Ateq ujaruk
Atit ujakkamut naleqquttut
Atit naleqquttut nassaarisat 32:☆
| Ateq | ☼ | Qallunaatut | Allattaasitoqaq | |||
|---|---|---|---|---|---|---|
| Ateq | ☼ | Qallunaatut | Allattaasitoqaq | |||
| Ujakkamut naleqqunnerit | ||||||
| Nivi | Kitaamiusut | Nive | ||||
| Niviaaja | Niviâja | |||||
| Niviaaluk | Kitaamiusut | Niviâluk | ||||
| Niviaana | ||||||
| ▸ | Niviana | Kitaamiusut | Niviana | |||
| Ateq Niviana matuminnga naggueqarpoq: Niviaq (allattaasitoqqami Nivia?), niviarsiaqqat atiat. Isumaa: Niviaq tassaavoq naalisagaq uuminnga: niviarsiaq. Niviaq isumaqassagunarpoq ima: 'nivissatut pilersitaq.' Niviaq suli naalisarneqartarpoq ima: Nivi. Ateq Niviana tassaavoq Niviaq qanga Kalaallit atiunera ersersinniarlugu uiggiuttagaannik –na-mik uigusaq Niviana-nngorluni. Kalaalit aqqisa akuerisat akornanni aqqit nivi-mik nagguillit katillutik 14-iupput, ilaat makkuupput: Niviaaluk (mikisoq (aqarpaluttumik)), Niviarsiaraq (mikisoq), Niviatsiaq (kusanartoq), Nivinnguaq (asanartoq), Nivikka il.il. Aammattaaq uiggiuttakkap –na-p saniatigut atitut uiguusiunneqartartut (-sina aamma -kkana) atorlugit nivi ima aterineqartarpoq: Niviarsina aamma Nivikkana. Aamma uku alakkakkit: Niviaq & Nivikka. | ||||||
| ▸ | Niviaq | Kitaamiusut | Niviaĸ | |||
| Niviaq (Niviaĸ) Isumaa: Niviaq oqaatsip niviarsiap naalisarneraa, Niviaq imaassinnaavoq isumaqartoq 'nivissatut pilersitaq.' Kalaallit aqqisa nalunaarsorsimaffianni aqqit nivimik nagguillit assigiinngitsunik inuttut pissusermut attuumassutilinnik uiguusersukkat makkuupput: Niviaaluk (mikisoq (aqarpaluttumik)), Niviarsiaraq (mikisoq), Niviatsiaq (kusanartoq), Nivinnguaq (asanartoq). Taakkua saniatigut inuttut atiunera ersersinniarlugu uiguutaasartunik -na, -sina aamma –kana-mik uiguusersukkat nalunaarsukkani makkuupput: Niviana, Niviarsina aamma Nivikkana. Amerlassusii: Niviaq 29. Niviaĸ 6. | ||||||
| ▸ | Niviarsiaq | Avanersuarmiusut | Niviarsiaĸ | |||
| Avanersuarmi nalunaarsorneqaqqaarsimasoq. Isumaa: 'arnaq inuusuttoq, inersimasunngulersoq, katissimanngitsoq'. Nagguigalugit ‘niviaq’ (arnaq) aamma ‘-siaq’ (pisaaq). Niviarsiaq naalisarneqartarpoq ima: Nivi, Niviaq aamma Nivikka. Nivip nagguia nagguitoqaq 'neve' isummanik makkuninnga attassivoq: 'attuumavoq', 'nipputeqqavoq' (niviarsiaraq immaqa anaanaminiit kaanngarusunngitsoq pillugu). Uagut kalaallit oqaaseq 'niviorpoq' 'qaninniarpoq'-mut oqaasiutigaarput (ordbogêrak' 1951, qup. 122). Naggueqatitta internetimi ordbogianni (www.asuilaak.ca) oqaaseq 'niviuqpuq' ima nassuiaaserneqarsimavoq: 'inoqamminut isumaaluppoq; ungalluni qimagukkumanngilaq (1) anaanaq meeqqani napparsimammat (2) timmiaq (mannini piaqqani pillugit) ulluminiit qimagukkumanngitsoq'. Jean Briggsip naggueqatitta qanga perorsaariaasiat pillugu atuakkiamini 'Never in Anger' 1970-imi saqqummersumi q. 376-imi oqaaseq 'niviuq' ima nassuiaserpaa: 'asannittumik attorusullugu kunikkusulluguluunniit'. Taamatuttaaq Nunavumi Qamanittuarmiut (Baker Lake) arnamut inuusuttuaqqamut taaguuteqarput ima: 'niviakkaq'. Kalaallit aqqisa nalunaarsorsimaffianni aqqit nivimik nagguillit 14-iusut assigiinngitsunik inuttut pissusermut attuumassutilinnik uiguusersukkat ilaat makkuupput: Niviarsiaraq (mikisoq), Niviaaluk (aqarpaluttumik: mikisoq), Niviatsiaq (kusanartoq), Nivinnguaq (asanartoq) il.il. Taakkua saniatigut inuttut atiunera ersersinniarlugu uiguutaasartunik uiguusersukkat nalunaarsukkani makkuupput: Niviana, Niviarsina aamma Nivikkana. Uiguutit -na, -sina aamma -kkana allallu nalinginnaasumik atiuneranut takussutissaasarput. Qangaanerusoq peqqissaasoq niviarsiamik aamma taaneqartarpoq (nalitsinni taaguutigaa: Peqqissaasoq). | ||||||
| Niviarsiaraq | Kitaamiusut | Niviarsiaraĸ | ||||
| Niviarsina | Kitaamiusut | Niviarsina | ||||
| Niviatsiaq | Niviatsiaĸ | |||||
| ▸ | Nivikka | Avanersuarmiusut Kitaamiusut | Nivíka | |||
| Isumaa: Nivikka oqaatsip niviarsiap naalisarnerata nivip atertullu uigunniliuttakkap –kana-p (Nivikkanap) naalisarnerissagaa ilimanarpoq. Nalitsinni niviarsiaq isumaqarpoq 'arnaq inuusuttoq, inersimasunngulersoq, katissimanngitsoq'. Kalaallit aqqisa nalunaarsorsimaffianni aqqit nivimik nagguillit assigiinngitsunik inuttut pissusermut attuumassutilinnik uiguusersukkat makkuupput: Niviaaluk (mikisoq (aqarpaluttumik)), Niviarsiaraq (mikisoq), Niviatsiaq (kusanartoq), Nivinnguaq (asanartoq) aamma Niviaq (niviarsiatut pilersitaq?). Taakkua saniatigut inuttut atiunera ersersinniarlugu uiguutaasartunik -na, -sina aamma –kana-mik uiguusersukkat nalunaarsukkani makkuupput: Niviana, Niviarsina aamma Nivikkana. | ||||||
| Nivikkana | Avanersuarmiusut | Nivíkana | ||||
| Nivikkannguaq | Avanersuarmiusut | Nivikánguaĸ | ||||
| Nivikkuluk | Nivíkuluk | |||||
| Nivineq | Qavappiattut | Nivineĸ | ||||
| Nivinnguaq | Nivínguaĸ | |||||
Aterni ujarlerneq
Inuit aqqinut tunngasut
