Oqaasileriffik

Aaqqissuussaanikkut inissisimaneq

Oqaasileriffik suliffeqarfiuvoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani oqaatsit pillugit allaffeqarfittut ingerlatsiviusoq.

Oqaasileriffimmi suliassat inatsisit kalaallit oqaasiinut tunngasut tunngavigalugit ingerlanneqarput.

Suliaqarfiit

Oqaasileriffiup suliassarai oqaatsit pillugit akuersisartut aalajangiisartullu Inatsisartunit Naalakkersuisunillu pilersinneqartut allatseqarnikkut sullisissallugit, taakkulu tassaapput:

Inuit aqqinut tunngatillugu suliassat siornatigut immikkut Inuit Aqqinik Akuersisartunik ilaasortaqartartut 2014-imit Oqaasiliortunit isumagineqartalerput.

Oqaasileriffiup akuersisartunut aalajangiisartunullu allatseqarfiunermi saniatigut kalaallisut oqaatsinik teknologiikkut ineriartortitsisuuvoq, kalaallisut qarasaasiaq atorlugu oqaasilerissutit Oqaaserpassualeriffimmi ineriartortinneqarlutik.

Inuit aqqinut kiisalu oqaaserpassualerinermut tunngasut annertunerusumik paasisaqarfigineqarsinnaapput uani:

Erseqqissaatigineqassaaq Oqaasileriffik nutserisoqarfiunngimmat nutsigassanillu suliaqarneq ajorluni.