Ateq ujaruk

 
Ujarlernermi immikkut tunngaviit







Atit ujakkamut naleqquttut

Atit naleqquttut nassaarisat 1:
A
  Ateq Qallunaatut Allattaasitoqaq
  Ateq Qallunaatut Allattaasitoqaq
A
Angula    Angula
 Oqaqqarniut (nilliut).
Isumaa: Angut kusanartoq, kajumernartoq. Iggoraarsuk.

Oqaluut 'angulavaa' isumaqarpoq "timmissap amiata maminga tamuallugu orsortaajarpaa". Aamma Akilinermi Nunatsinnilumi angulasoq tassaasarpoq amermik sumilluunniit qitulisaalluni tamuasoq. Oqaluttuatoqqani toornatut pissusillit inunnik ikiuisartut oqaaseq taanna aallaavigalugu arlalitsigut taaguuteqartinneqartarput. Kangaamiut eqqaanni Ukiivinnguarmiulersaarutip kingorna oqaluttuaqarpoq Appamiormiut pissusii pillugit. Unneraarsunngooq imertortittarlugu timmissallu amiinik angulaagassaanik tunisarlugu puisinik naammattorsuarnik utertitsivigitittarsimapput. Unneraarsunngooq taaguuteqartippaat ima: Angulaasseritooq.
Aamma Avanersuarmiut arnaq Anoritooq pillugu oqaluttuaataanni nannup illaava qitornaralugu allisarpaa piniartigalugulu, imalu atsersimavaat: Angulligaamaaq.

Akilinermi Qitermiuni Inuinnaqtun oqaluttut akornanni Angulalik atiullunilu kinguliaavoq. Uiguut -lik amerlasuutigut takussutissaasarpoq ateqartoq aarnuaqartoq toornaqartorluunniit.

Oqaluutip susallip 'angulavaa'p isummamigut pissuseqatigaa oqaluut igguppaa, tassagooq timmissap amia angulallugu orsua milluarpaa (mamarnera pissutigalugu, kingorna atornissaa ajortinnissaaluunniit pivallaarnagu). Oqaluutip 'igguppaa'p oqaatsip nalitsinni atorneqarluartup 'iggoraarsuk'-up nagguigaa (naalisarneqartartoq ima: iggu), nilliutaavoq ajuutigisamik iluunngarluniluunniit kusagisamik takusaqartunut. Naalisarnera iggu asasamut meeqqamulluunniit asannippaluttumik nilliutitut aamma atorneqartarpoq. Igguppaa oqaatsip iivaa-p eqikkarneraa. Angula taamatut aamma nilliutitut pissuseqarpoq, nagguiatalu taggimmut angut-mut qanittuunera- 1800-kkunnilu suna pikkunarineqarpat annertugineqarpalluunniit torlulaarut "angusuu!"-mut assingusuunera asuliinnaasimagunanngilaq.

Aterni ujarlerneq

 
Ujarlernermi immikkut tunngaviit







Inuit aqqinut tunngasut

Atissamik qinnuteqarniarpit?
Aqqit akuerisat ujarpigit?
Atuakkiaq: Kalaallit aqqi
Kalaallisut atsiiniarpit?
inuit_aqqi
Inuit Aqqinik Akuersisartunit imaqarniliat (2008-2014)
Oqaasiliortut_ikon nutaaq
Oqaasiliortunit imaqarniliat