Nittartakkami ujarlerit
Oqaasiliortut_ikon nutaaq
icon-place
icon-names
icon-tech

Oqaaserpassualerineq

Oqaaserpassualeriffik sunaana?

Oqaaserpassualeriffik Oqaasileriffiup ataani immikkut suliaqarfiuvoq.

Oqaaserpassualeriffiup suliassaatut pingaarneq tassaavoq qarasaasiaq atorlugu kalaallisut oqaasilerissutit tamanut atuuttut ineriartortissallugit piffissallu ingerlanerani qarasaasiakkut kalaallisut oqaatsinut ikiuutit assigiinngitsut tamakkiisumik pigineqalernissaat anguniassallugu, nutserutit ilanngullugit.

Kalaallisut oqaaserpassualerineq kalaallisut oqaatsinut malittarisassat tunngavigalugit ineriartortitsiffiuvoq oqaatsit sannaat allagaatinillu katersaatit passuteriaannaat amerlasoorpassuillu pigineqannginneri pissutigalugu.

Kalaallisut oqaaserpassualerineq malittarisassanik tunngaveqartoq Oqaasileriffimmi 2005-imi aallartinneqarpoq ineriartortitarlu siulleq saqqummersinneqartoq tassaavoq Kukkuniiaatip saqqummernera siulleq 2006-imeersoq.

Ukiut ingerlaneranni oqaaserpassualerinermik ineriartortitsinermit suliat naammassisat Oqaasileriffimmit saqqummersinneqartarput.

Oqaasileriffiup qarasaasiakkut atortorissaarutit ikiuutillu tamanit atorneqarsinnaasut massakkumut ineriartortissimasai saqqummersissimasaalu ataani misissuataarsinnaavatit.