Nina-mik ateqarpunga.
Jakarta,
Indonesiaminngaanerpunga.
49-nik ukioqarpunga .
November
29-ani 2000-imi Aasiaannut tikippunga.
Kalaallit oqaasii
tusaaqqaarakkit qanoq eqqarsarnerlunga iluamik eqqaamanngilara
iluamik, kisianni eqqaamavara pappiliamik ataatsimik tunisikkama
tassani allaqqavoq kisitsisit ataaseq, marluk, qulit tuungaanut taava
suliffinni ingerlaannaq nammineq ilikkarpakka, soorlu uanitsut,
taratsut allallu.
Kalaallit oqaasii ilinnialerpakka
Kalaallit Nunaanni najugaqalerama (taamanikkut Aasianni).
Ilinniarninni toqqissisimaneq aamma akuerineqarneq pingaaruteqarput.
Aamma pingaaruteqarpoq ullut tamaasa kalaallisut
oqalunniarsarisarluni tunuarsimaarani.
Una
aamma oqartariaaseq nalunngilara ”When
you are in Rome do as Romans”.
Taamaattumik Aasiannut pigama tunngavissaqanngilanga
ilinniannginnissamut.
Kalaallit oqaasii ilinniarlugit
aporfiginikuuara tuluttut nassuiaasussaqannginnama, nammineerlunga
suut tamaasa ilinniartariaqarakkit. Ataatsikkullu oqaatsit marluk
ataatsikkut ilinniarlugit.
Kalaallit oqaasii
ilinniarlugit toqqissisimaneq aamma
akuerineqarneq pingaaruteqarput.
Soorlu
ataasiarlunga naapitsivunga arnamik, kingorna tassaalersoq “Kalaallit
Nunaani anaanaga” Aasianniittoq. Ilaqutaasa aamma ilaquttatut
isigilerpaannga.
Assersuut alla: inuit ilisarisimasakka
Aasianniittut imaluunniit inuit oqaluttunga tusaagaangaminnga
oqartarput Aasiammiuusunga imaluunniit Aasiammiutut oqaluttunga.
Kalaallit oqaasiinik ilinniarnermi pingaaruteqarpoq ullut
tamaasa atornissaat, tunuarsimaarani aamma kukkusoornissaq
soqutiginagu.