Ujarlerit

Oqaasiliortut 2019 – 2

Oqaa-4.4.19-imaqarniliaq

Oqaasiliortut ataatsimiinnerat 04.04.2019 nal. 10.00-12.00

 

Peqataasut:

Oqaasiliortunit: Mariia Simonsen, Juaaka Lyberth aamma Knud Møller.

Oqaasileriffimmit: Lisathe Møller, Katti Frederiksen.

 

  1. Oqaluuserisassat akuerineqarput.
  2. Imaqarniliap akuersissutigineqarnera. 7/2- 2019 ataatsimiinnermit imaqarniliaq akuerineqarpoq.
  3. Siulittaasumit Oqaasileriffimmillu ilisimatitsissutit.

Ilisimatitsissutit allaganngorlugit ilanngunneqarput.

  1. Ilaasortanit siunnersuutit.

Soqanngilaq.

  1. Aternik akuersineq.

Aqqit allattaatsimut malittarisassat malillugit allanneqartussaammata ateq ima allallugu akuersissutigineqarpoq: Tuka.

Knud Møllerip kissaatigaa Tunumiut aqqini naqinnerup d-p atorsinnaalernera aternut allanut atortinneqalissasoq. Knud Møller kaammattorneqarpoq oqaluuserisassamik saqqummiusseqqullugu.

Aqqit allattaatsimut malittarisassat naapertorlugit allanneqartussaammata ateq ima allallugu akuersissutigineqarpoq: Apa.

  1. Ataatsimiinnerup siulianiit 7/2-2019-mit 4/4-2019-ip tungaanut inuit aqqi e-mailikkut akuersissutigineqartut:
  • Ajaanngua 28/3-2019
  • Atataq 28/3-2019
  • Miilooraq 28/3-2019
  • Jooruaraq 27/3-2019
  • Nuunoq 27/3-2019
  • Niiu 20/3-2019
  • Nukaaneq 18/3-2019
  • Fikka 18/3-2019.
  • Jaakorujuk 14/3-2019.
  1. Aalajangiiffissat allat.
    1. Blåfinnet tunip kalaallisut taaguusernissaa. Piffissami sivitsortumi misissuilluareerlutik blåfinnet tunip taaguutissaatut Oqaasiliortut una aalajangiuppaat: Tungujuaartorsuaq.
    2. Bæredygtighedimut

Taaguutip bæredygtighedip assigiinngitsunik marlunnik taaguuteqartinneqarnera pillugu Oqaasileriffik arlalinnit saaffigineqartarpoq, piujuartitsineq aamma nungusaataanngitsumik arlaat aalajangiunneqaqqullugu. Paasissutissat bæredygtighedimut tunngasut katersorneqarlutillu misissorneqareerpata aatsaat Oqaasiliortut aalajangiiniarput.

  1. Suliat allat pillugit ilisimatitsineq.

Soqanngilaq.

  1. Ataatsimiinnissap tulliata ullulerneqarnera.

Oqaasiliortut tulliani ataatsimiinnissaat ullulerneqanngikkallarpoq, nukingernartumik pisoqariataanngippat ilaasortat tamakkerpata ataatsimiinnissaq piumaarmat.

Soqanngilaq.

 

Ataatsimiinnermi peqataasut:

 

_____________________________                   ______________________________

Mariia Simonsen                                                           Juaaka Lyberth

siulittaasoq                                                                   ilaasortaq

 

_____________________________

Knud Møller

ilaasortaq