Suliassat

Oqaasiliortut suliassaraat kalaallit oqaasiisa ineriartornerat malittarissallugu, tassunga ilanngullugu kalaallisut oqaatsit nutaat, oqariartaatsit oqaasersiallu katersussallugit nalunaarsussallugillu.

Ilanngullugu suliassaqarfinni taaguusersuutinik Oqaasiliortut akuersisartuupput, saniatigullu kalaallisut aternik siuliaqutinik akuersisartuullutik.

Oqaasiliortuttaaq kalaallisut allattaaseq pisortatigoortoq aalajangersartussaavaat ordbogimillu eqqortumik allannissamut malittarisassanik saqqummersitsissallutik.

Tamakku saniatigut Oqaasiliortut ilaatigut makkuninnga suliassaqarput:

• Oqaatsinik eqqussanik/taarsiullugu oqaasilianik kalaallisut atortussanngortitanik taaguusiussallutik
• Kalaallit oqaasii pillugit pisortat inuillu siunnersortassallugit, ilitsersorlugit qaammarsarlugillu

Oqaasiliortunut ilaasortat Naalakkersuisusunit toqqarneqartarput ukunannga innersuussutit tunngavigalugit:

• Ilisimatusarfik
• Nunatta Atuagaateqarfia
• Kalaallit Atuakkiortut Peqatigiiffiat
  
• Tusagassiuinermi Sulisut Peqatigiiffiat (TP)
  
• Sulinermik Inuussutissarsiuteqartut Kattuffiat (SIK) nutserisunik oqalutsinillu ilaasortalik

Ilaasortat (2026-2029)

• Tikaajaat Kristensen
• Kasper Skifte
• Mette Larsen Lyberth
• Jens Thorin
• Kikkik Olsen

Oqaasiliortunut ilaasortat Naalakkersuisunit toqqarneqartarput, ukiunilu sisamani atasarlutik.