu Naalakkersuisut                     paasiniaaffigineqassasut Oqaasiliortut isumaqatigiipput, Oqaasiliortut Oqaasileriffillu malinnaatinneqarnissaat pingaaruteqarmat.

Inatsisilerinermut tunngasunik kalaallisut taaguusersuineq salliutinneqassasoq Inatsisartut akuersissutigaat, Naalakkersuisullu Oqaasiliortunik oqaloqateqarnermik kingorna inatsisilerinermi taaguusersuutinik suliaqarnissamut                           pilersaarummik piffissalikkamik saqqummiussinissaannik Naalakkersuisut peqquneqarput. Oqaasiliortut isumaqarput inatsit naapertorlugu taaguusersuutinik suliaqarlutillu akuersisartussatut pisussaaffiligaanertik qulaatiinnarlugu                   Inatsisartut aalajangiisut.

Tamakku pillugit Oqaasiliortut Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamut sassarsinnaatitaanersut paasiniarneqassaaq.

  1. Oqaasileriffimmi atorfilik Tikaajaat Kristensen Danmarkimut Islandimullu angalasimanerminik ilisimatitsivoq. Dansk Sprognævnimi oqaasersiat pillugit saqqummiinerit oqaluttuarai, kiisalu Islandimi tusagassiortunik siunnersortit suliaannik paasisani oqaluttuaralugit.
  2. Aternik akuersineq

Ataatsimiinnerup kingulliup kingorna akuerisat Oqaasileriffimmi suliarineqarsimasut ilisimatitsissutigineqarput. Siunissami ataatsimiinnerit akorngisigut aqqit akuersissutigineqarsimasut, itigartitsissutigineqarsimasut                                           saaffiginnissutaasimasullu allaganngorlugit ilisimatitsissutigineqartassapput.

  1. Ateq akuersissutigeqqullugu qinnutigineqartoq

Ateq Katinnguaq siornatigut akuersissutaareersimasoq nalunaarsukkanili ilaanngitsoq atertut akuersissutigineqarpoq.

  1. Aalajangiiffigisassat allat
    1. Oqaasiliortut suleriaasissaat

Oqaasiliortut suleriaasissaanni allannguutit akuersissutigineqarput.

  1. Ilaasortanit siunnersuutit
    1. Mette Larsen Lyberthip eqqartugassatut siunnersuutaa Oqaasiliortut sulinerannut, sullinneqarnerannut, aqunneqarnerannut suleqatigiinnermullu tunngasoq tulliani ataatsimiinnissamut kinguartinneqarpoq.
  2. Suliat allat pillugit ilisimatitsineq
    Periusissiornermik piareersaataasumik suliaqarnerup killiffianik ilisimatitsinissaq tulliani ataatsimiinnissamut kinguartinneqarpoq. Periusissiamik piareersaasut decembarip 14-anni nal. 9-10.30 ataatsimeeqqissapput.
  1. Ataatsimiinnissap tulliata ullulerneqarnera

Januaarip 16-anni 2019-imi nal. 10-16. 

  1. Tamalaat

Nunat Aqqinik Aalajangiisartut peqatigalugit sisamanngornermi 6/12 nal. 18.30 Sarfalimmi nereqatigiittoqassaaq.

 

Mariia Simonsen                                 Mette Larsen Lyberth

Siulittaasoq                                         Siulittaasup tullia

 

 

Knud Møller                                        Juaaka Lyberth

Ilaasortaq                                           Ilaasortaq