Tørmælk-imiit

Torrutiinnarlugu nutsikkat inuiaqatigiinni oqaatsit marluk amerlanerilluunniit atorneqarnerisa kingunerisaasa ilagisarpaat, soorlu oqaasersiat oqaatsinillu nutaaliornerit aamma taamaattut.

Oqariartaatsit oqaatigineqartumit allaanerusumik isumallit torrutiinnarlugit nutsernerini atorneqartaleqqaarneranni paatsoorneqarsinnaasarput, ukiulli ingerlanerini sungiukkiartorneqarlutik atorneqaleraluttuinnartarlutik.

Torrutiinnarlugu nutsikkat sungiussimasavut siullermik ippigisarsimasavut ilaatigut makkuupput;

  • bussit tiguakka – jeg tager bussen, (bussit ilaaffigaakka),
  • suut tamarmik nipilersoqataapput ­– alting spiller med (sumininnguit tamarmik patsisaaqataapput),
  • inuuneq qernertuinnaannanilu qaqortuinnaanngilaq – livet er ikke kun sort og hvidt (inuuneq assigiinngitsorpassuarnik atugassaqarfiuvoq) il.il.

Torrutiinnarlugu nutsikkat nutaajunerusut ilaatigut makkuupput;

  • silaannaq salippaat … – de renser luften (pissutsinik ajortunik iluarsaassipput),
  • skuui atornikuuakka – jeg har selv været i hans sko (pissutsit atugai misiginikuuakka) il.il.

Misissuinerit tunngavigalugit paasinarpoq qallunaatuumiit torrutiinnarlugu kalaallisuunngortitat (assilisat) siullermik ippigineqariarlutik ukiut ingerlanerini akuerineqaleriartortartut, kiisalu inuusunnerusut siulliullutik akuersaartuusartut.

Nalunngiliuk...?