OQAASILIORTUT ATAATSIMIINNERANNIT IMAQARNILIAQ
sisamanngorneq 14/10-2021, nal. 13-15.30, Oqaasileriffimmi
PEQATAASUT
Oqaasiliortut:
Mariia Simonsen (siulittaasoq), Karen Ramsøe (siulittaasup tullia), Abia Abelsen aamma Else Kleist
Oqaasileriffimmit:
Minik Jeremiassen (allatsi) aamma Tuperna Møller (taaguusersuuserisoq)
Ilinniartitaanermut Aqutsisoqarfimmit:
Evi Kreutzmann aamma Nauja Karlsen (piffissaq avillugu)
Peqataanngitsoq: Knud Møller
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (22/09-2021) imaqarniliap akuerineqarnera
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Suliat allat pillugit ilisimatitsineq
- Inuit aqqi pillugit saaffiginnissutit
- Kalaallisut taaguusigassat
- Matematikkimi taaguusersuutit
- Ataatsimiinnissap tulliata ullulerneqarnera
- Tamalaat
IMAQARNILIAQ
- Oqaluuserisassat akuerineqarnerat
Oqaluuserisassat akuerineqarput.
- Kingullermik ataatsimiinnermit (22/09-2021) imaqarniliap akuerineqarnera
Kingullermik ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit
Oqaasileriffimmit ilisimatitsissutigineqartut pingasuupput:
- Septembarip ulluisa 28-anni 2021 kultureqarnermut naalakkersuisoq Peter P. Olsen Oqaasileriffimmut pulaarpoq. Oqaasiliortut Oqaasileriffimmilu sulisut peqataapput suliaminnillu saqqummiussillutik. Naalakkersuisup pulaarnerani ilaatigut Oqaasiliortut Oqaasileriffiullu kissaataat saqqummiunneqarput.
- Oqaasileriffimmi siunnersortaaneq Per Langgård oktobarip 8-anni 2021 EFNIL-ip (European Federation of National Institutions for Language) ataatsimeersuartitsineranut Kroatiami Dubrovnikimi pisumut peqataavoq, Kalaallit Nunaannilu oqaaserpassualerineq pillugu oqalugiaateqarluni.
Ataatsimeersuarnerup kingornagut ilisimatitsivoq oqaaserpassualerinermik suleqatigineqarsinnaasunik iluaqutigineqarsinnaasunillu attaveqarfeqalersimalluni.
Tassunga tunngasumik nutaarsiassaqaqqissappat Oqaasiliortut tusagaqarusupput.
- Ilisimatusarfimmi oqaatsinik ilisimatusarfittaaq Sprogcenteri oktobarip 28-anni 2021 ammarnersiorneqassaaq. Oqaasileriffimmit sulisut pingasut Oqaasileriffik, oqaaserpassualerineq, allagaatinik katersuineq nunallu aqqinik suliaqarneq pillugit saqqummiussissapput.
Oqaasiliortunit peqataarusuttoqassappat nalunaarutigineqarnissaat Oqaasileriffimmit isumagineqarumaarpoq.
- Suliat allat pillugit ilisimatitsineq
- Inuit aqqi pillugit saaffiginnissutit
Septembarip 20-annit Oqaasiliortut ataatsimiinnissaannut inuit aqqi akuerineqartut sisamaasut, tamarmillu niviarsiaqqat aqqisut akuerineqartut, tassaapput: Sustu, Tersa, Istaali aamma Gundak.
Sustu søsterimit, Tersa Tirsamit Istaalilu Esterimit kalaalerpaluttunngorsagaapput. Kingulleq, Gundak, Gustavip naggatillu Gundelip ataatsimoortinneratigut atiliaavoq.
- Kalaallisut taaguusigassat
- Matematikkimi taaguusersuutit
Ataatsimiinnermi taaguutit akuerineqartut tassaapput:
| Kalaallisut taaguusigassaq | Isumaqataa | Kalaallisut taaguusiunneqartoq |
| cirkelafsnit | cirkelip immikkoortua; ammalortup immikkoortua | |
| cirkelbue | cirkelip qaarajunnera; ammalortup qaarajunnera | |
| cirkeldiagram | cirkeldiagrammi; diagrammi ammalortoq | |
| cirkelring | cirkelit iluleriit akornat; ammalortut iluleriit akornat | |
| cylinder | ulammarissoq | |
| cylinderflade | ulammarissup saneraa | |
| data | paasissutissat | |
| datasæt | paasissutissat ataatsimoortut; datat ataatsimoortut | |
| decimalbrøk | avitaq ilaannakortalik; avitaq decimalilik | |
| decimalform | ilaannakortalittut allataq; decimalitut allataq | |
| decimalsystem | titalssystem | qulikkaareriaaseq; decimalsystemi |
| decimaltal | kommatal | kisitsit ilaannakortalik; kisitsit decimalilik |
| delelig | agguarneqarsinnaasoq | |
| disjunktion | disjunktioni | |
| diskriminant | diskriminanti | |
| enhedscirkel | cirkeli uuttuut; ammalortoq uuttuut | |
| ensvinklet trekant | assigiinnik pingasunik teqeqqulik | |
| fart | sukkassuseq | |
| Fibonaccital | kisitsit Fibonaccip tulleriissitaliaaneersoq | |
| forholdsregning | naleqqiussilluni kisitsineq | |
| forholdstal | kisitsisit naleqqiutat | |
| fratrækning | subtraktion | ilanngaaneq |
| frekvensfordeling | frekvensit agguataarnerat; akulikissutsit agguataarnerat | |
| funktionsforskrift | funktioninut najoqqutassiaq | |
| fællesnævner | ataaniittortaq ataatsimoorussaq | |
| førstekoordinat | abscisseakse; 1. akse; x-akse; førsteakse | kanaartaq siulleq; abscisseakse |
| gennemsnit | agguaqatigiissinnerat | |
| grafisk afbildning | grafinngorlugu takussutissiaq | |
| grafisk ligningsløsning | assigiissitap titartaganngorlugu inernilernera | |
| grundfladeradius | nataavata radiusia | |
| grupperet fordeling | ataatsimoortunut agguataarineq | |
| halv | affaq | |
| halvdel | affaq |
Ataatsimiinnermi taaguusigassat ‘mængde’-mik aamma ‘vækst’-imik ilallit qaangiinnarneqarput misissorluarneqartariaqarmata.
Qaangiinnarneqartut saniatigut Oqaasiliortut ilisimasalinnut marlunnik apeqqutissaqarput:
- ‘fuldkomment tal’ ilinniusiani kisitsisivissuarmik (kisitsisivissuaq) taaneqartarneratut taaguuserneqassagaluarpa?
- ‘multiplikand’ aamma ‘gangestykke’ (multiplikationsstykke) kalaallisut assigiinngitsunik qanoq taaguuserneqarsinnaappat?
- Ataatsimiinnissap tulliata ullulerneqarnera
Oqaasiliortut ataatsimeeqqissapput pingasunngornermi novembarip 3-anni 2021 nal. 13-16 Oqaasileriffimmi.
- Tamalaat
Ataatsimiinnermi peqataasut:
Mariia Simonsen (siulittaasoq)
Karen Ramsøe (siulittaasup tullia)
Else Kleist (ilaasortaq)
Abia Abelsen (ilaasortaq)
Knud Møller (ilaasortaq)