Ujarlerit

Oqaasiliortut 2021 – 1

OQAA – 07.01.21

Oqaasiliortut 7/01-2021 ataatsimiinnerannit imaqarniliaq

 

Peqataasut:

Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Camilla Kleemann-Andersen
Oqaasileriffimmit: Lisathe Møller (allatsi) & Beatrine Heilmann (pisortaagallartoq)

 

Oqaluuserisassat:

  1. Oqaluuserisassat akuerineqarnerat.
  2. Kingullermik ataatsimiinnermit imaqarniliap akuerineqarnera.
  3. Siulittaasumit Oqaasileriffimmillu ilisimatitsissutit.
    1. Oqaasileriffimmit ilisimatitsissutit
  4. Suliat allat pillugit ilisimatitsineq
    1. Inuit aqqi pillugit saaffiginnissutit
  5. Suliat allat:
    1. Oqaatsitsinnik nutaamik misissuititsinissaq pillugu Inatsisartunut ilaasortap IA-meersup oqallisissiaata naliliiviginera
    2. Oqaasiliortut periusissiami (strategimi) taaguusersuutinik pingaarnersiuinissaat
    3. Taaguusersuutilerinermi Oqaasiliortut najoqqutassaat
  6. Kalaallisut taaguusigassat:
    1. Isikkamik arsaannermi taaguusersuutit akuerineqarnissaat
  7. Ataatsimiinnissap tulliata ullulerneqarnera.
  8. Tamalaat

Imaqarniliaq

1. Oqaluuserisassat akuerineqarnerat
Oqaluuserisassat allannguuteqartilaarlugit akuerineqarput.
Immikkoortoq 5. d  saqqummiisussap sulinngiffeqarnera pissutigalugu ataatsimiinnissamut tullermut nuunneqarpoq.

2. Kingullermik ataatsimiinnermit imaqarniliap akuerineqarnera.
10/12-2021 ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit tusaatissatut tiguneqarput.

4. Suliat allat pillugit ilisimatitsineq
a. Inuit aqqi pillugit saaffiginnissutit tusaatissatut tiguneqarput.
Ataatsimiinnerup kingulliup kingorna (10/12-2020) ateq Oqaasiliortunit akuersissutigineqartoq:

  • Nukappiaqqat aqqat Nuunukkuluk Nuunukkuluk Oqaasiliortuni ilaasortat tamarmiullutik akuersissutigaat.

5. Suliat allat:
a. Oqaatsitsinnik nutaamik misissuititsinissaq pillugu Inatsisartunut ilaasortap IA-meersup oqallisissiaata naliliiviginera
Inatsisartunut ilaasortap oqallisissiaanut akissuteqaasiortoqassasoq aalajangiunneqarpoq. Oqaasiliortut siulittaasuat Oqaasileriffimmilu pisortaagallartoq januaarip 18-ianni naammasseriigassaminnik oqallisissiamut akissutissatut siunnersuusiussapput, kingorna e-mailikkut Oqaasiliortunut akuerisassanngorlugu ingerlateqqinneqartussamik.  Akissutissatut siunnersuut januaarip 22-anni 2021-mi e-mailikkut akuersissutigineqareersimassaaq.
b. Oqaasiliortut periusissiami (strategimi) taaguusersuutinik (terminologi) pingaarnersiuinissaat
Oqaasiliortut periusissiornerminnut (strategiliornerminnut) atatillugu ukiuni sisamani tulliuttuni taaguusersuutinik (terminologi) suliaqarnissaminni suliassanik tulleriiaarinissartik isumaqatigiissutigaat.

Oqaasiliortut ukiuni tulliuttuni sisamani taaguusersuutinik (terminologi) suliaqarnissaminni anguniagassatut pilersaarutigisaat ataani takuneqarsinnaapput:
Ukiuni 2021-mi 2022-milu Oqaasiliortut taaguusersuutinik (terminologi) ingerlanneqartunik sulili naammassineqanngitsunik naammassinnissallutik pilersaaruteqarput, aammali ukiuni taakkunani taaguusersuutinik (terminologi) nutaatut suliarisassatut aallartitassaminnik  pilersaaruteqarlutik.

2021-mi taaguusersuutit (terminologi) naammassineqartussatut pilersaarutigineqartut:
2021-mi taaguusersuutit (terminologi) ingerlanneqartut naammassineqanngitsulli Oqaasiliortunit naammassineqartussatut pilersaarutigineqartut ukuupput:

Taaguusersuutit (terminologi) Suliarinnittut Taaguutit (termer) amerlassusii
Matematikkimi taaguusersuutit Oqaasileriffik miss. 700
Tusagassiornermi taaguusersuutit (journalistisk terminologi) Oqaasileriffik miss. 320
Pinngortitalerinermi taaguusersuutit (naturterminologi) Pinngortitaleriffik

(+ Oqaasileriffik suliap ilaani ikiuuppoq)

miss. 750
Inatsit tunngaviusumut tunngasut taaguusersuutit (terminologi om grundlov) Oqaasileriffik + Inatsisit Tunngaviusussat pillugit Isumalioqatigiissitat Allattoqarfiat miss. 600
Taaguutit (termer) katillugit miss. 2.370

 

2021-mi taaguusersuutit (terminologi) nutaatut aallartinneqarlutik suliarineqalertussatut pilersaarutigineqartut ukuupput:

Taaguusersuutit (terminologi) Taaguutit (termer)  amerlassusii
Aningaasaqarnermi taaguusersuutit (økonomisk terminologi) (2022-mi nanginneqassapput) miss. 500
Taaguutit (termer) katillugit miss. 500

 

2022-mi taaguusersuutit (terminologi) naammassineqartussatut pilersaarutigineqartut:

2022-mi taaguusersuutit (terminologi) ingerlanneqartut naammassineqanngitsulli Oqaasiliortunit naammassineqartussatut pilersaarutigineqartut ukuupput:

   
Taaguusersuutit Suliarinnittut Taaguutit (termer) amerlassusii
Kinguaassiuutitigut atornerluinermi taaguusersuutit (seksuelt misbrugsterminologi) Oqaasileriffik + Politeeqarfik miss. 220
Sarfamut sakkortuumut taaguutit (stærkstrømsterminologi) Lisathe Møllerip suliai 13
Taaguutit katillugit miss. 233

 

2022-mi taaguusersuutit (terminologi) nutaatut aallartinneqarlutik suliarineqalertussatut pilersaarutigineqartut ukuupput:

Taaguusersuutit (terminologi) Taaguutit (termer) amerlassusii
Aningaasaqarnermi taaguusersuutit (økonomisk terminologi) (2021-mi suliat nanginneqassapput) miss. 1.000
Allaffissornermi taaguusersuutit (administrationsterminologi) (2023-mi nanginneqassapput) miss. 500
Taaguutit katillugit miss. 1.500

 

2023-mi taaguusersuutit (terminologi) naammassineqartussatut pilersaarutigineqartut:

2023-mi taaguusersuutit (terminologi) nutaatut aallartinneqarlutik suliarineqalertussatut pilersaarutigineqartut ukuupput:

Taaguusersuutit (terminologi) Taaguutit (termer) amerlassusii
Allaffissornermi taaguusersuutit (administrationsterminologi) (2022-mi suliat nanginneqassapput) miss. 1.000
Isiginnaartitsinermi taaguusersuutit (teaterterminologi) miss. 200
Inatsisilerinermi taaguusersuutit (juridisk terminologi)

(2024-mi nanginneqassapput)

miss. 300
Taaguutit katillugit miss. 1.500

 

2024-mi taaguusersuutit (terminologi) naammassineqartussatut pilersaarutigineqartut:

2024-mi taaguusersuutit (terminologi) nutaatut aallartinneqarlutik suliarineqalertussatut pilersaarutigineqartut ukuupput:

Taaguusersuutit Taaguutit amerlassusii
Inatsisilerinermi taaguusersuutit (juridisk terminologi)

(2023-mi suliat nanginneqassapput)

miss. 1.200
Aatsitassarsiornermi taaguusersuutit (råstofterminologi) miss. 300
Taaguutit katillugit miss. 1.500

c. Taaguusersuutilerinermi (terminologiarbejde) Oqaasiliortut najoqqutassaat
Oqaasiliortut taaguusersuutinik (terminologi) suliaqarnerminni najoqqutassatut aalajangiussassaasa aaqqitassaqalaarnerat pissutigalugu ataatsimiinnissamut tullermut akuerisassanngorlugit suliarineqassasut aalajangiunneqarput.

6. Kalaallisut taaguusigassat:
a. Isikkamik-arsarnermi/arsaannermi taaguusersuutit akuerineqarnerat
Isikkamik-arsarnermi/arsaannermi taaguutit makku akuerineqarput:

fodboldfan  arsaattuleritooq, isikkamik-arsartuleritooq
fodboldfinale  arsaannermi ajugaaniutivinneq,

isikkamik-arsarnermi ajugaaniutivinneq

fodboldfolk arsaannermik soqutigisallit, isikkamik-arsarnermik soqutigisallit
fodboldforbund  arsaattartut kattuffiat, isikkamik-arsartartut kattuffiat
fodboldforstand  isikkamik-arsarnermik paasisimasaqarneq,

arsaannermik paasisimasaqarneq

fodboldglad  isikkamik-arsarnermik nuannarisaqarneq, arsaannermik nuannarisaqarneq
fodboldhold     isikkamik-arsartartoqatigiit, arsaattartoqatigiit
fodboldinvalid ajoqusernikkut arsaattartuusinnaajunnaartoq
fodboldkamp  arsaalluni unammineq, isikkamik-arsarluni unammineq
fodboldklub arsaattartut peqatigiiffiat, isikkamik-arsartartut peqatigiiffiat
fodboldkommentator isikkamik-arsartuni oqaluttuusoq, arsaattuni oqaluttuusoq

 

7. Ataatsimiinnissap tulliata ullulerneqarnera.
Sisamanngorneq 27/01-2021, nal. 13-16 ataatsimiiffiussaaq.

8. Tamalaat.

 

Ataatsimiinnermi peqataasut:

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Knud Møller, ilaasortaq

Camilla Kleemann-Andersen, ilaasortaq