Ullut tamarluinnaasa oqaaserpassualerinermik suliat naammattoortarpavut atortarlutigillu,

ass. oqarasuaatini, internetimi, nutaarsiassani, ordbogini il.il.:

Tamakkuli oqaatsit kalaallisuujunngitsut ( …) atorlugit ingerlanneqarajunnerusarput.

Ukiut tamarluinnaasa oqaatsit 25-t miss. nungutaasarput.

Maannamut nunarsuarmi oqaatsit 7000-it missaaniipput.

Naatsorsuutigineqarpoq ukioq 2100 tikitsinnagu oqaatsit 5400-t nungutaareersimassasut.

Taamaattumik nunarsuarmi oqaatsit imminnut unammilleqatigiipput periarfissarsiullaqqinnerpaallu kisimik piuinnassallutik.

Oqaatsit atorneqarnertik inuummarissaatigisarpaat alliartuutigalugulu.

Oqaatsit atorneqanngikkunik sakkussanillu tuniorarneqanngikkunik nungutaassapput.

Kalaallisut oqaatsivut siunissaqartikkumallugit oqaatsinullu allanut unammillersinnaatikkumallugit pisuni tamani atortariaqarpavut – aamma qarasaasiamik oqaasilerinerup silarsuaani (=> oqaaserpassualerineq).